37
Rusiyanı Sakit okean və Uzaq Şərqdə məğlub edən Yaponiya Koreyanı Rusiyanın təsir
dairəsindən çıxarır,
Port-Arturu, Lyaodun yarımadasını, Cənubi Saxalini onun əlindən
alır.
XX əsrin sonunda Cənubi Afrikada zəngin qızıl və almaz ehtiyatlarına nəzarət
uğrunda o zaman bu ölkəyə rəhbərlik edən Bur hökuməti ilə İngiltərə arasında müharibə
başlayır. 250 minlik ingilis ordusu 1902-cu ildə burları məğlub edir və Cənubi Afrikanı öz
təsir dairəsinə daxil edir. Bir az sonra Almaniya, Fransa və Rusiyanın təzyiqlərinə tab
gətirməyən İngiltərə ABŞ-ı bu işə qatmağa məcbur olur və göstərdiyi köməyə görə
Panama kanalının tikintisi və ona sonrakı nəzarət hüququ İngiltərədən ABŞ-a keçir.
(1903-cü ildə bu kanalın inşası başlanır və 1914-cü ildə başa çatır.)
1898-ci ildə başlamış Çin üsyanının yatırılması o zamankı aparıcı dövlətlər olan
ABŞ, Rusiya, İngiltərə, Fransa, Almaniya və Yaponiya arasında diplomatik
qarşıdurmaya səbəb olur. Çində bu dövlətlərin hər birinin marağı var idi. Bu ölkə öz
əhalisinin sayına, ucuz işçi qüvvəsinə və əlverişli ticarət bazarı olmasına görə inkişaf
edən kapitalist ölkələri üçün çox əhəmiyyətli idi. Bütün ölkələr Çin əhalisini
cəzalandırmaq, yerində oturtmaq, xaricilərin marağını müdafiə etmək məsələsində
yekdil idilər. Amma bu işi kimin görəcəyi, hansı ölkənin hərbi qüvvələrinin Çinə
göndəriləcəyi məsələsində siyasi maraqlar kəsişirdi. Geosiyasi, coğrafi və ərazi yaxınlığı
baxımından Çin üsyanının yatırılmasında istifadə oluna biləcək ən əlverişli dövlət
Rusiya və Yaponiya ola bilərdi. Lakin sonrakı illər üçün nə Rusiyanın (onun müttəfiqi
Almaniya idi), nə də Yaponiyanın (onu əsasən İngiltərə dəstəkləyirdi) bu işi həyata
keçirməsi digər dövlətlər tərəfindən qəbul edilmədi. Çünki bu bölgədə onların
möhkəmlənmək, öz təsir dairəsini artırmaq təhlükəsi var idi. Odur ki, 1899-cu ildə ABŞ
aparıcı Avropa dövlətlərinə nota göndərərək, Çinin bütün dövlətlər üçün “açıq elan
edilməsi”ni və bu ölkədə qayda-qanun yaratmağa hamının qoşulmasını tələb edir.
Bunun nəticəsində alman feldmarşalı Valderzenin rəhbərliyi ilə Çinə beynəlxalq hərbi
korpus göndərilir ki, onun tərkibində bütün böyük dövlətlərin hərbçiləri iştirak edirdi.
Göründüyü kimi, XX əsr beynəlxalq münasibətlərin qloballaşması, xalqlar və
dövlətlər arasındakı əlaqələrin, qarşılıqlı asılılığın artması ilə xarakterizə olunur. Böyük
dövlətlər artıq öz xarici siyasətlərini həyata keçirərkən, mütləq qonşu və ətraf dövlətlərin
mövqeyini nəzərə almaqla, dünyanın istənilən bölgəsində, o cümlədən öz
müstəmləkələri hesab olunan ərazilərdəki fəaliyyətlərini razılaşdırmağa məcbur idilər.
XX əsrin əvvəllərində dövlətlər arasında getdikcə kəskinləşən maraqlar mübarizəsi elə
həddə çatır ki, artıq Vestfal sistemi bu gərginliyi nizama sala bilmir və yeni bir kollektiv
38
qarşıdurmanın, bloklararası müharibənin başlanmasını qaçılmaz edirdi. Birinci dünya
müharibəsinin başlanması əslində beynəlxalq münasibətlərin 260 ildən artıq mövcud
olmuş, 1815-ci ildə Vyana sazişi ilə bəzi dəyişikliklərə məruz qalmış Vestfal sisteminə
son qoydu.
Birinci dünya müharibəsi ərəfəsində Avropada dövlətlərarası münasibətlər
həddən artıq gərginləşmişdi. Türkiyə və Yunanıstan arasında başlanan müharibə,
Türkiyənin əyalətlərində Avropa dövlətləri tərəfindən qızışdırılan üsyanlar, Türkiyə ilə
Balkan dövlətləri – Bolqarıstan, Serbiya, Çernoqoriya və Rumıniya arasında 1912-1913-
cü illərdə başlanan hərbi əməliyyatlar və ən başlıcası bütün bu proseslərdə əsas
Avropa dövlətlərinin mövqeləri İkinci dünya müharibəsini qaçılmaz edirdi.
Birinci dünya müharibəsinin əsas hərəkətverici qüvvəsini Vestfal sülhündən
başlayaraq XX əsrin əvvəlinə qədərki dövrdə milli haqları digər Avropa nəhəngləri
tərəfindən tapdanan və müstəmləkə bölgüsündə ən az pay alan Almaniya təşkil edirdi.
Onun əsas müttəfiqləri Avstriya-Macarıstan, Balkan müharibələrindən narazı qalan və
demək olar ki, dağılan Osmanlı imperiyası (Türkiyə), eyni zamanda Balkan
müharibəsində bəzi ərazi itkilərinə məruz qalan Bolqarıstan idi. Almaniyanın daimi
müttəfiqi İtaliya bu müharibədə əvvəl neytral mövqe tutdu. 1915-ci ildən isə İngiltərə,
Fransa və Rusiyanın daxil olduğu Antanta tərəfindən müharibəyə qoşuldu.
Birinci dünya müharibəsi başlayan kimi, Yaponiya Almaniyanın Uzaq Şərq
müstəmləkələrini ələ keçirmək üçün Almaniya-Avstriya-Macarıstan blokuna qarşı
müharibəyə qoşulur. Bundan başqa, bu və ya digər tərəfə öz münasibəti ilə fərqlənən
ABŞ, Belçika, Kanada, Misir, Portuqaliya, Rumıniya, Yunanıstan və Çin də bu
müharibəyə cəlb edilirlər. Beləliklə, Avropada iki qarşıduran blok arasında başlanan
müharibə dünya müharibəsinə çevrilir. Dünyanın 1,5 milyard əhaliyə malik 36 dövləti
müharibəyə cəlb edilir. 70 milyon əsgər və zabitin iştirak etdiyi bu müharibə bəşəriyyətə
10 milyon öldürülmüş və 20 milyon yaralanmış insan itkisi ilə başa gəldi. Müharibənin
dağıntıları indiyə qədər bəşəriyyətin gördüyü ən qanlı, fəlakətli və dəhşətli faciə idi.
Bundan başqa, 1917-ci ildə Rusiyada dünyanı lərzəyə salan, əvvəl burjua-demokratik,
sonra isə proletar inqilabı (oktyabr) baş verdi, Rusiya imperiyası dağıldı və planet
ideoloji-sinfi münasibətlərə görə iki düşərgəyə parçalandı. Rusiyanın müharibədən
çıxması Fransa və İngiltərəni çətin vəziyyətə saldı. Məhz onların təhriki ilə 1917-ci ildə o
vaxta qədər Antantaya maliyyə dəstəyi verən ABŞ Almaniyaya müharibə elan edir və
Antanta tərəfdən müharibəyə qoşulur, Avropaya özünün 30 minlik ordusunu yeridir.