25
idarəetmə təcrübələri ilə tanış olmağa imkan yaradır. Biznes-plan birbaşa olaraq
şirkətin öz idarə heyəti tərfindən tərtib edilməlidir. Çünki bununla, şirkət rəhbərliyi
öz bilik səviyyəsi və peşəkarlıqlarını göstərmiş olurlar. Planda real zamanı və
şəraiti nəzərə alınmalı, ciddi araşdırmalara istinad edilməli və gələcək
perspektivlərə də yer verilməlidir.
İdarəetmə, məhsul və ya xidmətlər, bazar və bazara girişi əngəlləyən
faktorlar, maliyyə ehtiyacı və potensial gəlirlər biznes-planın hazırlanmasında əsas
diqqət yetirilən elementlərdir.
İlkin araşdırma .Vençur şirkət 1-2 həftə ərzində təklifi ciddi olaraq diqqətə
alıb-almadığı barədə sahibkara xəbər bildirir. Əgər müsbət nəticə olarsa, mümkün
olan ən qısa zamanda araşdırmalara başlanılır. Bu mərhələdə şirkət idarəetməsi ilə
yaxından tanış olunur, məhsul barədə qiymətləndirmələr aparılması, texnoloji və
bazar dəyərləndirilməsi, məhsula tələb səviyyəsi, mövcud sahənin vəziyyəti, rəqib
firmalar, alternativ məhsullar haqqında məlumatlar əldə edilməsi və maliyyə
analizlərinin aparılması kimi bir sıra işlər həyata keçirilir. Bu işlərin aparılması hər
iki tərəf üçün həm maddi, həm da vaxt itkisinə səbəb olsa da, gələcəkdə birgə
fəaliyyətin qurulması üçün vacibdir.
Sonrasında hər iki tərəf ─ vençur şirkət və layihə təşəbbüskarları bir araya
gələrək, biznes və maliyyə planı üzərində bir sıra düzəlişlər edirlər. Belə ki, yeni
yaradılan bir şirkətin biznes və maliyyə planı ilə böyümə sərmayəsi axtaran
mövcud şirkətlərin biznes və maliyyə planı arasında müəyyən fərqliliklər
mövcuddur. Çünki fəaliyyətdə olan şirkət müəyyən bir keçmişə sahibdir. Vençur
şirkətlərin soruşacağı sualların və qarşılacağı problemlərin həlli məlumdur. Bundan
başqa fəaliyyətdə olan bir şirkət artıq öz istehsal infrastrukturuna, bazarda satış
payına, fabrik və təchizatlara, idarəetmə heyəti və üsuluna sahib olur. Buna görə
də, mövcud olan bir şirkətin biznes və maliyyə planı yeni yaradılan şirkətə nisbətən
daha az riskli olur.
Başlanğıc mərhələ riskləri üçün maliyyə planının hazırlanması nəzəri olaraq
asan görünə bilər. Ancaq real həyatda bu iş daha mürəkkəb hal alır. İlk öncə, şirkət
üçün bir maliyyə modeli hazırlanmalıdır. Sonra, həm bu model, həm də biznes-
26
plan əsasında ortaya çıxan nəticələrdən istifadə edərək vençur şirkətlər təxmini
gəlir və xərc balansını, pulun hərəkəti və digər ödənişləri hesablayırlar. Çox vaxt
riskin qarşısını almaq məqsədilə ehtiyac duyulan başlanğıc sərmayə üçün
müvəqqəti maliyyə planı hazırlanır.
Ümumiyyətlə, maliyyə planları vençur şirkətlər və layihə təşəbüskarları
tərəfindən şirkətin quruluş mərhələsindən etibarən 3-5 il ərzində hazırlanır. Ancaq
başlanğıc mərhələdə olan şirkətlərin maliyyə planlarındakı qeyri-müəyyənliklərin
çoxluğu nəzərə alındıqda vençur şirkətlər üçün qısa müddətli planların daha az
riskli olduğunu qeyd edə bilərik.
Sahiblik və idarəetmə məsələləri. Çox vaxt şirkət qurucuları sahiblik və
nəzarəti bir-birindən fərqləndirə bilmirlər. İdarəetmə təbəqəsi bir işə nəzarəti
həyata keçirər və vençur şirkətlərin də buradakı rolu ümumən dəstək olmaqdan
ibarətdir.
Əgər bir iş planlandığı kimi getməzsə, vençur şirkət səhm sahibi olaraq
idarəetmədə bəzi dəyişikliklərin olunmasını tələb edə bilər. Çox zaman vençur
şirkətlər bu cür vəziyyətlərdə idarə heyətini öz qərarlarının doğruluğuna inandıra
bilirlər.
Vençur investisiyalar zamanı əsas məsələlərdən biri də investorun
idarəetmədə sahib olduğu səs çoxluğu ilə onun qoyduğu kapital dəyərinin
mütənasib olmamasıdır. Çox vaxt vençur kapitalistin şirkətə qoyduğu kapital çox
olsa da, onun sahib olduğu səs çoxluğu az olur. Eyni anda həm idarəetmə, həm də
gəlir gətirmə funksiyalarına malik 2 cür səhm vardır. “A” kateqoriyasındakı
səhmlər idarəetmədə səs çoxluğu versə də, az miqdarda gəlir gətirir. Bu cür
səhmlər daha çox idarə heyəti üçündür. “B” kateqoriyasındakı səhmlər isə, yüksək
gəlir gətirir, idarəetmədə səsvermə hüququ az olur. Bu səhmlər də ən çox vençur
kapitalistlər üçün buraxılır. Bu problemi həll etmək üçün konvertasiya edilən
səhmlərdən və ya borc kağızlarından istifadə edilir.
Gözlənilən gəlir və riskin dəyərləndirilməsi. Risk hərfi mənada gözlənilən
nəticənin olmama ehtimalıdır. Vençur maliyyələşdirmədə risk termini qeyri-
müəyyənliyi ifadə edir. Vençur şirkətlər dövlətin zəmanət verdiyi sahələrə
27
investisiya qoyan konservativ investorlardan fərqli olaraq, yüksək riskli kapital
qoyuluşlarını həyata keçirirlər. Vençur şirkətlər yüksək riskin olduğunu bilə-bilə
bu işə girişər və bu riskin minimuma endirilməsinə çalışar.
Vençur kapital qoyuluşunda müxtəlif səviyyəli iki növ risk nəzərə alınmalıdır.
Birincisi, ümumi riskdir ki, bu, bütün investisiyalar üçün xarakterik olan qeyri-
müəyyənlik səviyyəsidir. Daha alt səviyyədəki ikinci risk isə, şirkətin fəaliyyət
tərzinə bağlı olaraq spesifik investisiyalar zamanı ortaya çıxan xüsusi risklərdir.
Riskin dəyərləndirilməsi 3 istiqamətdə həyata keçirirlir: məhsul riski, bazar
rsiki və idarəetmə riski.
Vençur şirkətlər riskin dəyərləndirilməsində analitik alətlərdən istifadə edir,
ancaq bunlar mümkün olmadıqda bilik, təcrübə və intuisiyaya ehtiyac duyurlar. İlk
olaraq, diqqətə alınacaq amillər bunlardır:
-
Şirkətin potensialı (şirkətin ən pis və ən yaxşı vəziyyəti nə ola bilər),
-
Hesablanan maliyyə təxminlərinin etibarlılıq və doğruluq payı,
-
Nə qədər müddət ərzində gəlir əldə ediləcəkdir,
-
Gələcəkdə qoyulacaq əlavə kapital nəticəsində səhmlərin dəyərdən düşmə
(dilution) dərəcəsi nə qədər olacaqdır,
-
Kapitaldan çıxış təxmini olaraq necə olacaqdır; IPO, başqa şirkətə satılma
və ya şirkət sahibinin dəyişməsi.
Qiymətləndirmə. Araşdırmalar tamamlandıqdan sonra investisiya ilə bağlı son
dəyərləndirmələr sonrakı işgüzar görüşmələrin əsas müzakirə mövzusu olur.
Görüşmələr əsasən şirkət rəhbəri ilə vençur şirkətlər arasında baş tutur.
Hüquqşünas, mühasib kimi şəxslər bu görüşmələrdə məsləhət vermə və digər
məsələlər haqqında köməkçi qismində iştirakları mümkündür. Ancaq son
qərarların verilməsində bu köməkçilərin təsiri çox az olur.
Müqavilənin bağlanması və məzmunu. Çoxsaylı işgüzar görüşmələrdən sonra
təsbit edilən müqavilə şərtləri hamı tərəfindən başa düşülən olmalıdır. Kapitalın
həcmi həmişə yuxarı səviyyədə müəyyən olunur. Belədə bu əlavə kapital
gələcəkdə işin gedişinə bağlı olaraq ehtiyat fond kimi həmişə istifadəyə hazır
Dostları ilə paylaş: |