Ilk bolalik davrida bolalar shaxsining rivojlanishi Bu davrdagi bolalarning xatti-harakatlari ularning xohish va hissiyotlari
juda о‘zgaruvchan bо‘ladi. Masalan, bolaning yig‘lashi hamda yig‘idan tо‘xtashi
juda tez о‘zgaradi. Ilk davrda bolada о‘z yaqinlariga: onasi, otasi, buvi-buvalari,
tarbiyachisiga nisbatan muhabbat shakllanadi. Bola о‘z yaqinlaridan maqtov
olishga harakat qiladi. Ota-onalar tomonidan bolaning xatti-harakatlari va
shaxsiy xususiyatlariga beradigan ijobiy emotsional baholari ularda о‘zlarining
layoqat va imkoniyatlariga nisbatan ishonchini shakllantiradi. U о‘z ota-onasiga
nihoyatda qattiq bog‘langan bо‘lib, intizomli va itoatkor bо‘ladi. Ana shu
bog‘liqlik sababli bolaning asosiy ehtiyojlari qondiriladi, xavotirligi kamayadi.
Onasi yonida bо‘lgan bolalar kо‘proq harakat qiladilar va atrof muhitni
о‘rganishga intiladilar. Bu davrda bola о‘z ismini juda yaxshi о‘zlashtiradi. Bola
doimo о‘z ismini himoya qiladi, uni boshqa ism bilan chaqirishlariga norozilik
bildiradi. Kattalarning bola bilan qiladigan muomala-munosabati uning о‘zini
alohida shaxs sifatida anglashini boshlanishiga imkoniyat beradi. Bu jarayon
asta-sekinlik bilan amalga oshadi. Kattalarning bola bilan qanday muomala
qilishlariga qarab uning о‘z
«Men” ini anglay boshlashi birmuncha avvalroq yoki
kechroq yuzaga kelishi mumkin. 3 Yoshli bola о‘zini, о‘z xohish va
ehtiyojlarini qondirishi mumkin bо‘lgan manba deb biladi va bu uning
“ Menga bering”, “Kо‘taring”, «Men ham boraman » kabi talablarida kо‘rinadi. Uch
Yoshli bolalar о‘zlarini о‘zgalar bilan taqqoslay boshlaydilar, buning natijasida
bolalarda о‘z-о‘zini baholash vujudga keladi. Shu davrdan boshlab bolalarda
mustaqil bо‘lish ehtiyoji yuzaga keladi va bu ularning
