Microsoft Word Azerb Ceyhun 07. 11. 2016. ata soz nesr

İradə Məlikova 
22 

  Nə eşitsin, nə də qanı qaralsın. 

  Nə görsün, nə də hürsün. 

  Nə yada sirrini ver, nə namərdə bel bağla. 

  Nə göz görsün, nə ürək bulansın. 

  Neylərəm qızıl taxtı, bir qızıl baxtım olsun. 

  Niyyətin hara, mənzilin ora. 

  Od yanan yerdən işıq gələr. 

  Olan olub, keçən keçib. 

  Ölmə eşşəyim, yaz gələr yonca bitər. 

  Ondəfə eşitməkdən, birdəfə görməkməsləhətdir. 

  Öz gözündə tiri görmür, özgə gözündə qıl axtarır. 

  Özgəninsözünü sənə deyən, sənində sözünü özgəyə 
deyər. 

  Öz-özünü bəyənən ağam vay. 

  Öz-özünü oda yaxır. 

  Pis günün ömrü az olar. 

  Pis iş mərdə ar olar,  
Namərd gözü dar olar. 

  Pişiyin ağzı ətə çatmayanda deyər iy verir. 

  Pusquda oturan yatmaz. 

  Qabağagedirsənbicqardaş, dalaqalırsangicqardaş. 

  Qabaqca danışma! 

  Qaçanı qovmazlar. 

  Qaçırılan fürsət ələ düşməz. 

  Qafil yaşamaqdan ölmək yaxşıdır. 

  Qapan it dişin göstərməz. 

  Qarğa cəmdək üstə yığılar. 

  Qarğa, qarğa, məndə qozvar. 

  Qarı düşmən dost olmaz. 

---

23 

  Qələm əyri yonulsa da düz yazar. 

  Qələm yazanı qılınc poza bilməz. 

  Qələm qılıncdan itidir. 

  Qələmin ucu, qılıncın gücü. 

  Qılıqlı min evi yeyər, qılıqsız bir evi də yeyə bilməz. 

  Qız da oğlan da övladdır, hər ikisi bir-birindən şirin. 

  Qız evlərdə tanınar, ipək dəzgahda. 

  Qızım, sənə deyirəm, gəlinim, sən eşit! 

  Qoç döyüşünə qoç dözər. 

  Qoç igid qurddan çəkinməz. 

  Qoca başqa, qocaman başqa. 

  Qoca evin sütunudur. 

  Qoca qurd kahasından çıxmaz. 

  Qocadan demək, Cavandan əmək. 

  Qocanın biliyi, cavanın biləngi. 

  Qocaya hörmət elə, sən də qocalacaqsan. 

  Qoçdan qoç törər 

  Qoçun buynuzu qoça ağırlıq eləməz. 

  Qonşu iti qonşuya hürməz. 

  Qonşu muncuğunu götürən, onu ancaq gorda taxar. 

  Qonşu payı dolu gələr, dolu gedər. 

  Qonşu qonşu olsa kor qız ərə gedər. 

  Qonşu qonşunun itini bayatı çağıra-çağıra tapar. 

  Qonşu paxıl olmasa, bağ çəpəri neylər?! 

  Qonşu qonşuya baxar, Canını oda yaxar. 

  Qonşum sağ olsun, ocağından od verməsin. 

  Qonşunu iki inəkli istə ki, özün bir inəkli olasan. 

  Qonşunun haqqı axirət haqqıdır. 

  Qorunan baş salamat olar. 
Azərbaycanda yaşayan xalqların atalar sözləri və deyimləri 

---

İradə Məlikova 
24 

  Qorxan gözə çöp düşər. 

  Qorxan öküz cütə getməz. 

  Qorxaq gündə yüz yol ölər, igid ömründə bir yol. 

  Qorxaq hər şeyi dörd görər. 

  Qorxaq nə zərər eylər, nə mənfəət. 

  Qorxaq öz kölgəsindən də qorxar. 

  Qorxaq qaçar hay gəlməmiş,  
Çırmanar keçməyə çay gəlməmiş. 

  Qorxu adama yalan dedirdər. 

  Qorxu adama yalan söylədər. 

  Qorxu başa bəladır. 

  Qorxursansa pişikdən,  
Niyə çıxırsan deşikdən. 

  Qoyun quzusunun ayağını basmaz. 

  Qoyunu qurda tapşırıb. 

  Qulağının dibini görəndə... 

  Qurbansız bayram olmaz. 

  Qürbətdə xan olunca, Vətənində dilən, gəz. 

  Qurddan qorxan qoyun saxlamaz. 

  Qurdun qonağlığına get, köpəyi də yanınca apar. 

  Qurunun oduna yaş da yanır. 

  Quş var ətin yeyərlər, quş var ət yedirdərlər. 

  Quşqun olub quyruq altına keçincə, yüyən ol başa keç. 

  Qüvvə hər şeyi, ağıl qüvvəni sındırar. 

  Quyuya su tökməklə quyu sulu olmaz. 

  Samanlıqda iynə axtarır. 

  Savadsız adam kor kimidir. 

  Səbr ilə halva olar, ey qora səndən, bəsləsən atlaz olar 
tut yarpağından. 

---

25 

  Şərti şumda kəs, xırmanda şana-kürək sınmasın. 

  Sidqilə dostolan ürəkdəndə birgərək. 

  Sınan gəmiyə nə külək. 

  Şirin dil ilanı yuvadan çıxardar. 

  Sirr açandan el qaçar. 

  Sirrini demə dostuna, dostunun da bir dostu var. 

  Söhbət ki var, bulaqdır, kəsilməsə axacaq. 

  Sonra qızıb banla. 

  Sonrakı peşmançılıq fayda verməz. 

  Soruşan dağları aşar, 
Soruşmayan düzdə çaşar. 

  Söyləyən olma, dinləyən ol. 

  Söyləyəndən dinləyən arif gərək. 

  Söz bir olsa, dağ oynayar yerindən. 

  Söz çeynəyən çox, söz deyən az. 

  Söz danışıqdan keçər. 

  Söz doğar. 

  Söz götürənin, yer oturanındır. 

  Söz həyatın bəzəyidir. 

  Söz insanın vuran əlidir. 

  Söz ki var, dəmirdir, vurduqca uzanar. 

  Söz odur ki, haqqa vara. 

  Söz qılıncdan kəsərlidir. 

  Söz sözü çəkər, arşın bezi. 

  Söz sözün dayağıdır. 

  Sözvareliçində, sözvareviçində. 

  Söz vaxtına çəkər. 

  Söz verər, bez verməz. 

  Sözdən söz çıxar. 
Azərbaycanda yaşayan xalqların atalar sözləri və deyimləri 

---