Адил Ъямил
262
ÖZÜNÜ GÖSTƏRİR
Qar üstündə görünməyir qaraltı,
Ordan-burdan daş özünü göstərir.
Yoldur, izdir, dağdır, düzdür qar altı,
Buz nəfəsli qış özünü göstərir.
Boz qayalar qardan qoyub papağı,
Gümüşdəndir ağacların qolbağı.
Tökülübdür meşələrin yarpağı —
Yarpaq kimi quş özünü göstərir.
Buz bulaqdan su gətirir qız-gəlin,
Sənəklərdə su yerinə buz gəlir…
Xəyalımda bu yerlərə yaz gəlir —
Kotan əkir, xış özünü göstərir…
Uşaq ikən dağa-düzə çıxardım,
Cığırı çəp, yolu kəsə çıxardım.
Bu yoxuşu birnəfəsə çıxardım,
Yavaş-yavaş yaş özünü göstərir…
1984
Сечилмиш ясярляри
263
SÖYÜDLƏR ÇİÇƏKLƏMİR
Elə ki, yaz gəlir, bahar yetişir
Üzür «süd gölündə» həyət-bacalar;
Çiçək işığında quşlar ötüşür,
Çiçək «dumanında» azır bağçalar,
Söyüdlər çiçəkləmir.
Ağaclar oyanır öz yuxusundan,
(Gülməli görünür toxa ac dərdi…)
Keçir təbiətin yaz yuxusundan
Ağaclar içində bir ağac dərdi –
Söyüdlər çiçəkləmir.
Titrəyir yarpağı, əsir yarpağı -
Sonsuzluq soyudan ev-eşik kimi…
Barsız budaqları gözünün dağı –
Yellənir, yellənir boş beşik kimi…
Söyüdlər çiçəkləmir.
…Salsan da taleyin qışına məni
Özün qışa düşüb sönmə, ürəyim.
Çevir döyüntünün başına məni,
Söyüd ağacına dönmə, ürəyim –
Söyüdlər çiçəkləmir…
1984
Адил Ъямил
264
SU DAŞI
Saf su axtaranda tək bircə içim
Daş-qaşa tutalar gərək bu daşı.
Bulanıq suları durultmaq üçün
Keçirib «süzgəcdən» süzər su daşı.
Vurulub daşdakı bu möcüzəyə
Təmizlik eşqiylə çıxasan yola;
Bulanıq duyğular durulsun deyə
Hər kəsin ürəyi «su daşı» ola…
1984
SƏKKİZLİKLƏR
Ətəyi yaşıl dağın
Zirvəsi çal kimidir.
Yamacda qara qaya
Yanaqda xal kimidir.
Burda halım, əhvalım
Bir özgə hal kimidir.
Torpaq elə şirindir
Bulaqlar bal kimidir…
***
İlmə-ilmə közərir
Çəmənin gül naxışı.
Yağış şəkli çəkibdir
Qayada sel naxışı.
Ağlı-qaralı olub
Ömrümdə il naxışı.
Qəlbimdən qəm axıdıb
Gözümün göl naxışı.
1984
Сечилмиш ясярляри
265
BULUDLAR ÜSTÜNDƏ BİR QARTAL SÜZÜR
Buludlar üstündə bir qartal süzür,
Elə bil bu meşə, bu dağ onundur.
Təbiət ərkinə, nazına dözür —
Qıy vurub qonduğu budaq onundur.
Şığıyıb günəşin nurundan içir,
Qarğa qalxa bilmir o ucalığa.
Üzüb dalğa-dalğa buluddan keçir,
Dönür göy səmada «qara balığa».
Bu səma, bu günəş, bu yer durunca
Beləcə özünü öyəsidir o.
Haqqı var öyünə, haqqı var bunca —
Yerin də, göyün də yiyəsidir o…
1984
Адил Ъямил
266
YURD YERİNDƏ
Ulu dağlar, sənə açım sirrimi -
Yaylağında yaylamağa gəlmişəm.
Duman kimi o sürünən sürünü
Çoban kimi haylamağa gəlmişəm.
Dilə gəlib demirsən ki, heç mənə
Niyə sənə belə uzaq kimiyəm.
Naşı-naşı boylanıram çəmənə,
Köhnə yurdda təzə qonaq kimiyəm.
Bir nəsilin od-ocağı deməkdir
Yurd yerində hər dəyə, hər alaçıq.
Burda hamı elə açıqürəkdir
Quşqonmayan zirvəyə də yol açıq.
Ulu dağlar, qayıtmışam keçmişə,
Ömrün ötən aylarına gəlmişəm.
Bu günümü tay tutmuşam keçmişə —
«Dədə Qorqud» boylarına gəlmişəm.
1984
Сечилмиш ясярляри
267
GÖYLƏRİN SEVGİSİ
Göylərin sirrinə yaxşı bələdəm,
Qara buludların yükü yağışdır.
Aranda yer yanır su həsrətindən,
Yaylaqda çobanın kürkü yağışdır.
Qovuşan görmüşəm göy ilə yeri,
Göydən yerə yağan sevgi yağışdır.
Göyərən nə varsa göylərə möhtac;
Sonu günəşdirsə, ilki yağışdır.
Sünbüllər su içir qara buluddan,
Xeyir-bərəkətin kökü yağışdır.
Üzümə nur yağdı göyün üzündən,
Yağışdan yazırdım, bu ki yağışdır…
1984
Адил Ъямил
268
BELƏ QƏRİBSƏMƏ
Kəndimizin camaatı dədə-babadan Qaradağlı yaylağını özünə
yurd yeri seçib. Son illər, Qaradağlı biçənək yeri kimi qorunduğundan el-
oba köhnə düşərgəsindən ayrılaraq təzə yurda düşməli olub. Yaylağın
insan nəfəsinə, qoyun-quzu mələrtisinə öyrəşən «Novlu bulağı» tək-tənha
qəribsəyir, darıxır…
Sən ki bu dağların öz balasısan,
Belə qəribsəmə, gözüm giləsi.
Gözündən axanlar, gözümdən axdı —
Eynim açılası, üzüm güləsi.
Mən də çəkməliyəm çəkdiyin dərdi,
Yalqız yaşanılan ömür hədərdi…
Suyundan doldurub qızlar gedərdi —
Zil qara gözləri üzüm giləsi.
Yarpızın, çiçəyin çıxıbdı dizə,
Hanı gülüzlülər gülündən üzə?..
Bu yurda bir dəfə el gəlibdisə
Yenə gələsidir, yenə gələsi…
O yaxın günəş də uzaqdan baxır,
Başına gələni başına qaxır.
Ay bulaq, gözündən havayı axır
Çiçəkli dağların şəhdi, şirəsi.
Bu dünya dərdini yazana möhtac,
Bu dağlar bir dəli ozana möhtac.
Mən də bir insanam — insana möhtac,
Yaman dolaşıqdır bu yer kürəsi…
1984
Dostları ilə paylaş: |