Təşkilat menecmentin obyekti kimi
İdarəçilik qərarları nəzəri cəhətdən nə qədər yaxşı əsaslandırılmış
olsa və tədqiqatlarla möhkəmləndirilmiş olsa belə özündə yalnız ideya
və fikirləri əks etdirir. İdarəetmənin məqsədi isə real işi real adamların
köməyi ilə yerinə yetirməkdir. Reallaşan, effektli və qənaətbəxş şəkildə
hərəkətə çevrilən qərarlar uğurlu qərarlar hesab edilif. Qərarın qəbul
edilməsi ilə onun reallaşdırılması arasında böyük bir məsafə vardır.
Müvəffəqiyyət qazanmağın sadə və etibarlı formulası yoxdur.
Ümumiləşdirmə (ümumi nəticə çıxarma). Təşkilatın uğur
qazanmasını nəzərdə tutaraq onun idarə edilməsində aradan qaldırılması
zəruri olan əsas problem mürəkkəb təşkilatın həqiqətən də mürəkkəb
olmasındadır. Təşkilatın özünün daxilində, təşkilatlar arasında, onun
xarici mühitində nə baş verdiyini, hətta menecerlərin hansı işlərlə
məşğul olduqlarını təsəvvür etmək çətindir. Hamıya xas olan ümumi
xarakteristikalarm müəyyən edilməsi təşkilatm idarə edilməsinin son
dərəcədə mürəkkəb vəzifələrini ixtisar etməyə və azaltmağa kömək
edərək onları insan ağlının qəbul edə biləcəyi həddə qədər sadələşdirir.
Ümumiləşdirmə bütövlükdə rəhbərin yerinə yetirdiyi işləri görməyə və
bu işin komponentlərinin qarşılıqlı təsirini izləməyə imkan verir.
Bütün təşkilatlar bir çox ümumi xarakteristikaya malik
olduğundan biz təşkilatların uğur qazanmasına təsir edən modellər və
amillər diaqramını işləyib hazırlaya bilərik. Çox dəqiq olmasalar da
modellər təşkilatın öz daxilində, təşkilatlar arasında və onu əhatə edən
aləmdə baş verən mürəkkəb qarşılıqlı təsirləri dərk etməkdə, başa
düşməkdə faydalı olur. Həmçinin, bütün formal təşkilatlarda tətbiq
edilən idarəetmə prosesinin bütövlükdə müəyyən edilməsi də
məqsədəuyğundur. Məsələn, idarəetmənin kommunikasiya prosesi və
qərarların qəbulu ilə əlaqədar olan planlaşdırma, təşkiletmə, motivasiya
və nəzarətin proses İdmi başa düşülməsi.
Situasivalı vanasma. İdarəçilik funksiyalarını icra edərkən
təşkilatda arasmdakı müxtəlifliyə diqqət yetirmək vacibdir. Bunu adətən
situasion dəyişənlər adlandırırlar. Situasion dəyişənlər iki əsas
kateqoriyaya bölünür: l)daxili və 2)xarici dəyişənlərə.
Daxili dəyişənlər - təşkilatın xarakteristikasını əks etdirir. Daxili
dəyişənlər özündə təşkilatın məqsədini, resurslarını, ölçüsünü, əməyin
üfüqi və şaquli bölgüsünü, insanları birləşdirir. Bu dəyişənlər müxtəlif
dərəcədə nəzarət oluna biləndir və onlar təşkilatın nə etməli olduğu,
habelə bu təşkilatda zəruri işlərin kimin yerinə yetirməsi ilə bağlı olan
idarəçilik qərarlarınm nəticəsidir. Daxili dəyişənlərə
112
Təşkilatın ugur qazanmasının tərkib hissələri
münasibətdə rəhbərlərin qəbul etdikləri qərarlar digərləri ilə müqayisədə
bu təşkilatın nə dərəcədə effektiv, məhsuldar və qanedici (nəticəli)
olacağını müəyyən edir.
Xarici dəyişənlərə - təşkilatdan kənarda fəaliyyət göstərən və
onun müvəffəqiyyət qazanmasına ciddi şəkildə təsir göstərən mühit
amilləri daxildir. Xarici dəyişənlərə iri rəqiblər, texnika və texnologiya
əldə edilməsi mənbələri, sosial mədəni amillər, dövlət tənzimlənməsi və
s. aiddir. Bu amillər rəhbərliyin nəzarətindən kənardadır. Lakin əgər
təşkilat uğur qazanmaq istəyirsə onda o ,bu amillərə və konkret xarici
mühitdə onlann dəyişməsinə reaksiya verməlidir. Təşkilatm bu amillərə
adekvat reaksiya verməsi üçün xarici mühitin təşkilata müxtəlif dərəcədə
təsir etdiyini rəhbərin bilməsi lazımdır. Bu müxtəliflik həm müxtəlif
dəyişikliklərin təşkilata təsirinin dərinliyində və həm də sürətində ifadə
olunur. Çünki, təşkilatın xarici mühitinin dəyişməsi ilə onu əhatə edən
mühit dəyişir.
Məsələn, XX əsrin 90-cı illərindəki aqrar böhran ASK
müəssisələrinin fəaliyyətinə ciddi şəkildə təsir göstərdi. XX yüzilliyin
90-cı illərində Azərbaycandakı aqrar böhrana ümumi nəzər salsaq
demək olar ki, onun yaranmasında və inkişafında bütün nəzəriyyələr öz
yerini tapa bilir. Lakin, burada həmin böhranı doğuran qlobal anlayış
haqqında, başqa sözlə siyasi sistemin dağılması və onun aqrar sferadakı
böhranın inkişafma təsiri haqqında danışmaq daha doğru olardı. XX
əsrin 90-cı illərindən başlayaraq kənd təsərrüfatı istehsalının əsas
amilləri son dərəcədə neqativ istiqamətdə dəyişməyə başladı. Belə ki,
sahədəki əsas və dövriyyə istehsal vasitələri, xüsusilə də onun aktiv
hissəsi - maşınlar, texnika, avadanlıq, gübrə, yanacaq, yem istehsalı
azalmağa başladı; torpaqlar kənd təsərrüfatı dövriyyəsindən çıxmağa
başladı, əmək resurslarmdan istifadə aşağı düşdü. İstehsalın əsas amilləri
nəyinki bərpa olunmurdu, əksinə ildən-ilə onun mütləq qiyməti son
dərəcədə qəbul olmayan yüksək templə aşağı düşürdü.
Ümumi məhsulun maya dəyəri kəskin şəkildə artmağa başladı.
Hesablamalar göstərir ki, maya dəyəri təqribən 2,0 dəfə məhsul istehsalı
həcminin aşağı düşməsi hesabına yüksəlmişdi. Maya dəyərinin artımının
yerdə qalan hissəsi isə əmək haqqı səviyyəsinin yüksəlməsi,
amortizasiya ayırmalarmın artımı, digər xərclərin artımı hesabına, ən
başlıcası isə kənd təsərrüfatına satılan material resurslarının qiymətinin
artması hesabına olmuşdu.
Xüsusilə də sənaye resurslarmın qiymətinin artması kənd
113