840
«Beynəlxalq nəqliyyat hüququ» fənninin məzmununa
dair izahat vərəqi
«Beynəlxalq nəqliyyat hüququ» Bakı Dövlət Universitetində
tədris edilən fənlərdən biridir. Fənn kursunun tədrisinə 40 saat (26
saat mühazirə, 14 saat seminar məşğələ) ayrılmışdır və proqram
özündə 12 mövzunu əks etdirir.
Fənnin tədris edilməsində məqsəd beynəlxalq nəqliyyat
hüququ elmi, onun anlayışı, predmeti, prinsipləri, metod və sistemi,
mənbələri, nəqliyyat-hüquq münasibətləri və onların subyektləri,
beynəlxalq nəqliyyat daşımaları zamanı məsuliyyət, sığorta və
nəqliyyat təhlükəsizliyinin təmin olunması, habelə beynəlxalq
nəqliyyat konvensiya və sazişlərinin, milli (dövlətdaxili) nəqliyyat
qanunvericilik aktlarının müddəaları barədə müvafiq biliklərin
tələbələrə öyrədilməsindən və bu sahədə yüksək ixtisaslı
mütəxəssislərin hazırlanmasından ibarətdir. Fənnin öyrədilməsi
prosesində həmçinin proqramda tövsiyə olunan elmi ədəbiyyat və
mənbələrin tələbələr tərəfindən dərindən mənimsənilməsi nəzərdə
tutulur.
Beynəlxalq yük, sərnişin və baqaj daşıma qaydaları, neyt,
qaz və digər məhsulların boru kəməri nəqliyyatı vasitəsilə nəql
edilməsi zamanı yaranan nəqliyyat-daşıma münasibətləri məhz
beynəlxalq nəqliyyat hüquqi ilə tənzimlənir.
Müxtəlif növ nəqliyyat vasitələri ilə beynəlxalq yük, sərnişin
və baqaj daşınması, həmçinin beynəlxalq nəqliyyat prosesi
iştirakçıları (daşıyıcılar, yükgöndərənlər, yükalanlar, sərnişinlər,
sığortaçılar və b.) arasındakı qarşılıqlı münasibətlər sahəsində
dövlətlərin münasibətlərini tənzimləyən müqavilə və hüquqi adət
normalarının məcmusu beynəlxalq nəqliyyat hüququdur. Beynəlxalq
nəqliyyat hüququ ümumi və xüsusi hissələrə malik deyil, lakin
nəqliyyat-hüquq münasibətlərinin tənzimlənməsində
həm
beynəlxalq hüququn, həm də beynəlxalq xüsusi hüququn norma,
prinsip və strukturundan istifadə edir. Məsələn, beynəlxalq nəqliyyat
841
daşımalarının təşkili, beynəlxalq nəqliyyat xidmətləri bazarına çıxış,
beynəlxalq nəqliyyat dəhlizlərindən və kommunikasiyalarından
istifadə olunması üzrə dövlətlərarası münasibətlərin
tənzimlənməsində beynəlxalq hüququn, beynəlxalq daşımalar zamanı
nəqliyyat prosesi iştirakçıları (daşıyıcılar, müştərilər və s.) arasında
münasibətlərin nizamlanmasında isə beynəlxalq xüsusi hüququn
norma və müddəalarından istifadə olunur. Bu baxımdan beynəlxalq
hüquq, beynəlxalq xüsusi hüquq və digər hüquq fənləri ilə yanaşı
beynəlxalq nəqliyyat hüququnu dərindən öyrənmədən kamil və
hərtərəfli hüquqşünas kimi yetişmək qeyri-mümkündür.
Beynəlxalq nəqliyyat hüququnu dərindən mənimsəməklə
dünyada baş verən qloballaşma, iqtisadi inteqrasiya və bazar
iqtisadiyyatı şəraitində beynəlxalq nəqliyyat daşımaları ilə bağlı
meydana çıxan çoxsaylı problemləri həll etmək olar. Eyni zamanda,
müasir dövrdə beynəlxalq nəqliyyat daşıma prosesi iştirakçılarının
hüquq və vəzifələrinin həyata keçirilməsini təmin edən qaydaların
ümumi normalarının müəyyən edilməsi və bu normaları bilmək bu
sferada çalışan hər bir hüquqşünas, təcrübi işçi və mütəxəssislər
üçün olduqcu vacibdir.
842
MÖVZU 1. Beynəlxalq nəqliyyat hüququ anlayışı, predmeti,
metod, prinsipvə mənbələri, onun
hüquq sistemində mövqeyi.
Beynəlxalq nəqliyyat hüququ anlayışı, onun predmeti,
məqsəd və vəzifələri. Müasir dövrdə dövlətlərarası münasibətlər
xarici iqtisadi-ticarət əlaqələrinin genişlənməsi ilə səciyyələnir.
Beynəlxalq nəqliyyat beynəlxalq əmək bölgüsü əsasında dövlətlər
arasında yaranmış əlaqələrin təmin edilməsində mühüm rol oynayır.
843
Yük, sərnişin və baqaj daşınmasında əmələ gələn münasibətlər
hüquqi tənzimlənməni tələb edir. Beynəlxalq nəqliyyat hüququ
dedikdə müxtəlif nəqliyyat növləri ilə beynəlxalq yük, sərnişin və
baqaj daşınması sahəsində dövlətlər arasında əmələ gələn
münasibətləri, həmçinin beynəlxalq nəqliyyat prosesi iştirakçıları
(daşıyıcı, yükgöndərən, yükalan, sərnişin və b.) arasında qarşılıqlı
münasibətləri tənzimləyən müqavilə və adi hüquq normalarının
məcmusu başa düşülür.
Beynəlxalq nəqliyyat hüququnun əsas elementi, əmələ gəlmə
əlaməti yük və sərnişinlərin beynəlxalq daşınması, nəql olunmasıdır.
Beynəlxalq nəqliyyat hüququnun predmeti dedikdə onun nizama
saldığı nəqliyyat –hüquq münasibətləri başa düşülür. Belə
münasibətlərin tənzimlənməsində tətbiq edilən hüquqi forma və
mexanizmlər beynəlxalq nəqliyyat hüququnun metodudur.
Beynəlxalq nəqliyyat hüququnun prinsipləri: ümumi
prinsiplər (beynəlxalq nəqliyyat münasibətlərində dövlətlərin
suveren bərabərliyi, dövlətlərin qarşılıqlı əməkdaşlıq prinsipi,
dövlətlərin öz üzərinə götürdükləri öhdəliklərin vicdanla yeri-nə
yetirilməsi prinsipi və s.), xüsusi prinsiplər (beynəlxalq nəqliyyat
daşımalarında nəqliyyat təhlükəsizliyinin təmin olunması, nəqliyyat
standartlaşdırılması və s.).
Beynəlxalq nəqliyyat hüququnun məzmunu və tərkib
hissələri: beynəlxalq dəmir yolu hüququ, beynəlxalq dəniz hüququ,
beynəlxalq hava hüququ, beynəlxalq avtomobil hüququ, beynəlxalq
su (çay) hüququ, beynəlxalq boru kəməri hüququ və müəyyən
hissədə milli (dövlətdaxili) nəqliyyat hüququ.
Beynəlxalq nəqliyyat hüququnun mənbələri: beynəlxalq
müqavilələr (konvensiya, saziş, razılaşma və s.), milli qanunvericilik
aktları (qanun, məcəllə, nizamnamə və s.) və digərləri.
Beynəlxalq daşımalar anlayışı, xüsusiyyətləri və növləri.
Beynəlxalq nəqliy-yat daşımaları dedikdə beynəlxalq müqavilələrlə
müəyyən edilmiş şərtlərə uyğun olaraq, iki və ya bir neçə dövlətin
ərazisində həyata keçirilən daşımalar başa düşülür.
Beynəlxalq nəqliyyat daşımalarının Azərbaycan
Dostları ilə paylaş: |