34
c)
Şirkət strategiyası. Vençur kapitalistlər ümumi idarəetmə təcrübəsinə
(general management experience) sahib ourlar. Eyni zamanda şirkətin kapital
bazarında dəyərləndirilməsi və çıxış strategiyaları haqqında biliklərə sahibkarlar
nadir hallarda sahib olurlar. Bu və digər strateji məsələlərin həllində vençur
kapitalistlər önəmli rol oynayır, hətta lazım olduqda müxtəlif konsultasiya
firmalarından şirkət lehinə köməkliklərin alınmasında da iştirak edirlər.
d)
İdarəetmə. Bir çox vençur layihələrdə, innovator öz yaxın dostları ilə
bu işə başlıyır və işə alma və işçilərin dəyərləndirilməsi istiqamətində təcrübəsiz
olurlar. Vençur kapitalistlər isə bu sahədə təcrübə sahibi olmaqla yanaşı, işə alma
prosesinə də qatılırlar. Bundan başqa bəzən idarəçilər arasında meydana gələn
gərginliklərin yoluna qoyulmasında vasitəçi rolunu da oynuyurlar.
e)
Maliyyə. “ Hands-on” və “ reaktiv” tipli idarəetmə üsullarında vençur
kapitalistlər şirkətin maliyyə planlaşdırması və nəzarəti xidmətlərini həyata keçirir,
maliyyə işlərində məsul şəxs rolunda olurlar. Məqsəd aşağıdakı iki vacib
mexanizmanın düzgün fəaliyyətini təmin etməkdir:
-
Şirkətin performansı ilə bağlı olan funksiyalar haqqında ( araşdırma və
inkişaf etdirmə, istehsal, marketinq, satış) etibarlı informasiya verilməsi;
-
Verilən bu informasiyalar əsasında gələcəkdəki neqativ halların qarşısının
alınması və bunun üçün strategiya və layihəərin hazırlanması.
Vençur kapitalistlər və onların komandası (back-up team) şirkətin
performansının daha da yaxşılaşdırılması istiqamətində qurucu və maliyyə
müdirləri üçün pioner rolunu (ride herd) oynuyurlar. Maliyyə nəzarətinin
qənaətbəxş olmadığı hallarda vençur kapitalistlər maliyyə funksiyasının
gücləndirilməsi üçün şirkət qurucusu ilə görüşür və auditorların dəyişdirilməsi ilə
bağlı öz tələblərini irəli sürür.
Məhsul, istehsal xərcləri, satış qiymətlərinin müəyyənləşdirilməsi, kapital
xərclərinin dəyərləndirilməsi və şirkət sərmayəsinin nəzarəti xüsusilə diqqət tələb
edən məsələlərdir. Kompyuterlə idarə olunan bir maliyyə modelin hazırlanması bu
məsələlərin həllini asanlaşdıra bilər.
35
Bir vençur kapitalistinin “ hands-on” idarəetmə üsulundan istifadə edə bilməsi
üçün bir çox insanda (profesional mühasiblər, maliyyə menecerləri, bank işçiləri və
s.) olmayan idarəetmə təcrübəsinə malik olmalıdır. İngiltərədə “ hands-on”
idarəetmə çox vaxt texnoloji sahədə çalışanlarla maliyyə bilikləri olan insanlardan
təşkil olunan qruplar tərəfindən həyata keçirilir. (24, səh. 122-123)
Vençur kapitalistlər fəaliyyət göstərəcəyi sahə ilə birbaşa əlaqəsi olan
texnoloq menecerləri işə götürürlər. Texnoloq menecerlər ən son texnoloji
yeniliklərlə tanışlıq üçün lazım olan biliyə və imkanlara sahib şəxslərdir. Vençur
kapitalistlər, eyni zamanda, qurduqları iş şəbəkəsində müxtəlif elm adamlarından
və sahə tədqiqatçılarından əldə etdikləri elmi və texniki biliklər əsasında araşdırma
və inkişaf etdirmə fəaliyyətlərini həyata keçirirlər. Müxtəlif tədqiqat institutlarında,
universitetlərdə və şirkətlərin araşdırma mərkəzlərində üstündə işlənilən texnoloji
layihələrin şirkətlərə təklif edilməsində vasitəçi rolunu oynayırlar.
Menecer qismindəki mühasiblər məhsulun həyat tsikli əyrisi haqqında öz
fikirərini irəli sürürlər. Çünki məhsulun stabil göstəriciləri, uzun müddətdə
gətirdiyi gəlir və maliyyə hesabatları ilə artım və enmə mərhələləri əvvəlcədən
məlum olur. ABŞ-da Milli Mühasibat Assosiasiyasının ( National Accounting
Association) tərəfindən aparılan araşdırmalar nəticəsində məlum olmuşdur ki,
mühasib menecerlərin 20%-i şirkətin yeni məhsul haqqında aldığı qərarlarda təsirli
olduğunu bildirdiyi halda, 43%-i isə bu mövzuda onların heç fikirlərinin belə
soruşulmadığını qeyd ediblər.
Tədqiqat nəticəsində o da məlum olub ki, profesional səviyyədə mühasib
menecerlərdən istifadə və onların idarəetmədəki üstün fəaliyyətləri şirkətin gələcək
inkişafında öz müsbət nəticələrini göstərmişdir. Çünki hesabat göstəricilərindən
istifadə edilərək hazırlanan planlaşdırma və nəzarət işləri nəticəsində alınan
qərarlar daha səmərəli xarakter daşıyır.
Texnoloji firmaların ilkin mərhələsində qarışıq, mürəkkəb bir sistem yerinə
çevik və yeni mühitə tez adaptasiya olan strategiyaların hazırlanması daha
məqsədəuyğundur. Vençur kapitalistlər planlaşdırma, maliyyə nəzarəti və şirkət
düzgün fəaliyyət göstərməsi üçün hesabat göstəricilərindən istifadə edirlər. Çünki
36
idarə heyətinin bugün aldığı qərarlardan sonra gələcəkdə hansı nəticələrin əldə
ediləcəyini bilmək istəyirlər.
Dediyimiz kimi, vençur maliyyələşdirməsi riskli investisiya növüdür. Yüksək
gəlir hədəfləyən vençur şirkətlər bir sıra risklərlə qarşılaşırlar. Vençur
maliyyələşmə zamanı yaranacaq başlıca riskləri texnoloji risk, idarəetmə riski,
istehsal riski, maliyyə riski və marketinq riski olmaqla qruplaşdırmaq olar.
Texnoloji risk ─ innovatorun yeni texnologiyaları istehsala düzgün tətbiq
edə bilməməsi ilə bağlı riskdir. Texnolji risklərin yaranma səbəbləri müxtəlif olur.
Ancaq təcrübədə, kiçik şirkətlərin ETTKİ zamanı yetəri qədər bilik və təcrübəyə
malik olmaması hallarına daha çox rast gəlinir. Texnoloji cəhətdən yarana biləcək
problemlərdən biri də düzgün işləməyən, nasaz yeniliklərin yaradılması və ya yeni
texnologiya üçün lazım olan mütəxəssislərin çatışmazlığıdır. Nəticə olaraq əldə
olunan innovativ məhsuldan lazımi şəkildə istifadə etmək mümkün olmur. Bundan
başqa, vençur maliyyələşdirməsinin uzunmüddətli olması səbəbi ilə investisiya
qoyulan yeni texnologiyanın zaman keçdikcə köhnəlməsi və nəticədə istənilən
gəlirin əldə edilməməsi riski də texnoloji risklərə aid edilir. Belə hallara sürətlə
inkişaf edən informasiya və rabitə texnologiyaları sahəsində daha çox rast gəlinir.
İdarəetmə riski ─ vençur sərmayə yatırılan şirkətin idarəetməsindəki
problemlərlə bağlı olur. Bu problemlərə şirkət rəhbərlərinin idarəetmə sahəsində
bilik və bacarıqlarının az olması səbəbindən şirkətin gələcək fəaliyyətinə düzgün
istiqamət verə bilməməsi və idarəçilikdə buraxılan səhvləri aid edilir. Vençur
firmalar idarəetmə riskini azaltmaq üçün öz peşəkar menecerləri ilə kapital
qoyduqları şirkətlərin idarəetməsində fəal iştirak edirlər.
İstehsal riski ─ istifadə olunan texnologiyanın böyükmiqyaslı və
uzunmüddətli istehsal üçün əlverişli olmaması riskidir. Yəni, səmərəli istehsalın
(istehsal artdıqca xərclərin azalması) mümkün olmadığı texnologiyaya investisiya
qoyulması riskidir.
Maliyyə riski ─ istehsal zamanı yaranacaq xərclərin və maliyyə
ehtiyaclarının kapital hesabına ödənilməsi mümkün olmadıqda yaranır. Əlavə
xərclərin yaratdığı bu cür risklər qoyulan kapitalı da təhlükəyə atır.
Dostları ilə paylaş: |