XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
169
konsorsiumun əsas
məqsədi Azərbaycan, Gürcüstan, Ukrayna
və Polşanın ərazisindən keçməklə Xəzər dənizindən Avropaya
və beynəlxalq bazarlara gedən daşınma sistemlərinin müza-
kirəsi və reallaşdırılmasını təmin etməkdən ibarət idi.
Tədqiqatçıların fikrinə görə, belə bir konsorsiumun yara-
dılması həm Avropa İttifaqının, həm də konsorsiumda birbaşa,
yaxud dolayısı ilə iştirak edən region
ölkələrinin enerji təh-
lükəsizliyi maraqlarına tam cavab verirdi. Keçən illərdə Gür-
cüstanın, bu yaxınlarda isə Belarusun Rusiya ilə yaranmış
enerji münaqişəsinin həll etmək və ölkələrini böhrandan çıxar-
maq məqsədi ilə Azərbaycana müraciət etməsi və qarşı tərəf-
dən onlara göstərilən dəstək, Ukrayna hökumətinin öz daxili
neft və qaz ehtiyaclarını Azərbaycanın neft-qaz məhsulları he-
sabına təmin etmək istəyi və s. məsələlər bunun əyani sübu-
tudur. Hazırda, Ukrayna ildə təxminən 4 milyon ton neft və
gələcəkdə 5-8 mlrd. kub. metr qaz almaq, Qara dənizin Gür-
cüstan limanlarından Ukraynaya,
oradan da mövcud infrastruk-
turlarla ətraf ölkələrə enerji resursları ixrac etmək məsələsi
ətrafında Azərbaycan hökuməti ilə danışıqlar aparılır. Azər-
baycan və Ukrayna prezidentlərinin qarşılıqlı səfərləri çərçivə-
sində “Ukrtatnafta” ilə ARDNŞ arasında Azərbaycan neftinin
Ukraynaya ixracı, ARDNŞ-in Ukraynada yanacaqdoldurma
məntəqələrinin açılması və enerji əməkdaşlığı sahəsində digər
bir neçə müqavilələr imzalanmışdır. Ukrayna tərəfinin bəya-
natlarına görə, bu ölkə gələcəkdə hər ay orta hesabla Azərbay-
candan bir milyon tona qədər xam neftin alınması və Ukray-
nanın neftayırma zavodlarında işlənərək ölkənin daxili ehti-
yaclarına yönəlməsi marağındadırlar.
Son zamanlar Belarus
ƏL İ H ƏS ƏNOV
170
hökuməti də təxminən oxşar fəaliyyəti həyata keçirmək niy-
yətində olduğunu bəyanat etmişdir.
111
Azərbaycanın postsovet məkanında həyata keçirdiyi enerji
siyasətinin ən perspektivli istiqaməti, mütəxəssislərin fikrincə,
gələcəkdə maye qazın Gürcüstan üzərindən
Qara dənizin dibi,
o cümlədən tankerlər vasitəsi ilə Ukraynaya nəqli, oradan da
Ukrayna və Belarusun həm daxili ehtiyacları üçün istifadəsi,
həm də bu ölkələrin Avropaya mövcud olan transmilli qaz
kəmərləri vasitəsilə Qərb bazarlarına göndərilməsi ideyasıdır.
Son aylarda Rusiyanı ən çox narahat edən də məhz bu məsə-
lədir. Rusiyanın Ukrayna və Belarusla yaranmış qaz münaqi-
şəsi zəminində bu ölkələrin tez-tez Azərbaycan, Türkmənistan
və Qazaxıstanın adını hallandırması və dar məqamda onlara üz
tutması Rusiyanın rəsmi dairələrini getdikcə daha çox qıcıq-
landırır və narahatlığını artırır.
Bundan başqa, 2010-cu ilin aprel ayında
Buxarestdə, sen-
tyabr ayında isə Bakıda - Azərbaycan, Rumıniya, Gürcüstan və
Macarıstan dövlət və hökumət başçılarının imzaladıqları müqa-
viləyə uyğun olaraq,
AGRİ layihəsi çərçivəsində Azərbaycan
qazının boru vasitəsilə Gürcüstanın Qara dəniz limanlarına
çatdırılması, sonra sıxılaraq gəmilər vasitəsilə Rumıniya ərazi-
sinə daşınması və oradan da Macarıstana, Rumıniya, Bolqarıs-
tan və digər
Cənub-Şərqi Asiya ölkələrinə göndərilməsi, Qara
dəniz hövzəsində yaradılacaq qazpaylayıcı stansiyalardan
bütün bölgə dövlətlərinin sərbəst şəkildə qaz almaq imkanları
nəzərdə tutulur. Bu marşrutla gələcəkdə ildə təxminən 7 -10
milyard kub metr maye qazın ixracı planlaşdırılır. Nəzərə
alınsa ki, Azərbaycan Bakı-Tbilisi-Ərzurum qaz kəməri vasi-
111
Bax: газ. “Зеркало”, №184, 9 октября 2010 г.
XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
171
təsilə 2005-ci ildən başlayaraq Türkiyə və Gürcüstana, 2013-cü
ildən başlayaraq həm də Yunanıstana, Bakı-Mozdok və Bakı-
Astara kəmərləri ilə 2009-cu ildən Rusiya və İrana qaz ixrac
edir, o zaman xarici bazarlara sərbəst çıxmaq və öz qazını
müstəqil şəkildə ixrac etmək istiqamətində Azərbaycanın
demək olar ki, enerji təhlükəsizliyi tam təmin olunubdur.
Azərbaycanın
həm bölgədə, həm də dünyada fəal şəkildə
həyata keçirdiyi transmilli neft və qaz siyasəti Rusiyanın bəzi
dairələrini narahat edir və onlar öz hökumətlərini bu ölkəyə
qarşı “müəyyən qabaqlayıcı tədbirlər” görməyə çağırırlar. Belə
“qabaqlayıcı tədbirlər” çərçivəsində son zamanlar Rusiya hö-
kuməti Azərbaycanın artan enerji ixracı məhsullarını yerindəcə
alaraq, bölgənin neft-qaz məhsullarını bir əldən dünya bazar-
larına çıxartmaq siyasəti yürüdür. Rusiya dünya enerji baza-
rında öz qiymət siyasətini qorumaq üçün, Azərbaycanın və
Orta Asiya ölkələrinin malik olduğu neft və qaz məhsullarını
daha çox miqdarda əldə etməklə, onların dünya bazarlarına
birbaşa və sərbəst yolunu bağlamaq istəyir.
Lakin Azərbaycan
hökuməti daim bəyan edir ki, dünya enerji bazarında biz Ru-
siyaya ilə rəqib deyil, tərəfdaşıq. Çünki, Rusiyanın və Azər-
baycanın enerji resurslarının öz fərqli alıcıları mövcuddur.
Azərbaycan Rusiyanın maraqlarını nəzərə alaraq Nabucco layi-
həsindən imtina etdi, öz neftini və qazınını daha çox bu ölkə-
nin ənənəvi inhisarında olan
məkanlara- Qərbi və Şərqi
Avropaya deyil, Adriatik sahili ölkələrinə, Türkiyəyə, İtaliya
və Yunanıstana istiqamətləndirdi. Həm də Azərbaycanın Avro-
pa enerji bazarına ixrac etdiyi enerji məhsullarının miqdarı
Rusiyanın inhisarının pozulması üçün yetərli deyil. Rusiyaya
ƏL İ H ƏS ƏNOV
172
Avropanın və dünyanın artan enerji tələbatı çərçivəsində öz
enerji məhsullarını istədiyi qiymətə satır.
Mütəxəssislərin fikrinə görə, yaxın illərdə planlaşdırılması
və işə düşməsində Azərbaycanın önəmli rol oynadığı və oy-
nayacağı TANAP, TAP, AGRİ, Odessa-Brodi-Qdansk və b.
yeni-yeni qlobal neft-qaz ixracı layihələrinin reallaşması
Rusiyanın maraqlarına ciddi şəkildə toxunmadan, Azərbay-
canın özünün və geoiqtisadi tərəfdaşlarının milli maraqlarına
xidmət göstərəcək və onun “bölgənin enerji ehtiyatlarının
dünya bazarına nəqlində mühüm geostrateji önəm daşıyan
ölkə” statusunu bir qədər də möhkəmləndirəcək.