844
Respublikasının sosial-iqtisadi durumuna və onun inkişafına təsiri.
Beynəlxalq nəqliyyat hüququnun normaları: iştirakçıların
dairəsinə görə – universal və partikulyar, hüquqi tənzimetmə üsuluna
görə – dispozitiv və imperativ. Beynəlxalq nəqliyyat-hüquq
münasibətlərinin tənzimlənməsində kollizion normaların rolu.
Beynəlxalq nəqliyyat hüququnun hüquq sistemində tutduğu
yer. Beynəlxalq nəqliyyat hüququ beynəlxalq ümumi hüququn və
beynəlxalq xüsusi hüququn kompleks sahəsi kimi – kompleks hüquq
institutudur.
MÖVZU 2. Beynəlxalq daşıma müqaviləsi.
Beynəlxalq daşıma müqaviləsi anlayışı və onun hüquqi
xüsusiyyətləri. Beynəlxalq daşıma prosesinin və nəqliyyat
əməliyyatlarının əsas məqsədi yük və sərnişinləri müəyyən bir
yerdən başqa yerə (təyinat yerinə) çatdırmaqdan ibarətdir. Bu
məqsədə məhz beynəlxalq daşıma müqaviləsi çərçivəsində nail
olunur.
Beynəlxalq daşıma müqaviləsi beynəlxalq nəqliyyat
hüququnun əsas institutu kimi. Beynəlxalq daşıma müqaviləsini
daxili daşıma müqaviləsindən fərqləndirən əsas xüsusiyyət – onun
xarici elementə malik olması.
Beynəlxalq daşıma müqaviləsinin növləri: beynəlxalq yük
daşınması müqaviləsi, beynəlxalq sərnişin daşınması müqaviləsi,
beynəlxalq baqaj daşınması müqaviləsi.
Beynəlxalq yük daşınması müqaviləsi anlayışı, onun
elementləri, hüquqi təbiəti və predmeti. Beynəlxalq yük daşınması
müqaviləsinə görə, daşıyıcı yükgöndərən tərəfindən ona tapşırılan
yükü xaricdə olan təyinat yerinə çatdırmağı və yükü almağa
səlahiyyəti olan şəxsə (yükalana) verməyi, yükgöndərən isə yükün
daşınması üçün müəyyən edilmiş haqqı ödəməyi öhdəsinə götürür.
Öz hüquqi təbiətinə görə beynəlxalq yük daşınması müqaviləsi
əvəzli, ikitərəfli və real müqavilədir.
Beynəlxalq yük daşınması müqaviləsində
tərəflər,
845
müqavilənin subyektləri, forması və yerinə yetirdiyi funksiyalar.
Beynəlxalq yük daşıma sənədləri: qaimə, konosoment, çarter.
Beynəlxalq sərnişin daşınması müqaviləsi anlayışı, onun
elementləri, əsas xüsusiyyətləri, subyekt tərkibi və forması.
Beynəlxalq sərnişin daşınması müqaviləsi tərəflərdən biri xarici şəxs
olan və dövlətlər arasında həyata keçirilən sərnişin daşınmasını
rəsmiləşdirən elə bir müqavilədir ki, bu müqaviləyə görə, daşıyıcı
sərnişini təyinat yerinə çatdırmağı, sərnişin isə müəyyən olunmuş
minik haqqını ödəməyi öhdəsinə götürür. Beynəlxalq sərnişin
daşınması müqaviləsi öz hüquqi təbiətinə görə konsensual, əvəzli və
ikitərəfli müqavilədir.
Sərnişin bileti beynəlxalq sərnişin daşımalarını rəsmiləşdirən
əsas nəqliyyat sənədidir. Biletin sübutedici funksiyası. Sərnişin
biletinin növləri: adlı sərnişin bileti, adsız sərnişin bileti. Sərnişin
bileti, adətən, fərdi qaydada verilir. Bununla belə, sərnişinlərə
kollektiv bilet də verilə bilər. Turist daşımaları zamanı, bir qayda
olaraq, kollektiv sərnişin biletlərindən istifadə olunur.
Beynəlxalq baqaj daşınması müqaviləsi anlayışı, onun
elementləri, hüquqi xarakteri və rəsmiləşdirilmə forması. Beynəlxalq
baqaj daşınması müqaviləsinə görə, daşıyıcı sərnişinin ona verdiyi
baqajı təyinat yerinə çatdırmağı və baqajı almağa səlahiyyəti olan
şəxsə verməyi, sərnişin isə baqajın daşınma haqqını ödəməyi
öhdəsinə götürür. Beynəlxalq baqaj daşınması müqaviləsi öz hüquqi
xarakterinə görə real, ikitərəfli və əvəzli müqavilədir.
Beynəlxalq baqaj daşınması müqaviləsi sərnişin daşınması
müqaviləsinə görə və ona münasibətdə əlavə (aksessor), habelə asılı
və törəmə müqavilə hesab edilir.
Baqaj qəbzi beynəlxalq baqaj daşınması müqaviləsinin
mövcudluğunu və bağlanma faktını təsdiqləyən sənəd kimi
müqavilənin sadə yazılı formasını ifadə edir. Bundan əlavə, baqaj
qəbzi sübutedici funksiyanı da yerinə yetirir.
846
MÖVZU 3. Beynəlxalq dəmir yolu daşımaları.
Beynəlxalq dəmir yolu ilə daşıma anlayışı, onun təşkili və
xüsusiyyətləri. Dəmir yolu ilə beynəlxalq daşıma dedikdə
dövlətlərarası (beynəlxalq) saziş əsasında iki və daha çox dövlətlər
arasında həyata keçirilən dəmir yolu daşınması başa düşülür.
Beynəlxalq dəmir yolu daşımalarının novləri. Nəqliyyat
əməliyyatının obyektinə görə: yük daşıma, sərnişin daşıma, baqaj
daşıma, yük baqajı (mal maqajı) daşıma. Qonşu xarici dövlətlərin
ərazisində başa çatmasına görə: qonşu daşıma, tranzit daşıma.
Daşımanın bir və ya bir neçə nəqliyyat (daşıma) sənədi ilə həyata
keçirilməsinə görə: birbaşa daşıma, birbaşa olmayan daşıma. Sərhəd
dəmir yolu stansiyasında yükün verilmə qaydasına görə: yükləməklə
daşıma, yükvurmasız daşıma. Beynəlxalq dəmir yolu daşımalarının
xüsusi növü – yenidən göndərməklə yük daşıma.
Beynəlxalq dəmir yolu daşımaları sahəsində beynəlxalq
çoxtərəfli müqavilələr. Bern Konvensiyası beynəlxalq dəmir yolu
daşımaları barədə çoxtərəfli universal saziş kimi. KOTİF Sazişi
(1990-cı il).KOTİF-ə «A» əlavəsi – dəmir yolu ilə beynəlxalq
sərnişin daşıma şərtlərini, «B» əlavəsi isə beynəlxalq dəmir yolu ilə
yük daşımalarının şərtlərini müəyyən edir. KOTİF Qərbi, Mərkəzi və
Cənubi Avropa ölkələrində beynəlxalq dəmir yolu ilə daşıma
müqaviləsini tənzimləyir. Dəmir yolu ilə beynəlxalq yük daşımaları
haqqında Saziş (1950-ci il). Bu Saziş Azərbaycan Respublikasında,
habelə MDB ölkələrində dəmir yolu ilə beynəlxalq yük daşımalarını
tənzimləyən əsas beynəlxalq hüquqi aktdır. Sazişin tənzim etdiyi
məsələlər: yük daşıma şərtləri, daşıma haqqı (ödəniş) üzrə
münasibətlər, daşıma sənədinin forması və onun tərtib edilmə
qaydası, daşıyıcının (dəmir yolunun) məsuliyyəti və s. Dəmir yolu ilə
beynəlxalq sərnişin və baqaj daşınması və onun şərtləri.
Beynəlxalq dəmir yolu daşımalarının təşkilinə aid sazişlər.
Bu sazişlər öz quruluşuna və məzmununa görə müxtəlif qruplara
bölünür: sərhəd dəmir yolu da-şımasına aid olan sazişlər, xidməti
Dostları ilə paylaş: |