55
Yükgöndərən yükü daşınmaq üçün daşıyıcıya verən və
göndərmə yerində onu yola salan, daşıma haqqını ödəmək vəzifəsi
daşıyan tərəfdir. Daşıyıcı isə elə bir nəqliyyat təşkilatıdır ki, bu
təşkilatın əsas işi ona tapşırılan yükü xarici dövlət ərazisində olan
təyinat yerinə çatdırmaqdan ibarətdir.
Hüquq
ədəbiyyatında göstərilir ki, beynəlxalq yük daşınması
müqaviləsinin tərəflərindən biri hökmən xarici fiziki və ya hüquqi
şəxs olmalıdır.
1
Bu, ümumi qaydadır. Lakin ümumi qaydanı istisna
edən belə bir halın yaranması mümkün-dür ki, bəzən beynəlxalq yük
daşınması müqaviləsinin tərəfləri eyni bir dövlətin şəxsləri də ola
bilər. Belə hal istisna olunmur.
Beynəlxalq yük daşınması müqaviləsinin predmetinə
gəldikdə isə qeyd etmək lazımdır ki, onun predmeti daxili yük
daşınması müqaviləsinin predmeti ilə eynidir. Bu, onunla izah edilir
ki, beynəlxalq yük daşınması müqaviləsi daxili yük daşınması
müqaviləsi ilə eynitiplidir. Buna görə də onun predmetini
daşıyıcının fəaliyyəti (xidməti) təşkil edir. Bu fəaliyyət (xidmət)
yükün təyinat yerinə çatdırılmasına yönəlir.
Beynəlxalq yük daşınması müqaviləsinin forması barədə
onu deyə bilərik ki, daxili yük daşınması müqaviləsi kimi beynəlxalq
yük daşınması müqaviləsi də daşıma (nəqliyyat) sənədi ilə
rəsmiləşdirilir. Belə ki, beynəlxalq daşımanı həyata keçirmək üçün
daşıma (nəqliyyat) sənədinin tərtib olunması tələb edilir. Daşıma
(nəqliyyat) sənədinin tərtib olunması onu ifadə edir ki, tərəflər
arasında daşıma müqaviləsi bağlanmışdır.
2
Müəlliflərdən prof.
K.V.Xolopov buna zidd mövqe tutaraq göstərir ki, daşıma
(nəqliyyat) sənədi daşıma müqaviləsinin bağlanmasını ifadə etmir.
Onun fikrincə, daşıma müqaviləsi
1
Бах: Садиков О.Н. Правовое регулирование международных перевозок. М.,
1981. с.71; Авчинкин Д.В. Международные перевозки. Минск, 1999, с.8.
2
Бах: Садиков О.Н. Правовое регулирование международных перевозок. М.,
1981. с.74.
56
yazılı formada bağlanılır və bu müqavilə daşıyıcı tərəfindən
yükgöndərənə verilən daşıma sənədi ilə təsdiq edilir. Müəllif öz
mövqeyini əsaslandırmaq üçün daşıma barədə sazişlərdə ifadə
olunan belə bir hüquqi göstərişə istinad edir ki, nəqliyyat sənədinin
olmaması, səhv tərtib olunması və ya itirilməsi nə daşıma
müqaviləsinin mövcudluğuna, nə də onun etibarlı olmasına təsir
göstərir.
3
K.V.Xolopovun mövqeyi ilə çətin razılaşmaq olar. Doğrudan
da, daşıma barədə bəzi sazişlərdə belə bir hüquqi göstəriş ifadə
edilmişdir.
4
Lakin bu hüquqi göstərişin praktiki əhəmiyyəti azdır. Bu
hüquqi göstəriş, başlıca olaraq, daşıma həyata keçirilən zaman
nəqliyyat sənədlərinin itirilə biləcəyi hallar üçün hesablanmışdır.
Digər tərəfdən, daşıma sənədləri həmin göstərişi nəzərdə tutan
sazişlərin qaydalarına tabedir.
Nəqliyyat (daşıma) sənədi beynəlxalq daşıma üzrə müqavilə
münasibətlərini rəsmiləşdirir. Burada beynəlxalq yük daşınması
müqaviləsinin bütün əsas şərtləri (müqavilənin qiyməti, yəni daşıma
haqqı, göndərilmə tarixi, tərəflər və s.) barədə rekvizitlər
(məlumatlar) göstərilir. Nəqliyyat (daşıma) sənədinin mövcudolma
faktı həmin sənəddə nəzərdə tutulan şərtlər daxilində sadə yazılı
formada yük daşınması müqaviləsinin bağlanmasını ifadə edir.
Beynəlxalq yük daşınması müqaviləsinin sadə yazılı forması məhz
nəqliyyat (daşıma) sənədi hesab olunur. Deməli, nəqliyyat (daşıma)
sənədi müqavilə sənədidir, həm də ona görə ki, daşıyıcı ilə
yükgöndərən arasında öhdəlik hüquq münasibəti (öhdəlik), yəni
yükdaşıma öhdəliyi bu sənəd əsasında əmələ gəlir. Bu sənəd, hər
şeydən əvvəl, nəqliyyat təşkilatının (daşıyıcının) üzərinə daşımanı
həyata keçirmək vəzifəsi qoyur.
3
Бах: Экономика и организация внешнеторговых перевозок. Учебник / Под.
ред. К.В.Холопова. М., 2000, с.196.
4
Бах: ст 3, 4 и 5 Варшавской Конвенции; ст.4. Конвенций о договоре
международной перевозки грузов автомобильным транспортом; ст.5
Конвенции о договоре международной автомобильной перевозки
пассажиров и багажа.
57
Nəqliyyat (daşıma) sənədi aşağıda göstərilən üç əsas
funksiyanı yerinə yetirir:
-birinci, daşıma (nəqliyyat) sənədi yük daşınması
müqaviləsinin mövcudolma, bağlanma faktını və onun şərtlərini
təsdiq edərək sübuta yetirir;
-ikinci, nəqliyyat (daşıma) sənədi daşıyıcı tərəfindən yükün
qəbul edilməsini təsdiqləyən qəbz rolunu oynayır (yükün daşınmaq
üçün qəbul edildiyini təsdiqləyir);
-üçüncü, nəqliyyat (daşıma) sənədi bu sənədin sahibinə mala
sərəncam vermək hüququnu həvalə edir. Söhbət yükə (mala) olan
mülkiyyət hüququnun başqa şəxsə verilməsi imkanından gedir.
Göstərilən funksiyalardan əlavə, nəqliyyat (daşıma) sənədi
yükə dair sərəncam vermək funksiyasını da yerinə yetirir.
1
Bu
funksiyaya görə nəqliyyat (daşıma) sənədinin sahibi yükə dair
sərncam vermək hüququna malikdir. Belə sərəncam daşınmaya
verilmiş yükü geri almaq, onu başqa — yeni yükalanın ünvanına
göndərmək və təyinat yerində yükü almaq səlahiyyətlərini ifadə edir.
Göründüyü kimi, yükə dair sərəncam vermək hüququ yükə (mala)
olan mülkiyyət hüququnun başqa şəxsə verilməsini ifadə etmir.
Müəlliflərdən O.N.Sadikov nəqliyyat (daşıma) sənədinin
əlavə olaraq, daha iki funksiya yerinə yetirməsi barədə fikir
söyləyir:
1
hesablaşma funksiyası və uçot funksiyası.
Hesablaşma funksiyasının mahiyyəti nəqliyyat (daşıma)
sənədinin hesab-laşma sənədi rolunu oynamasından ibarətdir. Həmin
sənədin müvafiq qrafasında yükgöndərən (yükalan) tərəfindən
ödənilmiş daşıma haqqı barədə məlumat göstərilir.
2
1
Бах: Гражданское право России. Курс лекций. Часть 2 / Отв. ред.
О.Н.Садиков. М., 1997, с. 386-387.
1
Бах: Садиков О.Н. Правовое регулирование международных перевозок. М.,
1981, с.75.
2
Бах: Экономика и организация внешнеторговых перевозок. Учебник/ Отв.
ред. К.В.Холопов. М., 2000, с.362.
Dostları ilə paylaş: |