341
1930-jü il martın 2-də Georqadze bir neçə nəfərlə gəlib
İsaxanı Jeyrançöldə, Saj dağı həndəvərində tapır. Georqadze onu
yenə dilə tutur: «Beriya ilə danışdıq. O söz verdi ki, mən başım-
la javabdehəm. Çəkilsinlər evlərinə. Var-dövlətlərində heç kəsin
işi olmayajaq. Sənə silah, özünə də köməkçi və yaylaq milis
rəisi vəzifəsi verəjəyini vəd edir. Bu davadan heç nə çıxan deyil,
düşünün, razı olsanız, Tiflisdə barışıq məjlisi də düzəldərik».
Yaxın silahdaşlarıyla məsləhətləşdikdən sonra İsaxan razılığını
bildirir. Barışıq yerinin Tiflis şəhərində olmasına qaçaqlar razı
qalmadılar. Dedilər ki, barışıq İsaxanın öz evındə olsun.
1930-ju il martın 25-də İsaxan kəndin həndəvərində qaçaq-
ları düzdürdü. Ehtiyat edirdi ki, hökumət hiylə işlədər. İsaxan
250 nəfərlik ziyafət məjlisi təşkil etdirdi. Hökumət tərəfindən
Georqadze, Vartanyan, Ciciquzi, Qaratəpə Nahiyə Şurasının
sədri Məhəmməd Əliyev və başqa komissarlar da gəldilər.
Dəmirçihasanlıdan isə ağsaqqallar iştirak edirdilər. Bu ziyafət
məjlisinə Georqadzeni tamada seçdilər. Bir neçə sağlıq içiləndən
sonra Georqadze Nağının sağlığına badə qaldırıb üzünü ona
tutdu: «Biz indiyə kimi düşmən idik, innən belə dost olduq».
Nağı badəsini götürüb javab verdi: «Bizim atalar deyiblər ki,
özünüzü dostdan gözləyin, düşməndən qorxmayın». Georqadze
ayağa qalxıb, az qala, yalvardı: «Nağı, Nağı, xahiş edirəm, bizim
dostluğumuzu pozma».
Məjlis dağılandan sonra hökumət adamları İsaxan, qaçaqlar
və ağsaqqallarla görüşüb ayrıldılar.
Sabahı gün İsaxanı milis idarəsinə çağırdılar, özünü yaylaq
milis rəisi təyin etdilər və ona bir mauzer silahı, Ayrımlı Oruj
adlı bir nəfəri də köməkçi verdilər. İsaxanda belə inam yarandı
ki, daha arada hiylə olmayajaq.
İndi də sizə xəbər verim Xozeyindən.
Xozeyin Sibirdə bir neçə ay qaldı. Gördü ki, gündən-günə
dustaqlardan 100-ə qədər ölən olur, onların meyitlərini daşıyıb atır-
lar bir yana. Ajından, şaxtadan ölənlərin sayı günbəgün artır. Belə
342
bir günü görən Xozeyinin ürəyi dəmirçi kürəsi kimi alışdı. Öz-özü-
nə fikirləşdi ki, bu sürgün nə qədər haqsız adamların sonuna çatıb.
Sovet ölkəsinə, onları idarə edənlərə nifrət etdi və görək nə dedi:
Sərt şaxtalar ölkəsisən,
Heç ərimir buzun, Sibir!
İnsanların qatilisən,
Doyajaqmı gözün, Sibir?
Qəddar dövrə zaman gülür,
Qüssəni dərd çəkən bilir.
Bir gejədə yüzü ölür,
Üzlər görüb üzün, Sibir!
Şaxtan kəsir, qarın yağır,
Dərd götürdüm dağdan ağır,
Mənliyimi etdin fağır,
Günahkarsan özün, Sibir!
Zaman çəkir çox çətinə,
Dözümün var yaman günə.
Xozeynin siyasətinə
İnnən belə dözün, Sibir!
Xozeyin cəsur, ölümündən qorxmaz bir adam idi. Bilirdi ki,
bir gün bu ölənlərdən biri də o olajaq. Ona görə də qarşısına
məqsəd qoymuşdu ki, qaçsın. Xozeyin özlüyündə ölçür-biçir,
qaçmağa yol axtarırdı.
Xozeyin gözətçilərlə yeməkxanaya gedən yüksək rütbəli
zabiti görüb, özünü onun yatdığı otağa saldı. Qoltuğunda gətir-
diyi, günlərlə itilədiyi baltanı ev əşyalarının birinin arxasında
yerləşdirdi. Xozeyin zabitin sərxoş gəlib, çarpayısında uzanıb
yatmasını gözləyirdi. Zabitin xorultusunu eşidən Xozeyin giz-
ləndiyi yerdən çıxıb, onun başını yarı böldü. Tələsmədən zabitin
paltarını geyindi, silahını qurşadı, arxa pənjərədən düşüb bayıra
343
çıxdı. Xozeyin bir ata mindi, rabitə xəttindən oper-posta teleq-
ram vurdu: «Yüksək rütbəli zabit yol üstədi, iki nəfər gəlsin, onu
Sibir dəmiryoluna kimi yola salsın». Elə də edirlər. Sibir dəmir-
yolu qovuşacağında Xozeyin atdan düşdü və atı bir nəfərin
yedəyinə verdi. Həmin adama tapşırdı ki, mən gələnə kimi bu atı
saxla. Bunu deyib şalban daşıyan qatarın maşinistinin yanına
mindi. Bu minvalla qatarları dəyişə-dəyişə Rostovun mərkəzi
dəmiryoluna gəlib çıxdı. Orada qatardan düşdü. Dəmiryol rəisini
yanına çağırtdırdı: «Bakıda müşavirəmiz var, gecikirəm, məni
tez yola sal». Rəis Xozeyini neftdaşıyan qatarın maşinistinin
yanına mindirdi. Axşamüstü o, Bakıda qatardan düşdü. Xozeyin
zabit libasında gəzdikcə hamı ona baxırdı, çünki Xozeyin balaja
boylu idi və paltar bir az şalax görünürdü. Xozeyin yaxşı bilirdi
ki, paltara görə hamı ona baxır. O, dəmiryolçuların köhnə vaqo-
nunun ağzını açdı. Gördü ki, dəmiryol işçiləri gediblər. Onlar-
dan birinin köhnə paltarını götürüb zabit libasının üstündən ge-
yindi və vağzala çıxdı. Bakı Xozeyinin gözünə xor göründü. Şə-
hərin işıqları solğun, camaatı məyus idi. Əhali sakit-sakit gəzi-
şirdi. Öz-özünə düşündü: «İlahi, bu nejə zəmanədır, bütün ca-
maat pərişan gəzir. Elə bil Bakı yas tutub». Əvvəllər Bakıya
gələndə, elə bil, Bakı üzünə gülürdü, şənlik edirdi. Amma indi
hər yanda məyusluq hökm sürürdü. Şəhəri belə görən Xozeyin
aldı görək nə dedi:
İblislərin tilsimindən qaçmışam,
Ana yurdum, jan-jiyərimsən, Bakı!
Viran qalsın o şaxtalı Sibiri,
Məngənədən çıxıb gəldim mən, Bakı!
Deyən, sən də fikirlərə dalmısan?
Mənim kimi, bəlkə, məyus qalmısan?
Zaman döyüb, olmaya qojalmısan?
Çöküb gözlərinə zülmət, çən Bakı!
344
Nə bəladır, bəlkə, göydən enibdi?
De, haqdanmı çıraqların sönübdü?
Bəd zamanın üzü bizdən dönübdü,
Dərdli gördüm bu gün səni mən, Bakı!
Xozeyinəm, qürbət çıxıb qarşıma,
Qəribliyə gedib düşən daşıma.
Bəd zamana qar yağdırıb başıma,
Saçlarıma daha düşdü dən, Bakı!
Bakının dərdi Xozeyinin dərdindən idi. Atalar demişkən,
«Dərdli dərdlini tapar». Xozeyin çox istədiyi Bakı ilə vidalaşdı.
O, gejə səhərə kimi yol gəldi. Səhər işıqlaşanda Ağstafa vağza-
lında düşdü. Bildi ki, Tiflisdə, ya da Qarayazıda düşsə, tutajaq-
lar. Odur ki, Ağstafa draxdınına (çayxana) girdi ki, çörək yesin.
Əvvəlcə qapıdan girən kimi oradakıları nəzərdən keçirdi. Gördü
ki, oturub çörək yeyən, çay içən hər kəs öz dərdindən, öz işindən
danışır. Birdən o, çekist geyimli bir nəfərin bunu süzməsini başa
düşdü. O saat bayıra çıxıb Ağstafa vağzalının bağındakı ağac
şaxlarının arxasına keçdi. Öz-özünə belə qərara gəldi ki, əgər ar-
xamca gəlsə, vurajam. Xozeyin şaxların arxasından baxıb gördü
ki, həmin adam gəlir. Pistoleti çıxartdı və öz-özünə fikirləşdi:
«Qoy lap yaxına gəlsin». Birdən arxadan səs eşitdi: «Ayə, ay
Qurban, mənəm. Tatlı Bayramam». Baxanda gördü ki, QPU-da
işləyən qardaşağası Tatlı Bayramdır. Hər iki dost bir-birilə qu-
caqlaşıb, öpüşdülər. Bir faytona minib Bayramın evinə getdilər.
Bayram erkək kəsdirdi, Xozeyini üç gün evində saxlayıb, əyninə
təzə paltar aldı, ona bir at da verdi. Xurcununa yeməklər doldu-
rub, Kürün Poylu körpüsündən Qarayazı meşəsinə yola saldı.
Xozeyin meşə yuxarı gəldi, Kosalıda etibarlı bir qohumunun
evində pünhan oldu. Dəmirçihasanlıda, yəni Kosalı, Nazarlıda
olan əhvalatdan halı oldu. İstədiyi adamları gecələr çağırtdırıb
danışdırdı. Xozeyinin gəldiyini eşidən İsaxan da öz qaçaqlarıyla
onun yanına gəldi.
Dostları ilə paylaş: |