Gülüstan müqaviləsi
75
tələb edirdi. Bir neçə gündən sonra Sisianov ona öz cavabını göndərdi.
Hərbi qüvvə ilə yardım etmək imkanı olmayan Sisianov polkovnik
Karyagini ruhdan düşməməyə çağırır və tövsiyə edirdi ki, dəstə üzvlərinin
psixoloji əhval-ruhiyyəsinin qaldırılmasına çalışsın. Sisianov bir daha onun
nəzərinə çatdırırdı ki, Tiflisdən çağırılan qüvvələr yetişməyincə ona kömək
göndərilməsi mümkün deyildir. O vaxta kimi isə çıxış yolunu İbrahim
xanın göndərəcəyi ərzaq yardımına bağlayırdı. Mayor Lisaneviçə yazdığı
məktubunda isə Sisianov onu qorxaqlıqda, polkovnik Karyaginə kömək
göstərməməkdə ittihamlandırırdı. Sisianov polkovnik Karyaginin köməyinə
çatmaq üçün Kartaliniyadan 9-cu yeger alayının 6-cı bölüyünün və
Sevastopol muşketyor alayının bir taborunun yetişməsini gözləyirdi. Amma
onun mayor Lisaneviçə yazdığı məktubundan aydın olur ki, general
Sisianov adları çəkilən hərbi qüvvələrin Gəncəyə vaxtında yetişəcəyinə
inanmırdı (67).
Şah qüvvələrinin təzyiq və hücumları isə davam edirdi. Abbas Mirzə
qarşısında dayanan rus dəstəsini məhv etməklə Qarabağın taleyini həll
etmək, həm də Gəncəyə aparan yolu açmaq istəyirdi. İyun ayının sonlarında
Abbas Mirzə bütün qüvvələrini səfərbərliyə alaraq rus mövqelərinə hücum
təşkil etdi. Topların bu döyüşə cəlb edilməsi Abbas Mirzənin zərbə gücünü
artırmaqla rus düşərgəsində itkilərin sayını çoxaltdı. Polkovnik Karyaginin
öz mövqeyini qorumaq üçün böyük cəhdlər göstərməsi şah qüvvələrinin
qarşısını saxlasa da təhlükəli vəziyyəti sovuşdurmaq mümkün olmadı.
Vəziyyət elə böhranlı hal aldı ki, bir sıra rus döyüşçüləri labüd ölümdən
xilas olmaq üçün əsir düşməyi üstün tutdular. Bunun nəticəsi idi ki, ağır
döyüşlərdən birinin gedişində poruçik Lisenko üç unter-zabit və 33 nəfər
yegerlə birlikdə şah qüvvələri tərəfinə keçdilər. Bu hadisə şah qüvvələrini
xeyli ruhlandırdı və rus mövqeləri üzərinə təzyiqlər daha da gücləndirildi.
Həmin günün axşamı daha 20 rus döyüşçüsü şah qüvvələri tərəfinə
keçməklə rusların sıralarını bir qədər də seyrəltdilər (68).
Polkovnik Karyaginin dayandığı mövqelərdə apardığı döyüşlərin hər
hansı bir nəticə verməyəcəyini və əksinə, ötən hər günün onları tamamilə
məhv olmaq vəziyyətinə çatdıracağını gördüyü üçün Şahbulaq qalasına
çəkilib onun qalın divarlarına sığınmağı qərara aldı. Bu qalanın ətrafında da
şah dəstələri dayandığından rusların buraya çəkilməsi müəyyən çətinlikləri
ortaya çıxardı. Lakin bu qalaya çəkilmək rusların məhv olmaqdan yeganə
çıxış yolu olduğu üçün polkovnik Karyagin dəstəsini bu hücuma
hazırlaşdırmağa başladı. Nəhayət iyun ayının 28-i gecəsi polkovnik
Karyagin Şahbulaq (Tərnəküt) qalasına geri çəkilməyə müvəffəq oldu (69).
Mehman Süleymanov
76
Şahbulaq qalası
Şahbulaq qalasına asanlıqla çatmaq üçün polkovnik Karyagin
dəstəsinin təchizat parkını döyüş meydanında tərk etdi, şah qoşunlarından
əldə etdiyi zənburəkləri isə yerə basdırdı. Yalnız dəstənin topları
əsgərlərin özü tərəfindən nəql edilməyə başladı. Erməni bələdçilərin
müşayiəti ilə dəstə gecə ikən mövqeyini tərk etdi və Şahbulağa üz tutdu.
Bununla belə, Qacar qoşunlarında Karyaginin dəstəsinin öz mövqelərini
tərk etməsi tezliklə aşkar olundu və həmin dəstənin təqib olunması qərara
alındı. Səhər açılana yaxın Karyaginin dəstəsi Şahbulaq qalasına yetişdi
(70)
Mənbələrdə olan məlumatlar göstərir ki, ruslar Şahbulaq qalasına heç
də asanlıqla daxil olmadılar. Onların təslim olmaq təklifinə qalanı
müdafiə edən şah qüvvələri rədd cavabı verəndə tərəflər arasında döyüş
başladı. Rus toplarının sərrast atəşlərinin qala darvazasını dağıtması şah
döyüşçülərini çaş-baş saldı və onlar qaçıb-dağılmağa üz tutdular.
Buradakı dəstənin rəhbərlərindən biri olan Əmiraslan adlı sərkərdə isə
qala divarlarından yıxılıb dünyasını dəyişdi (71).
Əsgəran ətrafında döyüşün keçirildiyi günlərdə polkovnik Karyaginin
ixtiyarında 400 nəfərlik dəstədən 90 nəfər öldürüldü, 167 nəfər yaralandı
və 54 nəfər isə əsir düşməyi üstün tutdu. Polkovnik Karyagin və mayor
Kotlyarevski bir neçə güllə yarası aldılar. Böyük itkilərə məruz qalmış bu
dəstənin Şahbulaq qalasına yetişməsi yerli ermənilərin bələdçiliyi ilə baş
tutdu. Qalaya yetişəndən sonra isə ermənilər dəstənin ərzaqla təmin
edilməsi işində öz səylərini əsirgəmədilər. Erməni bələdçi gecə ikən qala
Gülüstan müqaviləsi
77
ətrafından mühasirəni adlamağa müvəffəq olaraq Kasapet kəndinə çatdı.
Burada ərzaq tədarükü etməklə bərabər, dəstənin vəziyyəti haqqında
general Sisianova da məlumat göndərdi. Yerli ermənilərin köməyi ilə
polkovnik Karyaginin dəstəsinin ərzaqla təmin edilməsi o biri günlərdə
də davam etdirildi (72).
Şahbulaq qalasına sığınmaları rusları heç də onları izləyən təhlükədən
xilas etmədi. Pirqulu xan Qacarın rəhbərliyi altında olan dəstə Şahbulaq
qalasını mühasirə etdi. Farsdilli mənbələrə görə, polkovnik Karyagin
təhlükə məngənəsini qıra bilmədiyini görəndə qarşı tərəfə məktub
göndərdi və ona üç gün möhlət verilməsini xahiş etdi. Abbas Mirzə
mərhəmətlilik nümayiş etdirərək bu xahişi qəbul etdi və qala üzərinə
hücumun dayandırılmasına göstəriş verdi. Məlumata görə, polkovnik
Karyagin bu fürsətdən bəhrələnərək verilən möhlətin üçüncü günü
Şahbulaq qalasından da dəstəsi ilə birlikdə xəlvətcə qaçdı. Şah qüvvələri
bundan xəbər tutdular və dəstənin təqibinə başladılar. Ruslardan ələ
keçənlər qılıncdan keçirildilər. Bununla belə, polkovnik Karyagin
Cermuq dağına yetişib orada özünə və adamlarına sığınacaq tapdı (73).
Qarabağnamə müəllifləri də bu hadisəni oxşar şəkildə təsvir edirlər.
Daha müfəssəl məlumata malik olan M.M.Xəzaninin yazdıqlarına görə,
Abbas Mirzə polkovnik Karyaginin dəstəsini təqib edərək Şahbulaq
qalasını mühasirəyə aldı. Şah qüvvələrinə yaxşı məlum idi ki, polkovnik
Karyagin mayor Kotlyarevski və dəstənin döyüşçülərinin çoxu yaralıdır,
ərzaq qıtlığı da dəstəni əldən salıb və belə bir vaxtda dəstənin
müqaviməti uzun sürə bilməz. Ona görə də, Abbas Mirzə polkovnik
Karyaginə təslim olmaq barədə təklif göndərdi. Abbas Mirzə
məktubunda ruslara təslim olmağı, Qacar qoşunlarında xidməti davam
etdirməyi təklif edirdi. Bunun əvəzində, Abbas Mirzə hərbçilərə yüksək
maaş və mükafatlar vəd edirdi. Polkovnik Karyagin Abbas Mirzəyə xə-
bər göndərdi ki, onun sualına özü cavab verə bilməz və bu cavabı
Sisianovdan almaq lazımdır. Polkovnik Karyagin bildirdi ki, əgər Abbas
Mirzənin adamları toxunmasalar general Sisianova məktub göndərər və
ondan aldığı cavabı da Abbas Mirzəyə yetirər. Abbas Mirzə bu təkliflə
razılaşdı və polkovnik Karyaginin çaparlarının rahat gedib-qayıtması
üçün 4 günlük atəşkəs elan edildi. Bundan sonra polkovnik Karyagin
Abbas Mirzənin məktubunu və öz məktubunu general Sisianova göndərdi
(74).
5 iyul 1805-ci il tarixində yazılmış məktubunda polkovnik Karyagin
Sisianovun diqqətini bir daha dəstənin ağır vəziyyətinə yönəltdi.
Polkovnik Karyagin general Sisianovdan təkidlə xahiş edirdi ki, özünü
tezliklə ona çatdırsın. Əldə olunmuş məlumatlara əsasən, Fətəli şah da
Dostları ilə paylaş: |