orta dərəcəli zədələnməyə, 0,6-1kqq/sm
2
(60-100 kPa) nəticəsində ağır dərəcəli
zədələnməyə, 1 kqq/sm
2
(100 kPa) artıq olan izafi təzyiq nəticəsində çox ağır
dərəcəli zədələnmələrə məruz qalırlar. Belə zədələnmələr, adətən, ölümlə
nəticələnir. Nüvə silahından qorunmaq üçün düzəldilmiş sığınacaq və
daldalanacaqlar adamları zərbə dalğasının təsirindən qoruyur. Bu məqsədlə
xəndəkdən, yeraltı binalardan, habelə yerin relyefindən də (çala, dərə, meşə)
müəyyən dərəcədə istifadə etmək mümkündür.
Zərbə dalğası özünün yayılması istiqamətində rast gəldiyi binaları və başqa
yerüstü tikililəri dağıdır və zədələyir.
İşıq şüalanması nüvə partlayışı zamanı meydana çıxan od kürəsinin saçdığı
gözə görünən ultrabənövşəyi və infraqırmızı güclü şüalanma selidir. Təsir müddəti
nüvə yükünün gücündən asılı olaraq 10-20 saniyə olur. İşıq şüalanmasının
zədələyici təsiri işıq impulsundan, yəni işıq şüalarına nisbətən şaquli yerləşmiş
səthin hər bir kvadrat santimetrinə bütün şüalanma ərzində düşən işıq enerjisinin
miqdarından asılı olur. İşıq impulsunun ölçü vahidi olaraq kal/m
2
qəbul edilmişdir.
Müxtəlif sahələrdə yaranmış işıq impulsunun kəmiyyəti nüvə partlayışının
gücündən, növündən, məsafədən və hava şəraitindən asılı olur. Təsirin qısa
müddətinə baxmayaraq, işıq şüalanması xeyli məsafələrdə bədənin yanıqlarına,
gözlərin müvəqqəti və ya daimi korluğuna, müxtəlif materialların alovlanmasına,
kömürləşməsi və əriməsinə, yaşayış məntəqələrində, meşələrdə, mədənlərdə
yanğına səbəb ola bilər. Məsələn havada gücü 1mln. tonluq nüvə partlayışı zamanı
19 km məsafədə 4kal/sm
2
, 15 km məsafədə 10 kal/sm
2
, 10 km məsafədə 16
kal/sm
2
işıq impulsu mövcud olur ki, nəticədə müvafiq surətdə bədənin açıq
hissələrində yüngül, orta və ağır yanıqlar baş verə bilər. İşıq şüalanması qeyri-
şəffaf materiallardan (divar, taxta, bina və s.) keçə bilmir. İşıq şüalanması yaşayış
məntəqələrində, meşələrdə, tarlalarda güclü yanğınlar törədə bilir.
İşıq şüalanmasının təsiri meteoroloji şəraitdən çox asılı olur. Qatı duman,
yağış və qar onun təsirinin 10-20 dəfə azaldır. Sığınacaq və daldalanacaqlar işıq
şüalanmasının təsirindən qorunmaq üçün ən etibarlı yerlərdir.
Zərbə dalğası və işıq şüalanması
Nüfuzedici radiasiya nüvə partlayışında partlayış yerindən ətrafa yayılan,
gözə görünməyən qamma şüaları və neytronlar selindən ibarətdir.
Nüfuzedici radiasiya, onun tərkibindəki qamma şüalanma da nəzərə
alınmaqla nüvə partlayışı vaxtı cəmi 10-25 saniyə təsir edir. Lakin bu qısa müddət
ərzində mühafizə edilməmiş adamlar və heyvanlar şüa xəstəliyinə tutula bilərlər.
Nüfuzedici radiasiyanın təsiri ondan ibarətdir ki, qamma şüalar və
neytronlar canlı toxumaların molekullarını ionlaşdırır. Bu isə heyvan və insan
orqanizmində maddələr mübadiləsinin pozulmasına, hüceyrələrin və müxtəlif
üzvlərin həyat fəaliyyətinin dəyişməsinə, yoluxucu xəstəliklərə qarşı orqanizmin
mübarizə qabiliyyətinin zəifləməsinə səbəb olur. Şüa alan adam bunu hiss etmir.
Zədələnmə əlamətləri müəyyən müddətdən sonra aşkara çıxır, xəstəliyin gedişi
orqanizmin aldığı şüanın dozasından asılı olur. Nüfuzedeici radiasiyanın təsiri
udulan doza ilə qiymətləndirilir və Qrey (Qr), Rentgen(R), rad ölçü vahidləri ilə
ölçülür. 1 Rentgen qamma şüalanmanın elə dozasıdır ki, bunun nəticəsində 0
dərəcə tempraturda və 760 mm civə sütunu təzyiq şəraitində quru havanın 1sm
3
təxminən 2 milyard cüt ion əmələ gəlir. Müxtəlif sıx və qalın materiallardan
keçərkən nüfuzedici radiasiyanın təsiri zəifləyir. Məsələn, poladın 2,7 sm, betonun
10 sm, torpağın 14 sm, suyun 23 sm, ağacın 30 sm qalınlığı nüfuzedici radiasiyanı 2
dəfə zəiflədir (bunlara yarımzəiflətmə qatı deyilr). Nüfuzedici radiasiyadan
mühafizə, məhz materialların bu xüsusiyyətinə əsaslanır. Belə ki, radiasiya
dozasını üstüörtülü xəndək 40 dəfə, mühafizə üçün uyğunlaşdırılmış zirzəmi 400
dəfə zəiflədir.
Neytron seli tərkibində hidrogen olan maddələrdə (sada, parafində,
betonda) daha çox zəifləyir.
Radioaktiv zəhərlənmə (çirklənmə). Yerüstü nüvə partlayışı baş verəndən
sonrakı ilk anlarda radioaktiv zərrəciklər odlu kürənin tərkibində olur. Odlu kürə
tüstüyə və buxara bürünərək hündürə qalxır və bir neçə saniyədən sonra topa
buludlara çevrilir. Hündürə qalxan hava axınları yerdən toz-torpağı göyə qaldırıb
onları radioaktiv buludla birlikdə aparır. İri radioaktiv toz hissələri bilavasitə
partlayış rayonunda yerə çökür. Qalan hissələr isə buludun tərkibində qalıb hava
axınları vasitəsilə partlayış mərkəzindən yüzlərlə km uzağa aparılır.
Radioaktiv zəhərlənmənin dərəcəsi partlayışın növündən və gücündən,
partlayışdan sonra keçən müddətdən, partlayış mərkəzinə qədər olan məsafədən,
meteoroloji şəraitdən və yerin relyefindən asılı olur. Radioaktiv zəhərlənməyə
məruz qalmış ərazi formaca ellipsə bənzəyir. Zəhərlənmənin gücünə görə
radioaktiv zəhərlənmə zolağını, adətən, 4 zonaya ayırırlar: çox təhlükəli, təhlükəli,
güclü və mülayim (zəif) zəhərlənmə (çirklənmə) zonaları. Əgər zəhərlənmə izini en
kəsiyi üzrə götürsək, radiasiyanın səviyyəsi izin kənar hüdudundan mərkəzə tərəf
artmağa başlayır və izin mərkəzində max. kəmiyyətə çatır.
Nüvə partlayışının bu zədələyici amilini digər amillərdən fərqləndirən cəhət
zəhərlənmənin geniş sahələri əhatə etməsi, uzun müddət təsir göstərməsi, çətin
aşkar olunması, qeyri-sabit xarakterli radioaktiv maddələrin fasiləsiz olaraq
parçalanması ilə bağlı zəhərlənmiş ərazinin ölçülərinin müəyyən müddət ərzində
azalmasıdır.
Müəyyən müddətdən sonra radiasiyanın səviyyəsi tədicən azalır
,
başqa
sözlə radioaktiv maddələr öz-özünə parçalanıb qeyri-aktiv maddələrə çevrilir.
Radioaktiv maddələrin heç bir xarici əlaməti (rəngi, iyi, və s.) yoxdur.
Zəhərlənmənin ancaq xüsusi doza ölçən (dozimetrik) cihazlar vasitəsilə aşkar
etmək mümkündür.
Dostları ilə paylaş: |