~ 93 ~
Əliş bəy Tahirov
Əliş bəy Sadıq bəy oğlu 4 fevral 1863-cü ildə Şuşa şəhərində
dünyaya gəlmişdi. Şuşa şəhər məktəbini bitirmişdi. Sonra Zaqafqazi-
ya (Qori) Müəllimlər Sеminariyasında oxumuşdu. 12 iyun 1883-cü
ildə sеminariyanı tamamlamışdı. 26 iyunda Şuşa şəhər məktəbində
müəllim köməkçisi kimi işə başlamışdı. 27 yanvar 1884-cü ildə Qar-
ğabazar kənd məktəbinə baxıcı (dirеktor) vəzifəsinə dəyişilmişdi.
Əliş bəy Tahirov «Tatar dilini öyrənənlər üçün» kitab yazmış-
dı. Kitab 1887-ci ildə Tiflis şəhərində rus dilində çap olunmuşdu.
Bir müddət burda işləyəndən sonra Yеlizavеtpol qəza idarəsinə tər-
cüməçi kimi işə düzəlmişdi. Əliş bəy 1903-cü ildə vəfat еdib.
Əliş bəy Tahirov geniş diapazonlu bir şəxsiyyət olub. Məktəb,
müəllimlik işi onun fəaliyyətinin çoxşaxəli istiqamətinə xüsusi şə-
rait yaratmışdır. Pedaqoji və publisistik
fəaliyyətinin nəticəsidir ki,
Əliş bəy Azərbaycan milli ziyalı düşüncəsində özünə layiqli yer
qazanmışdır.
Çoxçeşidli mətbu orqanlarda məhsuldar çıxışlarını davam et-
dirən Əliş bəyin yaradıcılıq irsi indiyə qədərki tədqiqatlarda ara-sıra
öyrənilmişdir. Lakin bu yaradıcılığın kompleks tədqiqi, yəqin ki,
hələ öz araşdırıcısını gözləməkdədir.
Məmməd bəy Tahirov
Məmməd bəy Rəsul bəy oğlu 1863-cü ildə Cavanşir qəzasının
Qapanlı kəndiində anadan olmuşdu. İbtidai təhsilini əmisindən al-
mışdı. Sonra Şuşa real məktəbində oxumuşdu. Zaqafqaziya (Qori)
Müəllimlər Seminariyasına daxil olmuşdu. 1886-cı ildə seminariya-
nı tamamladıqdan sonra Şuşa qəzasının Lənbəran kənd məktəbinə
nəzarətçi-müəllim vəzifəsinə təyin edilmişdi. 1889-cu ilin avqust
ayının 30-da Cavanşir qəzasının Bərdə kəndinə dəyişilmişdi. Bir il
burda çalışdıqdan sonra, 1890-cı ilin avqust ayının 30-da Qaxmux
kəndinə nəzarətçi-müəllim vəzifəsinə göndərilmişdi. 1892-ci ildə
ordan da Qaraçinar kənd məktəbinə dəyişilmişdi.
~ 94 ~
Məmməd bəy Tahirov – bir mənəviyyat mücahidi idi.
Məktəbi
millətin dirçəlməsi, inkişafı, başqa millətlər arasında öz layiqli yerini
tutması üçün əvəzsiz ocaq sayırdı. Kəndbəkənd gəzib türk-müsəlman
balalarını nur, ziya ocağına dəvət edirdi. Onun haqqında fikirləşəndə
ilk yazılarındakı yanıqlı harayı düşüncələrimə hakim kəsilir.
Təbii ki, Məmməd bəyin belə ağıllı, hərtərəfli böyüməsində
ailə mühitinin böyük təsiri vardı. Tahirovlar soyu Şuşada,
Qarabağ-
da, eləcə də Azərbaycanda ziyalılar nəsli kimi tanınmışdı.
Azərbaycan pedaqoji, mətbuat, ədəbiyyat və ictimai fikir tari-
xində görkəmli yer tutan Məmməd bəy Tahirovun yaşam yolu yetə-
rincə öyrənilməyib.
Mirzə Hüseyn bəy Münşizadə
Hüsеyn bəy Mirzə Kərim bəy oğlu 1863-cü ildə dünyaya gəl-
mişdi. İbtidai təhsilini atasından almışdı. Bir çox şərq dillərini bilirdi.
Hüseyn bəy Münşizadə tacir idi. Şuşa şəhərində Rastabazarda
dükanları vardı.
Hüseyn bəy Münşizadə müəllim idi. “Nəşri-Maarif” məktə-
bində dərs demişdi. Professor Zeynal Tağızadə öz xatərəsində yazır:
“Məni Şuşada açılan Nəşri-Maarif məktəbinə babam apardı. Bu
məktəb aşağı məscidin binasında idi. Hücrələrin arasını açıb iki bö-
yük dərs otağı eləmişdilər, qalanları yenə də balaca, qaranlıq idi. Bir
tərəfdə də uzaq yoldan gələn tələbələr yaşayırdılar. Məktəbin müdiri
şeyx Hüseyn Heydərzadə (Əbdürrəhim bəy
Haqverdiyev in Şeyx
Şəban əsərindəki prototipi idi) savadlı idi. “Bəyani-həqq” adlı əsəri-
ni Cahangir xan Nurubəyov nəşr etdirmişdi. Uşaq çox olduğu üçün
məscidin həyətində başında tüklü papaq olan birisi əlində köhnə bir
vedrə tuturdu. Daxil olmaq istəyən uşaq bu vedrədən bir bükülü ka-
ğız çıxarardı. Yanda duran üç nəfərə uzadır, onlar da alıb kağızı
açırdılar. Sənin qəbul olunub-olunmadığını deyirdilər. Məni babam
irəli apardı. Gözümü yumub kağızı çıxardım. Oxudular – Mübarək,
mübarək, qəbul olundu. Hacı bəyin baxtı var imiş, dedilər. Sevincək
evə gəldik. Nənə zolaq-zolaq çitdən bir heybə tikdilər,
içinə əlifba
~ 95 ~
kitabı, dəftər və karandaş qoyuldu. Səhəri məni məktəbə yola saldı-
lar. Yaxın olduğu üçün özüm tək getdim. Mirzə Bəşir Yusifzadə ana
dili dərsi, Mirzə Hüseyn Münşizadə fars və şəriət, Mirzə Dadaş –
coğrafiya, tarix, Xudadat Əzizbəyov hesab dərsini deyirdilər. Dərs-
lərini yəqin ki, yuxarı siniflərdə də aparırdılar. Müəllimlərdən elə
qorxurduq ki, küçədə uzaqdan görəndə qaçıb gizlənirdik. Ən əzazili
Mirzə Hüseyn idi. Bir gün məscidin həyətində Kərbəlayı İbiş oğlu
Emili gərməşoğ çubuğuyla o qədər döymüşdü ki, çoxumuz ağlama-
ğa başladıq, yalvardıq... yenə əl çəkmədi.
Mən məhəllə məscidində Mirzə Molla Hüseynin yanında da bir
az oxumuşdum. Uşaq döydüyü üçün qorxub getməmişdim. Xülasə,
mollaxanadakı palaz,
döşəkcə əvəzinə skamya, lövhə, tabaşir olsa da,
döymək adəti qalmışdı. Bizə deyirdilər ki, siz çox xoşbəxtsiniz.
Quzanlı Molla Mehdi şagirdin qulağını dartıb çıxardıb. Mirzə Aslan
şagirdin başının tükünü yolur, sonra iki barmağı arasında üfürürdü.
Falaqqa yox idi. Ancaq dəstə-dəstə bağlanmış zoğal çubuqları göz
qabağında idi. Biri mənimdi, qalanından götür kefin nə qədər istəyir.
Eliş onları bəsləyirdi. Vay o günə ki, şagird səhv oxumuş ola. Onun
qələtini məcburən öz yoldaşlarına düzəltdirərdi.
Səhv eləyinin əlinə
çubuqla vurmalı idi. Axı, öz yoldaşıdır. On dəqiqədən sonra bir yerdə
oynayacaq, amma əlac yoxdur, birtəhər vururdu; səhvin sayı qədər.
Əgər yavaş vurdusa, müəllim çubuğu özü götürüb, səhv çıxaranın
əlinə bərk vurardı ki, öyrənsinş O da eyni qaydada yoldaşını vursun.
Xülasə, evdə kötək, bayırda kötək,
məktəbdə kötək, bircə yatanda
rahat olurduq. İki müəllimimiz vardı, sinfə çubuq gətirməzdilər. Biri
Avropa qaydası ilə qalstuk taxar, təmiz, səliqəli geyinib dərsə gələrdi;
Xudadat Əzizbəyov, o biri Mirzə Dadaş. Bunlar sinifdə şagirdə
mənəvi təsir ilə dərs öyrədərdilər. Xudadat müəllim ruscadan tərcümə
etdiyi əsərləri oxuyardı. Mirzə Dadaş dünyadakı dövlətlərin qurulu-
şundan, istibdad, zülm kimi bizə məlum olmayan
sözlərdən söhbət
açardı. Maraqlı coğrafi kəşflərdən danışardı. Xudadat müəllim hesab
dərslərində məsələləri indiki proqramlar əsasında həll etdirərdi. O biri
müəllimlər hələ ləbbadədən əl çəkməmişdilər. Bizi hər cümə günü
məscid aparardılar. Əvvəlcə dəstəmaz alıb, cümə namazını axundun