vilayətinin qərb əyalətlərinin tərkibinə daxil olan yarıməyalət əmələ gətirir. Kiçik
Qafqaz xüsusi əyalət təşkil edən və təbiətinə görə qərb və şərq hissəsi bir-birindən
fərqlənən dağlıq vilayət əmələ gətirir. Cavahet-Ermənistan yaylası Ön Asiyanın geniş
kontinental yaylalarından biri olan Ermənistan yaylasının şimal-şərq əyalətidir.
behruzmelikov.com
behruzmelikov.com
Rusiya düzənliyi.
Rusiya düzənliyi onu əhatə edən Ural, Karpat və Krım dağları ilə birlikdə MDB-nin
qərbini, Avropa hissəsini tutur. Bu düzənlik Şimal Buzlu okeanı sahillərindən Qara və
Xəzər dənizlərinə və Qərb dövlət sərhədindən Urala qədər uzanır. Onun sahəsi 4 mln
km ²-ə yaxındır.
Relyefi. Rusiya düzənliyi relyefinin ümumi əlamətləri tektonika, düzənliyin qədim
zamanlardan dağ əmələgəlmə proseslərinə məruz qalmaması, ərazinin böyük
hissəsinin qədim Kembriyəqədərki platforma mənsubluğu ilə müəyyən olunur. Ona
görə də Rusiya düzənliyi dağ sistemlərindən məhrumdur və çox böyük sahələrdə
yüksəkliyin azca tərəddüd etməsilə səciyyələnir. Y.A. Meşeryakova görə Rusiya
düzənliyinin mütləq hündürlüyü 142 m-ə yaxındır.
Səthinin ümumi düzənlik xarakterli olmasına baxmayaraq, relyefinə görə Rusiya
düzənliyini yeknəsək adlandırmaq olmaz. Burada həm yüksəkliklər, həm də ovalıqlar
var. Orta Rusiya, Valday, Volqaboyu, Volın-Podol və başqa yüksəkliklərin
hündürlüyü 400 m-ə çatır. Qara dəniz sahilboyu, Dnepr, Oka-Don, Xəzərsahili,
Peçora və başqa ovalıqların hündürlüyü okean səviyyəsindən 200 m-ə belə çatmır.
Bunlardan ən alçaqda yerləşəni Xəzərsahili ovalıqdır.
Rusiya düzənliyi platformaya uyğun gəlir. Rusiya platformasında qalxanlardan 2-i-
Baltik və Ukrayna qalxanları məlumdur. Baltik qalxanına Kareliya və Kola
yarımadası daxildir. Bu qalxanın davamı MDB hüdudlarından xaricdə Finlandiya və
İsveç ərazisinə keçir. IV dövr çöküntülərinin nazik və fasiləli örütkləri nəzərə
alınmazsa, burada arxey və proterozoyun kristallik süxurları hər yerdə səthə çıxır.
Ukrayna qalxanı Azov dənizi sahillərindən Dneprboyu yüksəkliklərinə və Cənubi
Polesyeyə qədər uzanır. Baltik qalxanından fərqli olaraq Ukrayna qalxanı paleogen-
neogen çöküntüləri ilə örtülmüşdür. Burada qranit və qneyslər yer səthinə əsasən çay
vadiləri yaxınlığında çıxır.
behruzmelikov.com
behruzmelikov.com
Xəzərsahili sinekliz Rusiya platformasının ən dərin sineklizlərindən biridir. Bu
sineklizdə kembriyəqədərki bünövrənin dərində (20 km-ə qədər) yerləşdiyi güman
edilir.
Rus platformasının bünövrəsinin strukturunda sınmalarla məhdudlanmış nazik
novabənzər əyrilər- avlokogenlər müstəsna dərəcədə böyük rol oynayır. Paleozoyun
sonu- mezozoyun əvvəində avlokogenlərdə enmələr yüksəkliklər əmələ gətirən
qalxmalarla əvəz olunurlar. Bu kimi qalxmalara Valday, Moskva, Smolensk
yüksəklikləri və ehtimal ki, Dmitrov-Klin zirvəsi də aid edilir. Düzənlikdə
yerləsşməsinə baxmayaraq, Donetsk təpəliyi müasir dövrdə şiddətli peneplenləşmiş
paleozoy yaşlı qırışıq dağ massividir. Ön Qafqaz ərazisində və ondan şimala doğru
şiddətli metamorfizləşmiş süxurların paleozoy qırışıqlığı kompleksi yerləşmişdir.
IV dövr hadisələri. IV dövrdə Rusiya düzənliyinin geomorfoloji inkişafının tektonik
hadisələrlə şərtlənmiş 3 mərhələsini fərqləndirirlər:
1.
Erkən IV dövrün (IV dövrün aşağı sərhədindən Oka buzlaşmasının
başlanmasına qədər) ümumi intensiv qalxmavə relyefin maksimum
parçalanması mərhələsi.
2.
Erkən və orta IV dövrün (Oka buzlaşmasının başlanğıcından mikulin
buzlaqarası dövrünün sonuna qədər) hamarlanma, çöküntü toplanma
proseslərinin üstün olduğu ümumi tədrici enmə mərhələsi. Bu mərhələdə
allüvial düzənliklər və polesyelərin formalaşması başa çatır.
3.
Erkən IV dövr mərhələsinə (Valday buzlaşması dövrü və holosen) nisbətən zəif
qalxan yeni ümumi qalxma səthlərilə səciyyələnir.
Rusiya düzənliyinin Şimal Buzlu vilayəti. Bu vilayətin xarakter əlamətlərini
müəyyən dərəcədə buzlaq fəaliyyəti- çöküntülər toplanması, buzlaq qazılmaları və s.
behruzmelikov.com
behruzmelikov.com
ilə bağlı olan relyef formaları təşkil edir. Şimal Buzlu vilayətində 4 geomorfoloji
əyalət ayrılır:
1.
Kola yarımadası və Koreliyanı əhatə edən buzlağın dağıtdığı əyalət. Bu əyalətin
ərazisi materik buzlağının mərkəzlərindən biri olmuş, nəhəng qalınlığa malik
buzlaq örtüyü oradan Rusiya düzənliyinin cənub və cənub-şərqinə yayılmışdır.
Buzlaq özündən əvvəl yaranmış çuxurları dərinləşdirmiş, qayalıqları
cilalayaraq “qoyun kəlləsi” formasına salmış, qranit, qneys, qumdaşı parçalarını
qoparıb özü ilə bərabər daha cənub rayonlara aparmışdır. Relyefin buzlaq-
akkumlyativ formaları içərisində son moren tirələri yaxşı qorunub saxlanmış,
bəzi yerlərdə isə kam təpələri və ozlar qalmışdır.
2.
Valday buzlağının cavan təpəli-moren relyefi əyaləti. Bu əyalət pribaltikadan
və Belorusiyanın şimalından Şimali Dvinanın orta axınına doğru enli zolaq
şəklində uzanır. Relyefin buzlaq-akkumlyativ formaları özünün müxtəlifliyi və
təzəliyi ilə insanı heyrətə salır. Valday buzlağı akkumlyasiyası sahəsinin əsas
geomorfoloji landşaftları qaydasız yayılmış təpələrlə birlikdə son moren
tirələrindən, əsas morenlərin sakit dalğavari düzənliklərindən, zandr
qumlarından, bataqlıqlaşmış kol-buzlaq ovalıqlarından, minlərlə böyük və kiçik
göllərdən ibarətdir. Əyalət üçün buzlaq-akkumlyativ relyef formalarından ozlar
(tirələr), kamlar və zvonets-qüllələr daha səciyyəvidir.
3.
Moskva buzlağının dalğavari-morenli əyaləti. Onun cənub sərhədi Minsk və
Moskvanın cənubundan, Vetluqa çayının yuxarı axınından keçir. Burada buzlaq
relyef formaları aşınmışdır. Burada yalnız son moren tirələri olan bəzi
yerlərdəki təpəli akkumlyativ buzlaq relyefi yuyulmamış, çuxurlarda tək-tək
göllər qalmışdır. Cənuba doğru relyefin formalaşmasında erozion proseslərin
rolu tədricən qüvvətlənir, dərə və yarğanlar çoxalır.
behruzmelikov.com
behruzmelikov.com
Dostları ilə paylaş: |