110
“Bax” qəzəli bu gün də eyni duyğunu, sirri- sehri təsəvvürləri
əhatə edir və çoxalan istiqamətdə əzizlənir. Sirri isə bu gün də
yozulmazdır, izahı ancaq dildə müxtəlif məqamlarda
xatırlanması ilə sonuclanır. Məlum olduğu kimi, “dildə bütün
xalq və vətən təcəssüm olunur: onda xalq ruhunun yaradıcı
gücü, vətən göylərinin səsi, onun havası, fiziki hadisələri, ab-
havası, çölləri, dağları, düzləri, onun meşələri və çayları, onun
burulğan və tufanları gerçəkləşir... Ancaq xalq dilinin işıqlı və
şəffaf ənginliklərində doğma yurdun təkcə təbiəti deyil,
həmçinin xalqın mənəvi həyatının bütün tarixi əks olunur” (49,
18). Doğurdan da, M.P.Vaqif şeiri (buraya M.V.Vidadini də
əlavə edirik və onların ikisini bir-birindən ayırmaq mümkün
deyildir; onlar birlikdə bir bütövü, XVIII əsr Azərbaycan
şeirinin inkişaf tendensiyasını, yenilikçi düşüncəni ortaya
qoyurlar) “xalqın mənəvi həyatının tarixini əks etdirir” və
bizim fikrimizcə, mənəvi həyatın tarixi real tarixdən, fiziki
mövcudluğun tarixindən qat-qat dərin və sonsuzdur. XVIII əsr
Azərbaycan şeirindəki Vaqif mərhələsi bu sonsuzluğun
sərhədləri daxilində hərəkətlidir, əlahiddəliyi də bununla
bağlıdır. Ona görə də nə qədər bu dövrü Vaqif / Vidadi
timsalında təhlil məqsədində olsaq da yenə bədii sözün
imkanları timsalında nəzəri fikrimizin imkanları az, bir qədər
də aciz görünür. Çünki Vaqif şeirindəki ecazkarlıq, bədii
parlaqlıq bizə vaxtaşırı qayıtmağı, ona hər dəfə əlavələrlə
yanaşmağı zəruri edir. “Bax” qəzəli timsalında yürütdüyümüz
mülahizələr bir tərəfdən həyat fəlsəfəsinə, onun sirli-sehrli
mahiyyətinə, insan ağlının çata bilmədiyi möcüzələrinə (bəlkə
də mümkünsüzlüyünə) hesablanırsa, digər istiqamətdə hissi
dərkin (qavramın) varlığına bağlanır. Vaqifdə hər ikisi qovuşur
və bəzən ikincisindən gələnlər daha üstünlük təşkil edir. Çünki
111
bu qəzəlin yazıldığı şəraitlə, onu gözləyən aqibətin
sonuclanması və şeirin özünün məzmunu elə əlahiddəliyə
hesablanmışdı ki, onu ancaq izhar etdiyi bu nümunə ilə ifadə
etmək olar. Üstəlik qəzəlin ünvanlandığı M.V.Vidadiyə
müraciət səbəbsiz deyildi və burada o, Vidadidən (şair
olandan) böyüyünü görmürdü, ona müraciətlə dərdini bölüşür,
həyat fəlsəfəsinin, dünya xanimanının nələrlə dolu olduğunu
elə dünyanın özünə çatdırırdı. Hadisə isə bəllidi, ünvana
gəldikdə bu daha uğurlu və düzgün seçim idi, çünki onu ancaq
şair olan, həyatın hər üzünü görən bir müdrik dərk edə bilərdi.
Daha İbrahim xan, Ağa Məhəmməd şah Qacar, Məhəmməd
bəy Cavanşir, yaxud da dünyanın digər bu silsilədən olan xan-
xavanları dərk etmək gücündə deyildilər, səbəb isə aydındı,
onların iddiaları, qəzəb və kinləri, asıb-kəsmək düşüncəsi buna
imkan verməmişdir və çox az-az mənsəb sahibləri bunu dərk
edə bilərlər. Dünən də, bu gün də belə olmuş, sabah da belə
olacaqdır. Doğurdan da, “Vaqif indi həyatın qarşıya qoyduğu
suallara cavab tapmaqda acizdir. Onun qəlbində nikbinlik
fəlsəfəsinə yabançı duyğular baş qaldırır. Həyatın ziddiyyətləri
qarşısında çaş-baş qalan şair həm sarayın ikiüzlü əhatəsindən,
həm ailəsindən, ümumiyyətlə ətrafındakı adamlardan
bədgüman olaraq gizlənməyə, təkliyə can atır. Artıq insanlarla
onun arasındakı mənəvi rabitə, tellər qırılmış, Vaqif Vidadinin
uzaqgörənliklə xəbər verdiyi sarsıntılara məruz qalmışdır” (32,
125). Doğurdsan da, əvvəlki müraciətlər timsalında bu qəzəli
təhlil etdikdə ünvanlanmanın səbəb və mahiyyəti bir qədər
aydınlaşır, çünki həyatın müşküllərini müxtəlif vəziyyətlərdə
Vaqifə çatdırmağa çalışan Vidadi bu dünya işinin
etibarsızlığını da göstərmişdi. “gəl çəkmə cahan qeydini, can
belə qalmaz”, “dərdim çoxdur birin doru sanan yox” misralı
112
şeirləri, eləcə də digər nümunələr və məşhur deyişmələri bunun
klassik nümunəsidir. Böyük Azərbaycan şairi N.Gəncəvinin
poemalarındakı
ayrı-ayrı
epizodlar,
“Sirlər
xəzinəsi”
poemasındakı “Özündən naümid padşahın dastanı” hekayəsi,
“Leyli və Məcnun” poemasındakı məşhur “Hekayət” (Mərv
ölkəsinin hökmdarı ilə bağlı olan hekayət nəzərdə tutulur)
özlüyündə təsadüfilikdən çox uzaq olan reallıqlara hesablanır.
Bütün bunların nəticəsi və bir tərəfi olaraq N.Gəncəvi
vurğulayırdı ki, “Məcnuna bənzəsən insanlıqda sən, dünyada
nə qüssə, nə dərd çəkərsən” (50, 258). Burada məsələnin
mahiyyəti başqa tipli olsa da, ancaq alt qatında daha ciddi, həm
də reallıqlara bağlanan məqamlar var ki, bu da Vaqifin son
şeirləri ilə bağlanır, hansı ki, Vidadi yaradıcılığında mühüm
tərəf olaraq sistemli şəkildə özünə yer alırdı. Onun ən klassik
nümunəsi isə Ağabəyim Ağabacının taleyində və məşhur
bayatısında əksini tapır.
Mən aşığam, qara bağ,
Qara salxım, qara bağ,
Tehran cənnətə dönsə,
Yaddan çıxmaz Qarabağ. (65, 52)
Mətnə diqqət yetirdikdə və hadisənin mahiyyətini dərk
etdikdə bunun məzmun yaddaşı bir sonsuzluqla səciyyələnir və
bütünlükdə xalqın keçib gəldiyi yolda ağrılarla dolu taleyi,
insanlığın acılarını, vətən, torpaq sevgisini, üzləşdiyi
mümkünsüz faciələri ifadə edir. Ona görə də Qarabağ ədəbi
mühitini bir həyat, etnos hadisəsi olaraq bütün tərəfləri ilə
nəzərdən keçirmək zərurəti ən önəmli məsələdir və bu dünən
də, bu gün də belədir. Bütünlükdə Qarabağ timsalında insanlığa
Dostları ilə paylaş: |