Сечилмиш ясярляри
283
ÖÐßÉÈÌÄß ÁÈÐ
ÙÀÐÀÉ ÂÀÐ
Адил Ъямил
284
Сечилмиш ясярляри
285
ŞEİR HAQQINDA ŞEİR
Mən səni kefimdən yazmıram, şerim –
Dərdimin, sərimin libası sənsən.
Qədimdir ülfətin, dərindir mehrin –
Ulu babamın da babası sənsən.
Dilində bayatım, dilində ağım,
Sən beşik bəstəsi, layla dilisən.
Oduna alışıb odum-ocağım,
Sən bizə dil verən ana dilisən.
Sirrinə, sehrinə biganə baxır –
Sənə ağız əyib, dodaq büzənlər.
Çıxdığı ağacdan özünü yıxır
Ayağı altından budaq kəsənlər…
Durna qatarında heca görmüşəm,
Közərən şeirdir Günəş də, Ay da.
Mən səni həmişə uca görmüşəm
Nizami, Füzuli zirvəsi boyda.
1988
Адил Ъямил
286
ÜRƏYİMDƏ BİR HARAY VAR
Ürəyimdə bir haray var, ay haray,
Ürəyimdə çığırmışam, susmuşam.
Çığırtımı sükutumla pozmuşam.
Ürəyimdə bir haray var, ay haray.
Haraylasam dost gələrmi imdada?
Dost gəlməsə yetişəcək kim dada?
Ürəyimdə bir haray var, ay haray,
Bu harayı ürəyimdə göyərtdim,
Bu harayı taleyimdə böyütdüm.
Böyüdükcə harayım da böyüdü…
Ürəyimdə haray olub göyərdi
Bu dünyanın bir bəhrəsiz söyüdü.
İndi mənim ürəyimin səması
Bu harayın səmasıdı, göyüdü.
…Bu harayın budağı var, barı yox,
Bu harayın varlığı var, varı yox.
Bu harayı istəyinə çatdıran
«Uçan xalça», «küpəgirən qarı» yox.
…Ürəyimdə bir haray var, ay haray,
Ürəyimə toxunmayın, dəyməyin,
Bu harayı yetişməmiş dərməyin.
1981
Сечилмиш ясярляри
287
YAXIN KEÇMİŞ
Kimə inanasan bu Yer üzündə,
Ömrünə sığışmır insanın qəmi.
Üzüm çöllüyündə, pambıq düzündə
Göyərən görmüşük saxta rəqəmi.
Həqiqət bilmişik çox yalanları,
Fəqət billə-bilə əl çalmışıq biz.
Yetirib yerinə bu «planları»
Hər dəfə bir bayraq «ucalmışıq» biz.
Qoyunun yerinə söz verən çoban
Qoyubdur milləti qoyun yerinə.
Bir deyən olmayıb o vaxt, o zaman:
«Gəlmə» quzuları qoyun yerinə…
Bir toyuq bir gündə iki yumurta,
Bir inək bir ildə üç bala verib.
Biclərin əməli bu ana yurda
Bilsəniz nə qədər bic bala verib…
Hər yerdə başsızı başa çəkiblər,
Yüz iş görübdülər bir qohum üçün.
Kələmin yerinə qarpız əkiblər –
Bu torpaq şumlanıb yad toxum üçün.
Mayası yalanmış belə ad-sanın –
Barsız budaqlardan «bəhər» yağıbdır.
Əlindən bərəkət yağan insanın
Başına nə qədər zəhər yağıbdır…
Адил Ъямил
288
Yaşayıb qaranlıq zirzəmilərdə
Ulduza «şığıyıb», Aya «dəymişik».
O yaxın keçmişə boylanıb hərdən
Deyirik: - İlahi, biz beləymişik?..
1988
Сечилмиш ясярляри
289
KÜLÜNƏ ÇEVRİLDIM BU ARZULARIN
Ömrüm yel qanadlı çapardı – getdi,
Cığırlar göyərdən cıdırdı dünya.
Gedənlər məni də apardı getdi,
Dolmamış boşalan çadırdı dünya.
Hamının gözünə boylanar Günəş,
Hamının bəxtinə yol tapa bilməz.
Yazıq insan oğlu, min yol fikirləş –
Sinədən qəlb qopar, qəm qopa bilməz…
Küləklər sovurar durğun suları,
Yağış yığnağından göl ola bilməz.
Külünə çevrildim bu arzuların –
Ürəkdən yanmayan kül ola bilməz.
Tumurcuq sabahım sirli dəfinə –
Elə bil bu insan heç mən deyiləm.
Məni aparmayın dostun dəfninə,
Allahsız olmayın – düşmən deyiləm…
Təndir ağarmasa küt gedər kündə,
Sünbül döyülüncə qılçıqlı olar.
Gecələr Yer üzü qara geyəndə
Yaxşı ki, Göy üzü işıqlı olar…
1988
Адил Ъямил
290
AY ÜRƏK, AMAN VER
Ay ürək, bu qədər vəfasız olma,
Hələ nə görmüşəm, nə götürmüşəm…
Mənimçün düşməyib göydən «üç alma»,
Özüm bağça salıb, bağ bitirmişəm.
Niyə köksüm üstə əydin başımı –
Sən ki dözümlüydün daşdan, dəmirdən.
Gözüyaşlı gördüm otuz yaşımı –
Yarıya bilmədim yarı ömürdən.
Ay ürək, bu qədər kəmfürsət olma,
Hələ gözlədiyim gəlib çıxmayıb…
Qərib sorağını qürbətdən alma –
Guya ki vətəndən qərib çıxmayıb?...
Dünyaya gəlmədim kəm-kəsir kimi –
Dağ yıxan yükü var bu dağlarımın.
Cinayət eyləmiş müqəssir kimi
Baxıram üzünə uşaqlarımın…
Ay zalım ürəyim, ay vəfasızım,
Aman ver, ağrılar doğrayır məni.
Onca bahar görən qaragöz qızım
Yaş töküb anamtək ağlayır məni.
Təzədən neyləyim – illər ötüşüb,
Ay ürək, mən səni qorumamışam.
Fikrimdə gəzənin izinə düşüb,
Sinəmdə gəzəni qorumamışam.
1988
Dostları ilə paylaş: |