Meşə-çölün şimal və cənub landşaftları arasında böyük fərq müşahidə edilir. Buna
görə Rusiya düzənliyində şimal meşə-çölü, tipik meşə-çöl və cənub meşə-çölü
ayırmaq olur. ərazinin böyüklüyü və zonanın mürəkkəb relyefi 8 landşaft əyaləti
fərqləndirməyə imkan verir:
Podol və Dnepr boyu yüksəkliklərin meşə-çölü, Dneprboyu ovalığın terras
düzənliklərinin meşə-çölü, Orta Rusiya meşə-çöl əyaləti, Donetsk yastıtəpəliyinin
(kryajının) cənub meşə-çöl əyaləti, Oka-Don düzənliyi meşə-çölü, Volqaboyu
yüksəkliyi meşə-çölü, Ovalıq Zavoljye meşə-çölü, Yüksək Zavoljye meşə-çölü.
Çöl zonası
Çöl zonası Qara və Azov dənizlərinə qədər uzanır. Cənub şərqdə o yarımsəhra
zonası ilə həmsərhəddir. Rusiya düzənliyi çöllərinin flora və faunasında qərb növləri
çoxdur. Meşə-çöldə olduğu kimi çöl zonasında da torpaq, bitki və heyvanlar aləminin
yerləşməsi ərazinin relyefi ilə sıx bağlıdır. Bununla əlaqədar Rusiya düzənliyinin
cənub çöl ərazisində meşə-çölün analoqu olan subasar, terras, yastı suayırıcı, drenajsız
çayarası, çayboyu (yamac), qalıq suayırıcı məhəl tiplərini ayırmaq mümkündür.
Çöl zonası landşaftında zonallıq və əyalətlik də yaxşı seçilir. Qaratorpaqlarda şimal
çölləri və tünd şabalıdı torpaqlarda cənub çölləri yarımzonalarının mövcudluğu bunun
təzahürüdür. Əyalət fərqələri zonada 4 lanşaft əyaləti ayırmağa imkan verir:
Qara dənizsahili ovalığının çöl əyaləti, Aşağı Don çöl əyaləti, Ovalıq Zavoljyenin çöl
əyaləti, Yüksək Zavoljyenin çöl əyaləti.
Yarımsəhra zonası
Yarımsəhra zonası Rusiya düzənliyin yalnız cənub-şərqinə daxil olaraq, burada
Yergeni yüksəkliyini və Xəzərsahili ovalığın şimal yarısını əhatə edir. Onun cənub
sərhədi Volqadan qərbdə, Xəzər dənizi sahilində 150 km məsafədə keçir.
behruzmelikov.com
behruzmelikov.com
Rusiya düzənliyin yarımsəhra zonası landşaftının formalaşmasına iqlimdən əlavə
ərazinin geoloji-geomorfoloji xüsusiyyətləri-mütləq hündürlüyün az olması, düzənlik
relyef, zəif ezorion parçalanma, ana və dördüncü dövr süxurlarının duzlu olması çox
güclü təsir göstərir. Zonada yarğan və dərələr azdır.
Rütubətin çatışmazlığı və torpaqların duzluluğu bitkilərin ləkə şəklində
yayılmalarına səbəb olmuşdur. Yarımsəhra çalalarda otlu çöl, şorakətlərdə yovşanlı-
şoranlı səhra, açıq şabalıdı torpaqlarda şırımlı topallı-çobanyastıqlı yarınsəhra
kompleksləri zonasıdır. Yarımsəhra zonasında 2 landşaft əyaləti ayırmaq olar:
Yergeni yüksəkliyinin yarımsəhra əyaləti, Xəzəryanı yarımsəhra əyaləti.
Səhra zonası
Səhralar zonasına Xəzəryanı ovalığın cənub hissəsinin 1/3 daxildir. Ərazinin kiçik
olması və geoloji-geomorfoloji şəraitinin yeknəsəkliyi Rusiya düzənliyindəki səhralar
zonasını 1 landşaft əyalətinə -Xəzəryanı ovalığın qumlu və gilli-şoranlıq səhralar
əyalətinə aid etməyə imkan verir.
behruzmelikov.com
behruzmelikov.com
Tyan-Şan dağları
Tyan-Şan sıra dağlarının qərb hissəsi MDB, şərq hissəsi isə Çin ərazisindədir.
Şimali-şərqdə o, İli çayının dərəsi ilə Cunqari Alatausundan ayrılır. Cənubda isə
Tyan-Şan dağları Pamir-Alay dağ sisteminin Alay dağlarına qovuşur. Tyan-Şan bir
neçə dağ zəncirindən ibarətdir. Onların əksəriyyəti enlik istiqamətində uzanır. MDB
ərazisi daxilində Tyan-Şan dağlarının uzunluğu 1200 km-dir. Onun ən hündür zirvəsi
Qələbə piki olub, hündürlüyü 7439 m-dir. Onun yaxınlığında 2-ci bir yüksək zirvə
olan Xan-Tenqri (6995 m) yerləşir. Tyan-Şan dağları üçün iri sıra dağlar və onları
ayıran dağarası çökəkliklər xarakterikdir. Dağlar proterozoy və kembriyə qədərki
çökmə, metomorfik və püskürmə süxurlarından təşkil olunmuşdur. Dağarası
çökəkliklər isə əsas etibarilə kaynazoy erasının kontinental çöküntülərindən ibarətdir.
Tyan-Şan dağlarının şimal zəncirlərinin əksəriyyətində proterozoy və aşağı paleozoy
süxurlarının geniş sahədə yayılması xarakterikdir. Burada vaxtilə kaledon qırışığı
əmələ gəlmə prosesləri özünü göstərmişdir. Buna baxmayaraq burada əsas qırışıqlıq
hertsin qırışıqlığı hesab olunur. Hertsin qırışıqlığı nəticəsində əmələ gəlmiş bu
dağlarda üst permdə peneplenləşmə prosesi getmiş və bütün indiki Tyan-Şanın
yerində mezozoy erasında bu proses davam edir. Yalnız Yura dövründə ərazidə
neotektonik hərəkətlər baş verir. Və nəticədə ərazidə dərələr, çökəkliklər əmələ gəlir.
Həmin çökəkliklər karbonatlı çöküntülərlə örtülmüşdür. Tabaşir və paleogen
dövründə indiki Tyan-Şan ərazisinin çox da hündür olmayan denudasion
düzənliklərinin hakim olduğu yerlər indiki Qazaxıstan xırda təpəliyini xatırladırdı.
Tabaşir və paleogen dövrlərində Qərbi Tyan-Şan ərazisində dəniz mövcud olmuşdur.
Neogenin axırında tektonik hərəkətlər kəskin artır. Neogen və aşağı IV dövr tektonik
hərəkətlərilə əlaqədar denudasion və xırda təpəliklərin yerində Tyan-Şanın müasir
relyefi əmələ gəlmişdir. Tektonik proseslərlə əlaqədar relyefin formalaşması hazırda
da davam edir. Bunu hazırda baş verən seysmik hadisələr sübut edir. Tyan-Şan sıra
dağlarının relyefi çox hissədə yüksək dağlıq relyefi ilə xarakterizə olunur. Ən böyük
behruzmelikov.com
behruzmelikov.com
yüksəkliklər Mərkəzi Tyan-Şanda (Xan-Tenqra 6995 m) Qələbə piki, qərbdə Sarıca
yüksəkliyini (5000 m) qeyd etmək olar. Şimali Tyan-Şanda Zaylay sıra dağlarında
maksimal hündürlük 4973 m-ə, Qırğız sıra dağlarında 4875 m-ə, daxili Tyan-Şanda
isə Dankova zirvəsində 5982 m-ə çatır.
Tyan-Şan dağlarının yamacları dinamikdir və burada intensiv sürüşmələrə rast
gəlinir. Ərazidə həmçinin sel hadisəsi müşahidə edilir. Zaili Alatausunun şimal
yamacının çayları ən fəal sel rayonu kimi xarakterizə olunur. Burada güclü sel,
sürüşmə, uçqunla yanaşı güclü zəlzələlər də müşahidə olunur.
Tyan-Şanın iqlimi bütövlükdə kontinentallığı ilə xarakterizə olunur. Bu həmin
ərazinin nisbətən aşağı enlikdə materikin daxilində, Atlantik okeanından uzaqda,
quraq səhra və düzənliklərin arasında yerləşməsilə əlaqədardır. Lakin ərazinin xeyli
hissəsinin yüksəkliyə qalxması və relyefin parçalanması temperatur və rütubətin
paylanmasında mürəkkəblik yaradır.
Qonşu səhra əraziləri Tyan-Şanın dağətəyi və alçaq dağlıq zonasının iqliminə daha
çox təsir göstərir. Orta Asiya səhralarının üzərindən xeyli yüksəkdən keçən rütubətli
qərb hava kütlələri Tyan-Şan dağlarını əhatə edir.
Tyan-Şan dağlarının mürəkkəb dağ relyefi ilə əlaqədar onun qərb hissəsində orta və
yüksək dağlıq zonada xeyli miqdarda yağıntı düşür. Ancaq mərkəzi və daxili Tyan-
Şanın şərq yamaclarında, çökəkliklərdə 200-300 mm yağıntı düşür. Əksər yerlərdə
yağıntılar mayda düşür. Lakin qərb yamacda qışda da xeyli miqdarda yağıntı düşür.
Qərb yamaclarda qar örtüyünün qalınlığı 2-3 m-ə çatır. Daxili və Mərkəzi Tyan-Şanın
şərq yamacında qışda qar düşmür. Burada iqlimin kontinentallığı ilə əlaqədar qar xətti
Qərbi Qafqaz və Alp dağlarına nisbətən yüksəkdən keçir. Daxili və Mərkəzi Tyan-
Şanda qar xətti 4000 m-dən də yüksəkdən keçir. Tyan-Şan dağlarında iqlim yüksəklik
zonallığı ayrılır. Burada dağətəyində səhra iqlimindən yüksək dağlıq zonada dağ-
buzlaq iqliminə qədər rast gəlinir. Alçaq dağlıq zonanın çökəkliklərində iyul
behruzmelikov.com
behruzmelikov.com
Dostları ilə paylaş: |