Suayırıcılarda meşə ilə otlu çöllərin qarışığından meşə-çöl bitki tipi yaranır.
Mülayim kontinental iqlim və parçalanmış relyeflə əlaqədar olaraq Rusiya
düzənliyində meşə-çöl şimaldan cənuba doğru çox uzanmışdır. Rusiya düzənliyi
meşə-çölü üçün şam meşəliyi də xarakterikdir.
Müxtəlifotlu çöl torpağı bütöv çimliyi və olduqca zəngin bitki örtüyü ilə xarakterizə
olunur. Müxtəlifotlu çöllərdə lyoss və lyossabənzər gillicələrdə tipik qələviləşmiş
qaratorpaqlar əmələ gəlir. Meşə-çöldən cənubda iqlimin kontinentallığının artması
nəticəsində müxtəlifotlu çöllər çöl zonasına məxsus olan dənli bitki çöllərinə keçir.
Dənli bitki çöllərinin torpaqlarında orta humuslu (adi) və azhumuslu (cənub)
qaratorpaqlar və tünd şabalıdı torpaqlar fon yaradır. Rusiya düzənliyinin cənub-
şərqində, yarımsəhralarda dənli bitki çölləri yovşanlı-dənli bitki çöllərinə keçir.
Yovşanlı-dənli bitki çöllərinin otları seyrək kompleksli olub, dənli bitki otlarından və
səhra yarımkollarından əmələ gəlmişdir.
Rusiya düzənliyinin landşaft zonaları və əyalətləri
Buz zonası
MDB-nin Avropa hissəsi ərazisində buz zonasına Frans-İosif Torpağı və Novaya
Zemlyanın Şimal adası daxildir. Bu, bütün il ərzində əriməyən qar və buzun hakim
olduğu zonadır.
Frans İosif torpağı.186 adadan ibarət bu arxipelaq Arktikanın mərkəzinə doğru daha
çox şimal hissəyə doğru yerləşmişdir. Arxipelağın sahəsi 16090 km²-dir. Arxiöelaq
Barens dənizinin şimal hissəsində yerləşdiyi ehtimal olunan rifeyə qədərki
platformanın bir hissəsi hesab olunur. Ən hündür zirvə dəniz səviyyəsindən 620-670
m-ə qədərdir. İqlim şəraiti çox sərtdir. Təkcə iyul ayında havanın orta temperaturu
müsbətdir ki, o da 0-a yaxındır.
behruzmelikov.com
behruzmelikov.com
Novaya Zemlya Şimal və cənub adlanan 2 böyük və çoxlu xırda adalardan ibarətdir.
Sahəsi 82600 km²-dir. Novaya Zemlyanın çox hissəsi Ural silsiləsinin tektonik
davamı olan dağlardan ibarətdir. Dağların mütləq hündürlüyü çox deyildir, ən hündür
nöqtəsi 1547 m-dir. Cənub adasının cənubunda dağlar təpəli düzənliyə keçirlər.
Buranın iqlimi Frans-İosif Torpağının iqliminə nisbətən ilıq olmasına baxmayaraq,
ümumiyyətlə aşağı temperaturu, çox buludluluğu və yüksək nisbi rütubətliliyi ilə
xarakterizə olunur.
Tundra zonası
Tundra zonasına Arktika adalarından Novaya Zemlyanın Cənub adası, Vayçaq,
Kolquyev və Barens dənizinin sahilləri daxildir.
Tundrada yayın soyuqluğuna Barens və Ağ dənizlərin təsiri çoxdur. Onlar buzların
əriməsinə və suyun qızmasına sərf olunan istini udur. Qışda isə havanın kəskin
soyumasına mane olur.
Tundra cavan landşaftlar zonasına daxildir. Burada materik buzlağı uzun müddət
qalmışdır və izləri relyefdə indi də nəzərər çarpır. Landşaft cəhətdən tundra zonası 3
yarımzonaya bölünür: Arktika tundrası, Tipik (mamırlı-yosunlu) tundra və Cənub
(kolluq) tundrası
Meşə
-tundra zonası
Rusiya düzənliyində bu zona şimaldan cənuba genişliyi 20-120 km-ə qədər olan dar
zolaq şəklindədir. 2 meşə-tundra əyaləti ayrılır: Kola və Şərqi Avropa əyalətləri.
Kola meşə-tundrası Donmayan Barens dənizinin təsiri nəticəsində Kola meşə-
tundrasının iqlimi yüksək rütubətliyi və yumşaq qışı ilə fərqlənir. Burada ildə 400
mm-dən çox yağıntı düşür. Yanvarın orta temperaturu -10-15° S-dir. Əyalətin Baltik
kristallik qalxanının qranit və qneyslərindən təşkil edilmiş ərazisi çoxlu gölləri olan
behruzmelikov.com
behruzmelikov.com
yüksək düzənliklərdən ibarətdir. Bəzi yerlərdə qayalı təpəliklər və yaxud əksinə,
bataqlaşmış çüxurlar vardır.
Şərqi Avropa meşə-tundrası Əyalətin iqlimi Kola yarımadası meşə-tundrasının
iqliminə nisbətən daha kontinentaldır. Orta yanvar temperaturu -20° S-ə yaxındır.
Relyefdə çoxlu kiçik və dayaz gölləri olan morenli təpəliklər və yastı zandr
düzənlikləri üstünlük təşkil edir. Meşələr Sibir küknarından, Sukaçov qaraşamından,
tozağacından ibarətdir. Həmçinin yaşılmamırlı, sfaqnumlu və yosunlu-kollu seyrək
küknar meşələri də geniş yayılıb.
Tayqa zonası
Meşə-tundranın cənubunda yerləşən tayqa zonası cənub-qərbdən qarışıq meşələr,
cənub-şərqdə isə meşə çöl zonası ilə həmsərhəddir. Rusiya düzənliyinin tayqası
MDB-nin digər tayqa rayonlarından 3 xüsusiyyəti ilə fərqlənir. Birincisi o, fəal
siklonlu rütubətli mülayim kontinental iqlimə malikdir. 2-ci xüsusiyyət tünd küknar
meşələrindən ibarət olmasıdır. 3-cü xüsusiyyət orta dərəcədə bataqlıqlaşma onu
bataqlıqdan kasıb Şərqi Sibir tayqasından və həmçinin drenajdan məhrum, şiddətli
bataqlaşmış Qərbi Sibir tayqasından fərqləndirir. Rusiya düzənliyinin tayqasına
şimaldan cənuba hərəkət etdikcə landşaftın zonalar üzrə dəyişildiyi müşahidə olunur.
Bu da 3 yarımzonanın- şimal, tipik və cənub tayqasının ayrılmasına imkan verir.
Rusiya düzənliyi tayqasında zona fərqləri ilə yanaşı, landşaftın əyalətlər üzrə
xüsusiyyətləri də aydın nəzərə çarpır. Bu xüsusiyyətlər zonanın geoloji-geomorfoloji
və uzunluq üzrə iqlim şəraitinin müxtəlifliyi ilə müəyyən edilir. Aşağıdakı əyalətlər
ayrılır:
Kola yarımadası tayqası, Kareliya tayqası, Dvina-Mezen tayqası, Timan tayqası,
Peçora tayqası, Şimali Uvallar tayqası, Ovalıq Zavoljye tayqası, Yüksək Zavoljye
tayqası.
behruzmelikov.com
behruzmelikov.com
Qarışıq meşə
lər zonası
Qarışıq meşələr şimal-şərqdə tayqa ilə Çud gölü-Pskov Novqorod-İvanova-Qorki
xətti üzrə sərhədlənir. Onun şimalı qarışıq meşələr, cənubu isə meşə-çöl (şimal meşə-
çöl yarımzonası) landşaft zonası tərkibində öyrənilir. Qarışıq meşələr zonasında
şimal-qərbdən cənub-şərqə doğru hərəkət etdikcə qərbdə Valday buzlağının son
moren tirələrinə, şərqdə erozion relyefli Dnepr buzlağının törəmə morenli
düzənliklərinə təsadüf etmək olar. Tayqa zonasına nisbətən qarışıq meşələr zonasında
landşaftların şaquli differensiasiyası daha aydın nəzərə çarpır. Tayqanı xatırladan
Meşşora ovalığı və onun yanında yerləşib şimal meşə-çölünə bənzəyən Yuryev
opolyesi, şaquli differensiasiya nəticəsində bir-birindən ayrılmış qarışıq meşələrin
komponentləridir. Qarışıq meşələr zonasında 6 landşaft əyaləti müəyyən edilir:
Dənizsahili qarışıq meşələr əyaləti, Belorusiya-Valday göllük ərazisinin qarışıq
meşələr əyaləti, Qarışıq meşələrin Predpolesye əyaləti, Qarışıq meşələrin Polesye
əyaləti, Qarəşəq meşələrin orta Rusiya əyaləti, Meşşoranın qarışıq meşələr əyaləti.
Meşə
-çöl zonası
Meşə-çölün şimal sərhədi Rusiya düzənliyin əsas landşaft sərhədinə uyğun gəlir və
iqlimi aydın seçilir. Bitki və torpaq cəhətdən meşə-çölün şimal sərhədi küknar
meşələrinin cənub sərhədi ilə başdan-başa boz meşə torpaqlarının yayıldığı şimal
sərhədə uyğun gəlir. Cənubda, suayırıcılarda ada şəklində yerləşən axırıncı böyük
meşə sahələrinin qurtardığı yerdə, meşə-çöl çölə keçir. Bu sərhəd təxminən adi
qaratorpaqların cənub sərhədindən bir qədər şimaldan keçir.
Bu zonada şimalda podzollaşmış və qələviləşmiş qaratorpaqlar, mərkəzdə tipik
qalın qaratorpaqlar, cənubda isə adi qara torpaqlar əmələ gəlmişdir. Zonanın yalnız
ucqar şimalında, bəzən də cənubundakı meşə massivlərində qaratorpaqlar boz meşə-
çöl torpaqları ilə əvəz olunur.
behruzmelikov.com
behruzmelikov.com
Dostları ilə paylaş: |