149
«İrak»
Şər
qətiyyətlə, hiddətlə, inadla rədd edilir.
İnkar haraylanır, Qeyz yeri-göyü titrədir, Daxildəki Ağrı hərarətlə
aşkara çıxır, hədsiz dərəcədə gərginləşmiş Duyğular Şəri lənətləyir,
daxili pafos ən yüksək səviyyəyə çatır, musiqi ahənginin sürəti artır.
Həyatın məhdudluğu dərk olunur, ondan kənara çıxmaq,
İdeala çatmaq ehtirası tüğyan edir, ruhani özünüifadə və
özünütəsdiq heyrətlə səslənir.
Ülvilik burada Kamilliyə qovuşma şəklində meydana çıxır.
Həyatla görüşdən, qaynayıb-qarışmaqdan, onun məhdudluğunu
dərk etməyə və Ali həyatla qovuşmağa qədər Yol gedir İnsan
«Rast»da və bu Yolun bütün mürəkkəbliyi, çətinliyi, ziddiyyətləri,
yoxuşları səslənir əsərdə.
Sonda Yeni İşıqlı, Müdrikləşmiş, Zənginləşmiş Aydınlığa Qayıtma
baş verir.
Ümumi Qiymət
Rastda ifadə olunan Ülviyyət konsepsiyasının
məzmununu
aşağıdakı şəkildə nizamlamaq, sistemləşdirmək olar.
1. Ülvilik – Dünyanın və İnsanın mahiyyətindəki Aydınlığın və
Ciddiliyin təsdiqidir.
2. Ülvilik – Dünyayla görüş və onunla daxili Təmasdır.
3. Ülvilik – Dünyadan kənara çıxmaq – İdeala Yüksəlməkdir.
Pillə Sənəti olan Muğamda – Ülviliyin bütün Pillələri səslənir.
2. «Çahargah» muğamı
«Maye-Çahargah»
Şöbə – Müdrik Kədərlə aşılanmış Mahiyyətli Fikirlər Dünyasına
aparır.
Dünyayla Görüş – Daxili İdrakilik, Əzəmət, Əsrarla görüş kimi
mənalandırılır.
Fikirləri Vahid bir ahəngdə birləşdirən Kədər – dünyanın fəlsəfi
dərki səviyyəsindədir…
150
Həyata daxil olma – qeyri-adiliyə, sehrə, sirrə qovuşma kimi
təqdim olunur.
Ruhani münaqişənin ayrı-ayrı sədaları eşidilir və onlar
Fəlsəfi
Kədər vasitəsiylə rəvanlaşır.
Şöbə – uvertüranı («girişi») xatırladır, özündə gələcək mövzuların
bir çoxunu cəmləşdirir, Rəmzi musiqi İdeyaları səviyyəsinə qalxır.
Həyatla Görüş – möhtəşəmcəsinə, müqəddəscəsinə, riqqətlə hazır-
lanır.
«Ülvi Həyat – İdraki, Hissi, Ruhani Görüş tələb eləyir – Şöbənin
əsas Fəlsəfi İdeyası bundan ibarətdir.
«Bəstə-Nigar»
Kədər çalarları, keçidləri, axarı, labüdlüyü, pillələri, münaqişələri,
incəlikləri, əzəməti.
Kədər ensiklopediyası.
Kədər etirafı, Kədər etirazı,
Kədər döyüşü, Kədər imtinası, Kədər
lənəti – daim artan, yüksələn, gərginləşən, özündən artığa, yüksəyə,
böyüyə çevrilən.
Müdrikliyin zəruri pilləsi, Fərəhin başlanğıcı.
Kədər Fəlsəfəsi!
«Hasar»
Kədərin aradan qaldırılması, iradənin fəallaşması, duyğuların
daşması, hiddətin haykırtısı – Ruhaniyyat Şəri inkar edir, gerçəklik
səddini aşır, Kamilliklə, İdealla, Mütləqlə birləşmək üçün yanıb-
yaxılır!
Ülvilik burada – Ruhani İradənin Mütləq, Qəti təsdiqi şəklində
meydana çıxır.
«Mənsuriyyə»
Mütləqlə –
Qeyri-adi, Əsrarlı, İdeal Görüş!
Qeyri-Adiliyin Dərki, Duyulması, Heyrət, Yanğı, Müqəddəs
Sarsıntı, Fərəh, Təlaş, Bənzərsizlik, Əlçatmazlıq, çılğın Cəzb, Ruhani
Qovuşma Məqamı!
151
Ümumi Qiymət
«Çahargah»da ifadə olunan Ülvilik konsepsiyasının məzmununu
aşağıdakı şəkildə nizamlamaq, sistemləşdirmək olar:
Ülvilik – İnsanın Dünyayla Ruhani Görüşüdür.
Ülvilik – Həyatdakı Şərlə Döyüşdür.
Ülvilik – Mütləqə qovuşmadır.
3. «Bayatı-Şiraz» muğamı
«Maye-Bayatı-Şiraz»
Ruhani İradəylə Rəvanlaşan Qəm, gah yüksələn, gah alçalan…
Ruhani Ağrı – daim artan və Zəka vasitəsiylə ram edilən.
Daxilə enmək və batini məqamları bütün incəliklərinə qədər tədqiq
etmək.
Hiss çalarları: melanxoliyadan (həzin kədərdən) başlamış Fəryada,
Haraya qədər əsrarlı möhtəşəmlik – təbii
üzvi şəkildə zərif lirizmə
keçən.
İntimlik və Dərin Fəlsəfilik.
Musiqi İdeyasının bənzərsiz incələşməsi.
Çılğın Etiraf və Müdrik Əzəmət.
Zəriflikdən Əzəmətə keçid.
Əlçatmazlığa eşq və İdrakiliyə həvəs.
«Həyat çoxcəhətliliyə, biri-birindən fərqli, bəzən biri-birinə Zidd,
ancaq Mahiyyət etibarilə Vahid hadisələrin qarşılıqlı əlaqəsi kimi
Ülvidir!» – deyir «Maye-Bayatı-Şiraz».
«Şəxsiyyət qətiyyətlə, cəsarətlə,
müdrikcəsinə Həyata qovuşanda,
öz qəlbinə onun bütün zənginliyini yığanda, Müdrikliyə çatanda –
Həyat Ülvilik kəsb edir!» – deyir «Maye-Bayatı-Şiraz».
Vahidlik Muğamda özünün bütövlüyü və çoxşaxəliliyiylə aşkara
çıxır, – Ülviliyə aparan, çatan.
«Bayatı-İsfahan»
Yüksək Kədər Dünyasına qovuşmaq.
Birinci pillənin Rəvan Kədərindən Kədər Zirvəsinə Keçid.
Müdriklik Məntiqinin Təsdiqi.
152
Ruhani İradənin Zəruri, Qarşısıalınmaz Təzahürü.
Dünyanı dərketmə və özünü dərketmə Yüksəkliyi.
Görüm sonsuzluğu.
İdeal möhnəti, Mütləq Çağırışı – aramsız, hökmlü!
Kamillik harayı…
Kədərdən artıq Kədər – Ruhani Əməl səviyyəsində.
Şöbədə Ülviyyət – Dünya Kədərinin dərki kimi mənalandırılır:
Kədər Zirvəsinin, İdeal İztirabının, Hicrinin təsdiqi kimi.
«Hüzzal»
Kədərin ram edilməsi.
Mütləqə qovuşmaq əsasında yaranan təzə Rəvanlıq.
Kədərin Mütləqə çılğın Qovuşma Ehtirasına çevrilməsi.
Kamilliklə Görüşmək, Kamilliyə qovuşmaq Patetikası.
Ruhani Əməllə İşıqlanmaq.
Əzələ qayıtmaq.
Burada Ülviyyət – Mütləqə Ülvi Ehtiras, canatma, Mütləqlə
Ülvi qovuşma kimi aşkara çıxır.
Ümumi Qiymət
«Bayatı-Şiraz» Muğamındakı Ülvilik konsepsiyası Ülviyyətin
aşağıdakı Pillələrini təsdiq edir:
Dünyanın çoxmənalılığını, çoxcəhətliliyini dərk etmək, görmək,
bilmək.
Qəm yüksəkliyi.
Kamilliyə çatma.
4. «Şur» muğamı
«Maye-Şur»
Çılğınlığı hazırlayan Rəvanlıq.
Harayı hazırlayan Səbatlıq.
İnkişafı hazırlayan Bitkinlik.