~ 103 ~
Ehtiraslılar qəlbinin güzgüsünə sən nəzər salma,
Həqiqətən hamı əyri görünəndir, ey dost.
Hökmün nəyə olsa, əhdim ona olsun,
Bundan sonra sənə “Lə” (yox) sözün demərəm, ey dost.
Eşqinin şahidi əlindən əgər zəhər içsə,
Sədaqətindən şəfa tapar, ey dost.
Mühərrir, cans, məhəbbət üzündən bax gəldi
Cani-dildən sənin ayağına, ey dost.
Nəvvab Seyid Möhsün ağa naxoş olan vaxtda Mirzə Əli
mühərrir bu əybatı 1330 tarixində yazıb, cənabi-Nəvvaba göndərib,
əhvalpürs olub.
İstedadlı ədib, böyük Nəvvab,
Əsil-nəcəbdə göylərdən də üstün.
Fəzilət və kəramət bağının meyvəsi sənsən,
Mələklər şahının oğlu sənsən.
Allah Lütfünün dəryasının dürrü sənsən.
Eşitdim ki, o əziz vücudun
Abu həvadan xəstəlik tapıb.
O qadir Allahdan istəyirəm ki,
Sənin canının əziyyətini mənim gözümə versin,
Sənin düşmənlərini zəlil etsin,
Hər iki gözünə bəla oxu batsın.
Sənin varlığın millətə lazımdır.
Lakin bu xeyir-dua da vacibdir.
Haqdan sənin görünüşünü arzulayıram.
(haqq) xeyirli gözlərinə işıq vesin.
Mühərrir ürəkdən xeyrini istər,
Təkcə üzdə yox həm də arxada”.
[Mir Möhsün Nəvvab, Təzkireyi-Nəvvab, Bakı, “Azərbay-
can”, 1998, səh. 539].
Mirzə Əli Mühərrir jurnalist kimi "İqbal" qəzetində fəaliyyət
göstərmişdi.
~ 104 ~
Həsən bəy Bağırbəyov
Həsən bəy Kərim bəy oğlu 9 fevral 1866-cı ildə Şuşa şəhərin-
də dünyaya gəlmişdi. Şuşa real məktəbini bitirmişdi. Zaqafqaziya
(Qori) Müəllimlər Seminariyasına daxil olmuşdu. 12 iyun 1885-ci
ildə seminariyanı tamamlamışdı. 6 iyul 1885-ci ildə Yelizavetpol
(Gəncə) qəzasının 2 sinifli Goran kənd məktəbinə müəllim təyin
olunmuşdu. Məktəbin nəzarətçisi (direktor) vəzifəsində çalışmışdı.
25 noyabr 1887-ci ildə İrəvan quberniyasının Uluxanlı normal mək-
təbinə müəllim kimi dəyişilmişdi. Uluxanlı məktəbi həyata qədəm
qoyduğu ilk ildə Allahverdi Hacı Hüseyn oğlunun evində yerləşmiş-
di. Məktəbin ilk müdiri o zaman tanınmış maarifçi Muxin olmuş-
dur. Xanlar bəy Həsənbəyov, Hacı Məşədi Hüseyn məktəbin ilk
müəllimləri olmuşlar. Sonralar bu işə Məmməd bəy Qazıyev,
Əbdüləli bəy Muxtarov, Hacı Molla Kərim də qoşulmuşlar. Ulu-
xanlı məktəbinin ən yaddaqalan tarixi günü isə 1887-ci ilin fevralın-
da Cəlil Məmmədquluzadənin bu məktəbə müəllim təyin edilməsi
ilə bağlıdır. Həsən bəy Bağırbəyov Mirzə Cəlillə dostluq edirdi.
Həsən bəy Bağırbəyov 18 dekabr 1887-ci ildə Cavanşir
qəzasının Bərdə kənd məktəbinə dəyişildi. O, 7 avqust 1890-cı ildə
Nuxa (Şəki) qəzasının Padar kənd məktəbinə müəllim göndərildi.
Ordan isə 30 iyul 1893-cü ildə Vəndam kənd məktəbinə nəzarətçi
(direktor) göndərildi. Bir müddət burda çalışdı. 11 avqust 1895-ci
ildə Cavanşir qəzasının Alpout kənd məktəbinə dəyişildi.
Həsən bəy Bağırbəyov 15 aprel 1896-cı ildən 28 avqust 1900-cü
ilədək Şuşa qəzasının Gülablı kənd məktəbində övladlara dərs verdi.
O, həm də milli teatrın, mətbuatın inkişafında fəaliyyət göstərmişdi.
Həsən bəy Bağırbəyov 8 oktyabr 1902-ci ildə Yelizavetpol
(Gəncə) şəhərinin Bağmanlar qəsəbə məktəbində nəzarətçi (direk-
tor) vəzifəsində çalışmışdı. 4 may 1904-cü ildə həmin qəsəbədəki
rus-tatar məktəbinə nəzarətçi (direktor) vəzifəsinə dəyişilmişdi.
Həsən bəy Bağırbəyov müəllimlik peşəsinə bəslədiyi vicdani
münasibətə görə, 1 iyun 1908-ci ildə quberniya katibi mülki çini, 1
~ 105 ~
yanvar 1909-cu ildə 3-cü dərəcəli “Müqəddəs Stanislav” ordeni,
“Çalışqanlığa görə” yazılı gümüş medalla təltif olunmuşdu.
Həsən bəy Bağırbəyov 1919-cu ildə, AXC dönəmində Gəncə
sənət məktəbinin direktoru idi.
Mir Haşım bəy Vəzirov
Mir Haşım bəy Mir İman ağa oğlu 1867-
ci ildə Şuşa şəhərində anadan olmuşdu. Öncə
molla yanında, müdərrislərdən Molla Həmid və
Molla Əlidən dərs almışdı. Sonra şəhər məktə-
bini bitirmişdi. Irəvan Müəllimlər Semina-riya-
sında oxumuşdu. Müəllimlər Seminariyasını ta-
mamladıqdan sonra Böyük Vedi kəndində
müəllimliyə başlamışdı. Sonra dəyişilərək Ca-
vanşir qəzasının Alpout, Şəki qəzasının Kiçik
Köynük, Cavanşir qəzasının Bərdə kəndlərində
müəllimlik etmişdi. Bir müddət isə məktəb na-
ziri (müdiri) işləmişdi. Imperator Nikolay Aleksandroviçin tacgü-
zarlığı ilə bağlı Şuşada «müsəlman-rusi» məktəbi yaradılır. Mir
Haşım bəyi bu məktəbə nazir (direktor) vəzifəsinə dəvət edirlər.
Üzeyir Hacıbəyov ilk təhsilini Şuşada, H.Vəzirovun müdir olduğu
(1897-1899) ikiillik rus-tatar məktəbində almışdır. Sonra o, Şuşada-
kı mədrəsədə ərəb-fars dillərini öyrənmişdir. 1899-cu ildə isə o, rus-
tatar məktəbini əla qiymətlərlə bitirmiş və elə həmin ildə də təhsilini
davam etdirmək üçün Zaqafqaziya (Qori) Müəllimlər Seminariyası-
nın aşağı hazırlıq sinfinə daxil olmuşdur.
Mir Haşım bəy Vəzirov məktəbdə işləməklə bərabər Şəhər bə-
lədiyyə idarəsinə qlasnı seçilmişdi. Ictimai işlə qızğın məşğul olmuş-
du. Şuşa real məktəbin hazırlıq sinifində ana dilindən dərs demişdi.
Mir Haşım bəy təəssübkeş bir millətçi idi. 1905-1906-cı illərdə
erməni quldurlarına qarşı mübarizə etmişdi. 1906-cı ildə hökumət
tərəfindən tutulub, sürgün edilməsinə qərar verilmişdi. Onun sürgün
olunması barədə artıq hökm verilir. Lakin xəstə olduğundan Mir
~ 106 ~
Haşım bəyin sürgünə göndərilməsi təxirə salınsa da, qubernatorun
razılığı ilə sağalan kimi Şuşadan Stavropola sürülmüşdü. Onun sür-
gün həyatı uzun çəkmir, artıq 1906-cı ilin ortalarında sürgündən azad
olunan Mir Haşım bəy Şuşaya, sonra Bakıya qayıdır və ömrünün axı-
rınadək Bakını özünə daimi məsgən edir. Bakıya qayıtdıqdan sonra
Ə.Ağaoğlunun «İrşad» qəzetində əməkdaşlıq edən Mir Haşım bəy
sonra bir müddət qəzetin müvəqqəti redaktoru olmuşdu. «Irşad»ın on
beş nömrəsi onun redaktorluğu ilə çıxmışdı. «Irşad»dakı fəaliyyəti ilə
Mir Haşım bəyin professional jurnalistlik dövrü başlamışdı.
Mir Haşım bəy Vəzirov 1916-cı ildə vəfat edib.
Mir Haşım bəy Vəzirov jurnalist kimi. Seminariyada təhsil
illərindən başlayaraq, Haşım bəy mətbuatla maraqlanıb, "Kəşkül” qə-
zeti üçün kiçik həcmli məqalələr yazıb. H.Vəzirov seminariyanı bitir-
dikdən sonra 19 il müəllimlik edib. İrəvan quberniyasının bir çox
qəza və kəndlərində dərs deyib, məktəb direktoru kimi çalışıb. Peda-
qoji fəaliyyət Vəzirova doğma xalqının məişətinin daha dərindən öy-
rənilməsinə imkan yaradıb. Xalq həyatından, məişətdən öyrəndikləri
onun bir yazıçı-jurnalist kimi fəaliyyətinə səmərəli təsir göstərib.
İrəvan quberniyasından Qarabağa qayıdan Vəzirov Şuşada
açılan yeni tipli məktəbdə fəaliyyət göstərib. Öz bilik və bacarığını
maarifçiliyə yönəldib. Rus klassiklərinin əsərindən tərcümələr edib,
1904-cü ildə "Otello” faciəsini ilk dəfə olaraq Şuşada tamaşaya qo-
yub. Mətbuat tarixi üzrə araşdırmaçı, tarix elmləri üzrə fəlsəfə dokto-
ru, "Şərq” qəzetinin baş redaktoru Akif Aşırlının "Azərbaycan mət-
buat tarixi” (1875-1920-ci illər) adlı əsərində Haşım bəy Vəzirovun
fəaliyyətinə və təsis etdiyi mətbu orqanlara geniş yer ayrılıb. Müəllif
araşdırmasında qeyd edib ki, Şuşada ictimai işlə məşğul olan Haşım
bəy Vəzirov şəhər bələdiyyə idarəsinin apardığı milli ayrıseçkilik
siyasətinə, məxsusi olaraq azərbaycanlılar yaşayan məhəllələrin ba-
xımsız qalmasına etiraz etdiyi üçün təqiblərlə üzləşib.
A.Aşırlı kitabında vurğulayıb ki, H.Vəzirovu susdurmaq,
zərərsizləşdirmək üçün ən böyük canfəşanlığı erməni millətçiləri
edirdilər: "Bütün təqib və təzyiqlərin sonunda Haşım bəy Vəzirov
ölkədən sürgün edildi. Onun sürgün həyatı uzun sürmədi, 1906-cı
Dostları ilə paylaş: |