Адил Ъямил
298
DOĞMA TORPAQ, YAD HEYKƏLLƏR
Bu torpağa heykəl qoyan
Eloğlumun heykəli yox.
Qaçaq Nəbi qaçaq düşüb,
Koroğlunun heykəli yox.
Alışıram korun-korun,
Bulud boylu tüstümə bax.
Qan içənin, baş kəsənin
Başa çıxan büstünə bax.
Heykəlləşib düşmən ömrü –
Sağım cəllad, solum cəllad.
Bu heykəllər qarşısında
Az qalıram olum cəllad…
Birisi «zirvədən» baxır –
Təpiyinin altda Bakı.
Sanki Azərbaycanımdır
Onun qanlı ovcundakı…
Birisi yol ayrıcında –
Dörd tərəfi gələn, gedən.
Qərinələr yola salır
Tərpənməyən bu tunc bədən.
Birisi də «buxarlanıb»,
Yer üstündə yeri qalıb.
Heykəli qoyulan kəsin
Demə özü diri qalıb…
Сечилмиш ясярляри
299
Bəsdir heykəl qoyduğumuz
Yad oğluna, yad qızına.
Ocağımın istisinə
Niyə gəlib yad qızına?..
Dədəm Qorqud göz didəmiz,
Didəmizin heykəli yox.
Ana torpaq bağışlasın –
Dədəmizin heykəli yox.
Şir ürəkli Babəkimin,
Xətaimin heykəli yox.
Parçalanmış o tayımın,
Bu tayımın heykəli yox.
Bəsdir heykəl qoyduğumuz
Bu torpaqda yad oğluna.
Bircə qarış yer verməzmi
Odlar Yurdu od oğluna?..
1989
Qeyd: Gülər Həsənlinin 1989-cu ildə musiqi yazdığı bu şeir
efirdə yayımlanarkən Bakıda sözügedən milli heykəllərimizin heç
biri yox idi. İndi Xətainin, Koroğlunun, Dədə Qorqudun heykəlləri
paytaxt şəhərimizə xüsusi yaraşıq verir.
Адил Ъямил
300
QIRXINCI OTAQ
Qırxıncı otağın astanasında
Dizlərim titrəyir… fikrə getmişəm.
Qırxıncı otağa gəlib çıxınca
Hiyləyə əl atıb, məkrə getmişəm…
Gərək itiləyim kor hiddətimi,
Bir bülöv daşına çəkim hirsimi.
Bəlkə tapasıyam səadətimi –
Açsam bu qapını, qırsam tilsimi…
Özüm də bilmirəm nə üçün məndən
Aralı düşəni aradım orda.
Açmaq istəyirəm bağlı qapını –
Elə bil gözləyir muradım orda…
Qəfildən sıyrılıb çıxsam özümdən,
Təpilsəm içəri bir külək kimi,
Mən dözə bilmərəm, bilmərəm, Allah,
Görsəm bu otağı boş ürək kimi.
Dözmərəm eşqinə illər verdiyim
Bu bağlı otağın boşluğuna mən.
Qibləmi çevirrəm,
üz çevirmərəm
Rəhmsiz rüzgarın «xoşluğuna» mən.
Sirrimin, sehrimin qıfılbəndimi
Qarşımda tağ atan tağlı qapılar?
Beləcə bilmirəm açımmı sizi,
Yoxsa açmayımmı, bağlı qapılar?
Сечилмиш ясярляри
301
Nə deyim, bəlkə də siz açılsanız
Tərsinə fırlanan çərximi görrəm.
Özümü özümə yetirər fələk –
Qırxıncı otaqda qırxımı görrəm…
1988
Адил Ъямил
302
KEÇƏNƏ GÜZƏŞT
Günlərimiz günəşsiz də keçinir,
Öyrəşmişik bu dumana, bu çənə.
Ətri xoşdur, xətri xoşdur torpağın –
Güllə dəyir zəmisini biçənə.
Ötən qışdan, gələn yazdan qorxuram,
Dar dərədən, daş boğazdan qorxuram.
Haça dilli boşboğazdan qorxuram –
Aman, Allah, yorulmayır bu çənə.
Yollarımız dolanbacdır – düz gəlmir,
Silahlanıb gələnlərə söz gəlmir…
Üzülürük… üz vurmağa üz gəlmir –
Qanımızı şərab kimi içənə.
Köçkünümə, qaçqınıma nə deyim,
Boş yuvalar mənim torpaq itiyim…
Kimə qalır dağım, dərəm, gədiyim,
Əvəzində nə verirlər köçənə?..
Güllələri gül-çiçəklə qarşıla,
Top-tüfəngi duz-çörəklə qarşıla.
Sən qonağı bu ürəklə qarşıla –
Fağır millət, güzəşt eylə keçənə…
1990
Сечилмиш ясярляри
303
GÜN VAR, AY VAR
Alaqlar aldı zəmini
Sarı sünbül tel olunca.
Üyütdüm dünya qəmini
Qönçəm dönüb gül olunca.
Kösövlər baş-başa yandı –
Ayrılıqlar qoşa yandı…
Gözüyaşlı yaşa yandım –
Qıvrılırdı kül olunca.
Vuran ürək nəsə deyir,
Onu duyan kəsə deyir…
Ömür yolu kəsə deyil –
Gün var, ay var – il olunca.
Can yanğısı üzdən olmaz,
El qayğısı sözdən olmaz.
Ağ bulaqlar gözdən olmaz –
Qara torpaq gil olunca.
Yanar çölüm, yanar içim –
Körpülər var qoymaz keçim…
Min illərdən gələn köçüm
Nələr çəkib el olunca.
Sinəmizi dağladıblar,
Gözümüzü bağladıblar,
Anamızı ağladıblar –
Ana dilim dil olunca…
1988
Адил Ъямил
304
NƏĞMƏSİZ QALAN
NƏĞMƏKAR
Qara yanvar çoxlarımızın saçını ağartdı, belini bükdü, ürəyini
parçaladı. Bu qəfil bəlanın caynaqları hərəmizdən bir şey apardı. Gör-
kəmli müğənnimiz, sevgili yurddaşımız Zeynəb xanımın da səsini
«oğurladı» o qanlı gecə… Həmin gecənin səhərisi duzlu-məzəli, lirik və
ritmik mahnıların əvəzsiz ifaçısı Zeynəb Xanlarova şəhidlərimizin ilinə
kimi oxumayacağına and içdi. Bu andın müqəddəsliyi xalqımızın nəğ-
məkar qızını il boyu nəğməsiz qoydu…
Niyə oxumursan, niyə, a bülbül,
Axı bağçaların xəzan vaxtıdır.
Saralıb-solursa bu çiçək, bu gül
Fələyin bizə bəxt yazan vaxtıdır.
Sənə də əyandır, mənə də əyan –
Kimlər ağladandır, kimlər ağlayan…
Sinəsi üstündə simlər çağlayan
Koroğlu timsallı ozan vaxtıdır.
Dəyişib çığırı, yolu dünyanın,
Ağaca boy vermir kolu dünyanın.
İşıqlı, kölgəli ulu dünyanın
İşığı kölgəyə yozan vaxtıdır.
Belə susmaq ilə nədir mətləbin –
Yoxsa yoxa çıxdı ilhamın, təbin?..
…O gecə vurulub səsi Zeynəbin –
Yara sağalınca susan vaxtıdır.
Dostları ilə paylaş: |