47
məsuliyyət də mövcuddur» kimi ideya həmin prinsipin
mahiyyətini təşkil edir.
Təqsirə görə məsuliyyət prinsipi beynəlxalq nəqliyyat
sazişlərinin əksəriyyətində formulə edilmişdir. Bu sazişlərdə
göstərilir ki, yalnız təqsiri olduqda daşıyıcının üzərinə məsuliyyət
düşür. Həmin prinsip hava daşımalarına həsr olunmuş Varşava
Konvensiyasında, avtomobil nəqliyyatı ilə beynəlxalq yük
daşımalarına aid BYDM konvensiyasında. KOTİF-də, MDB
ölkələri arasında dəmir yolu daşımalarını tənzimləyən müvafiq
sazişdə daha aydın şəkildə ifadə olunmuşdur.
Bəzən bu prinsipin tətbiqi məhdudlaşır, yəni daşıyıcı
təqsirdən asılı olmayaraq məsuliyyət daşıyır. Təqsirdən asılı
olmayaraq məsuliyyətə hüquq ədəbiyyatında obyektiv məsuliyyət
deyilir. Məsələn, beynəlxalq hava daşımalarına aid olan
Qvatemala Protokolu (1971-ci il), Monreal Protokolu (1975-ci il)
və Monreal Konvensiyası (1999-cu il) məhz obyektiv
məsuliyyət prinsipindən çıxış edir.
Beynəlxalq nəqliyyat hüququnun ikinci ənənəvi prinsipi
məhdud məsuliyyət prinsipidir. Bu prinsipə görə, daşıyıcının
məsuliyyəti beynəlxalq nəqliyyat konvensiyaları ilə
müəyyənləşdirilmiş limit həddində məhdudlaşdırılır. Lakin
Varşava Konvensiyasına görə, əgər hava daşıyıcısı qərəzli
(qəsdən) hərəkətlər edərsə, o, məhdud deyil, qeyri-məhdud
məsuliyyət daşıyır. Monreal Konvensiyası da (1999-cu il)
daşıyıcının təqsiri olduğu hallarda onun qeyri-məhdud
məsuliyyət daşıması barədə gös əriş ifadə edir.
50
II FƏSİL. BEYNƏLXALQ DAŞIMA MÜQAVİLƏSİ
2.1. Beynəlxalq daşıma müqaviləsi anlayışı və onun
hüquqi xüsusiyyətləri
Beynəlxalq daşıma müxtəlif növ nəqliyyat vasitələrilə həyata
keçirilir. Belə daşımalar beynəlxalq sazişlər və nəqliyyat
konvensiyaları ilə müəyyən edilmiş şərtlər əsasında yerinə yetirilir.
Ona görə də daşımaların əsas şərtlərinin beynəlxalq müqavilələrlə
müəyyən edilməsi bu sahədə hüquqi tənzimetmənin fərqləndirici
xüsusiyyətlərindən biridir. Beynəlxalq nəqliyyat daşıma
müqavilələri unifikasiya olunmuş normaları, vahid daşıma şərtlərini,
daşıma sənədlərinə aid bir sıra tələbləri, yüklərin daşımaya qəbul
edilməsi və təyinat məntəqəsində verilməsi qaydalarını, daşıyıcının
məsuliyyət şərtlərini, daşıyıcıya qarşı pretenziya və iddia irəli
sürülməsi prosedurunu və sairə məsələləri ehtiva edir.
Beynəlxalq daşıma müqaviləsinin digər xüsusiyyəti ondan
ibarətdir ki, onun icrası zamanı müvafiq maddi-hüquq normaları
müxtəlif kollizion prinsiplər əsasında tətbiq edilir. Məsələn,
yükgöndərən ölkənin qanunu, təyinat ölkəsinin qanunu, daşıyıcının
qanunu, məhkəmə ölkəsinin qanunu və s.
Beynəlxalq nəqliyyat müqavilələri hüquqi tənzimetmə
obyektinə görə aşağıdakı kimi fərqləndirilir:
1
beynəlxalq daşımaların
təşkilinin ümumi prinsipləri haqqında, daşıma şərtləri haqqında,
beynəlxalq daşımaların tarifləri haqqında, dövlətlər arasında
nəqliyyat əlaqələrinin asanlaşdırılmasına yönəlmiş müqavilələr,
müxtəlif nəqliyyat növlərinin fəaliyyətinin spesifik tərəflərini
tənzimləyən müqavilələr, beynəlxalq daşımalar sahəsində maddi
marağın müdafiəsini nəzərdə tutan müqavilələr.
1
Бах: Авчинкин Д.В. Международные перевозки. Минск, 1999, с.6-7.
51
Nəqliyyat konvensiyalarının layihələri BMT çərçivəsində
YUNKTAD, YUNSİTRAL, AİK, UNİDRUA və digər beynəlxalq
təşkilatlar tərəfindən işlənib hazırlanır.
Beynəlxalq daşıma müqaviləsində, adətən, iki tərəf iştirak
edir: nəqliyyat təşkilatı (daşıyıcı) və müştəri (yükgöndərən, sərnişin
və s.). Müqavilə tərəflərindən birinin xarici fiziki və ya hüquqi şəxs
olması beynəlxalq daşıma müqaviləsinə xas olan əsas əlamətlərdən
biridir.
Hüqüq ədəbiyyatı səhifələrində haqlı olaraq göstərilir ki,
beynəlxalq daşıma müqaviləsi beynəlxalq nəqliyyat hüququnun əsas
institutudur. Həqiqətən də onu beynəlxalq nəqliyyat hüququnun
mərkəzi anlayışı hesab etsək, yanılmarıq. Bunu nə ilə izah etmək
olar?
Məlum olduğu kimi, daşıma prosesinin və nəqliyyat
əməliyyatlarının əsas məqsədi yük və ya sərnişinləri
müəyyən bir
yerdən başqa yerə (təyinat yerinə) çatdırmaqdan ibarətdir.
1
Bu
məqsədə məhz beynəlxalq daşıma müqaviləsi çərçivəsində nail
olunur. Daşıma prosesinin iştirakçıları (müştərilər və daşıyıcılar)
məhz bu müqavilənin vastəsilə həmin məqsədə çatırlar.
Beynəlxalq daşıma müqaviləsi anlayışı bəzi beynəlxalq
nəqliyyat konvensi-yalarında verilir. Söhbət Varşava, Brüssel, Afina
və digər konvensiyalardan gedir.
2
Lakin bu anlayışlar ümumi
xarakter daşıyır. Belə ki, qanunvericilik və nəzəriyyə daşıma
1
Бах: Иоффе О.С. Советское гражданское право. Курс лекций. Часть 2. Л.,
1961, с. 268; Садиков О.Н. Правовое регулирование международных
перевозок. М., 1981, с.35.
2
Бах: п. 2 ст.1 Варшавской Конвенции; п. 2 ст. 1 Афинской Конвенции, ст. 1
Брюссельской Конвенции; п.6 ст. 1 Конвенции о морской перевозке
грузов (Гамбургские правила); п. 1 ст.1 Конвенции о договоре
международной перевозки грузов автомобильным транспортом. Бу
конвенсийалар барядя бах: Международное частное право. Сборник
нормативных документов / Составитель Н.Ю. Ерпылева. М., 1994, с. 208;
Гафаров З.М., Алиев Э.А. Применение современного международного
транспортного права в Азербайджанской Республике. М., 2002.