42
münasibətlər sisteminə yeni müstəqil dövlətlərin qatılması və onlar arasında
bərabərhüquqlu münasibət prinsiplərinin bəyan olunması idi. Bağlanmış sülh
müqavilələrinə uyğun olaraq, keçmiş Almaniya, Avstriya-Macarıstan, Rusiya və Osmanlı
imperiyasının tərkibində olan ölkələr müstəqil dövlət statusu ilə Versal sisteminə daxil
edildi. Beləliklə, Avstriya, Macarıstan, Polşa, Yuqoslaviya, Çexoslovakiya, Bolqarıstan,
Rumıniya, Yunanıstan, Estoniya, Latviya, Litva və b. dövlətlər keçmiş imperiyalardan
ayrılaraq müstəqil dövlət oldular. Bütövlükdə Versal sisteminə dünyanın 44 dövləti daxil
oldu. Bundan başqa, Versala daxil edilməyən Ukrayna, Belarus, Azərbaycan, Gürcüstan
da öz müstəqilliklərini elan etdi və beynəlxalq aləmin onları tanıması üçün diplomatik
fəaliyyətə başladılar.
Avropada güc balansı Fransa və İngiltərənin xeyrinə tam dəyişsə də, ABŞ-ın bu
qitədəki hadisələrə, o cümlədən bütün dünyada bu ölkələrə məxsus müstəmləkə
ərazilərinə müdaxiləsi getdikcə güclənməyə başladı. ABŞ-ın qüdrətli dövlət kimi dünya
hadisələrinin mərkəzinə çıxması və beynəlxalq münasibətlərdə güc balansının
dəyişməsində həlledici amilə çevrilməsi birinci dünya müharibəsinin əsas yekun
nəticələrindən biridir.
ABŞ XX əsrin əvvəllərindən etibarən dünya dövlətinə çevrilməyə və beynəlxalq
münasibətlər sistemində özünəməxsus yer tutmağa başlayır. Xüsusən, həmin dövrdə
dünyada müstəmləkə imperiyalarının ciddi böhran və problemlərlə üzləşməsi,
müstəmləkə və metropoliyalar arasındakı münasibətlərin kəskinləşməsi bu dövlət üçün
öz məxsusi maraqlarını təmin etmək, müxtəlif manevrlərlə hadisələrə təsir göstərmək
imkanı yaratdı. Lakin Birinci dünya müharibəsi ərəfəsində ABŞ hələ dünya hökmranlığı
uğrunda başqa nəhəng dövlətlərlə üz-üzə gəlmək gücündə deyildi. Bununla belə, ABŞ
asta-asta Rusiyanı Uzaq Şərq və Sakit okean, İspaniyanı Karib hövzəsindən, Almaniya
və Fransanı Afrikadan sıxışdırmaq üçün tədbirlər də həyata keçirirdi.
Birinci dünya müharibəsi başlayarkən ABŞ Avropa dövlətlərinə üç milyard dollar
pul borclu idi. Müharibənin gedişində ABŞ nəinki bu pulu qaytarır, eyni zamanda,
Antantanın müharibədəki xərclərinin böyük bir qismini ödəyərək, bu blokun üzvlərini
özünə 14 milyard dollar borclu edir. Bundan başqa, müharibənin gedişində Birləşmiş
Ştatlar dünyanın ən aparıcı ticarət və iqtisadiyyat mərkəzinə çevrilərək, dörd ildə bu
sahədə 27,3 milyard pul qazanır.
ABŞ iqtisadi qüdrətini artdırdıqca həm də Avropa və dünyanın siyasi proseslərinə
öz müdaxilələrini gücləndirməyə başladı. 1917-ci ilin aprelində Antanta tərəfindən
Birinci dünya müharibəsinə qoşulmazdan əvvəl ABŞ öz bankları vasitəsilə hər iki bloku
43
maliyyələşdirir və onlara kreditlər verirdi. Əslində, Antanta tərəfdən müharibəyə
qoşulmaqla ABŞ heç də digər tərəflə əlaqələrini, manevrlərini dayandırmadı.
Müharibənin sonunda isə bu dövlət İngiltərə və Fransa kimi, Almaniya və onun
müttəfiqlərini birdəfəlik sıradan çıxarmaq, onlara məxsus ərazi və maddi resurslardan
daha çox pay əldə etmək uğrunda mübarizəyə girişmədi. Əksinə, Birləşmiş Ştatlar
uduzan tərəfi axıra qədər məhv olmaq, Avropa və dünyanın siyasi palitrasından çıxmaq
təhlükəsindən xilas etdi və beləliklə, özünə sülhsevər, himayəçi, xeyirxah arbitr imici
qazanaraq sonrakı illər üçün geosiyasi gedişlər etdi. Vaşinqton yaxşı bilirdi ki, Birinci
dünya müharibəsi Avropa və dünyada ziddiyətləri aradan qaldırmadı. Əksinə, bir qədər
də dərinləşdirdi. Bunun üzərinə yaxınlaşan sosialist təhlükəsi də əlavə olunsa, sonrakı
illərdə dünyanı gözləyən qarşıdurma tam öncəgörülən idi. Odur ki, heç kimi özündən
incitməmək, bitərəf, ədalətli və güclü arbitr imici qazanaraq, gələcək fəaliyyətdə bundan
yararlanmaq lazım idi.
ABŞ Avropanın və dünyanın müstəmləkə mübarizəsinə, hegemonluq iddialarına
və dövlətlərarası separat əlaqələrinə bir qədər gec qoşulduğu üçün bəzi problemlərlə
üzləşirdi. XX əsrin başlanğıcından dünyanın əsas dövlətləri olan İngiltərə, Fransa,
Almaniya, İtaliya, Rusiya, Yaponiya və başqaları öz xarici siyasət vəzifələrini,
müstəmləkə mübarizələrini həm açıq şəkildə, həm də bir-biri ilə gizli, separat
danışıqlar, məxfi müqavilələr vasitəsilə həyata keçirirdilər. Dövlətlər bəzən öz
müttəfiqləri hesab olunan ölkələrin əleyhinə əks düşərgənin bu və ya digər dövləti ilə
gizli danışıqlar aparır, separat müqavilələr imzalayırdı. Xarici siyasətdə riyakarlıq,
satqınlıq və məxfi anlaşma az qala aparıcı tendensiyaya çevrilmişdi. Sovet hakimiyyəti
qurulandan sonra bolşevik hökuməti rus imperatorunun xarici dövlətərlə bağladığı məxfi
və separat müqavilələri açıqladı və onların məzmunu 1918-ci ildə bütün dünyanı şoka
saldı.
1918-ci ildə Birinci dünya müharibəsinin taleyinin həll olunduğu artıq hamıya
məlum olan zaman ABŞ keçmiş məxfi və separat sazişlərin yenidən təkrar
olunacağından qorxaraq, təşəbbüsü öz əlinə almaq üçün ciddi səy göstərirdi. ABŞ
Prezidenti Vilsonun 1918-ci ildə Birinci dünya müharibəsinin yekunlarına dair çıxışı və
irəli sürdüyü təkliflər də məhz Vaşinqtonun belə manevrlərindən sayıla bilər. Bu təkliflər
14 bənddən ibarət idi və ABŞ-a tərəflər arasında manevr etmək imkanı yaradırdı.
Məsələn, bəndlərdən birində göstərilirdi ki, danışıqlar açıq keçirilməli və heç bir gizli
beynəlxalq saziş imzalanmamalıdır. Yaxud, istənilən vəziyyətdə ticarət gəmiçiliyinə və
beynəlxalq ticarətə maneçiliyin aradan qaldırılması tələbi və ya Rusiya, Belçika, Fransa,