4
kreditorlar bazar, faiz, valyuta və siyasi risklər daxil olmaqla, eyni
dərəcədə riskə məruz qalırlar.
Beynəlxalq maliyyə inteqrasiyası maliyyə institutları və
digər bazar iştirakçılarının qarşısına yeni problemlər çıxarır.
Birincisi, investorlar üçün beynəlxalq kapital bazarlarında
fəaliyyət ilə əlaqədar, ola bilsin, yararlı məlumat əldə etmək çətin
olsun. Məsələn, faiz svopları kimi bir çox maliyyə əməliyyatları
balans maddələrinə aid edilir və adi hesabat üsulları üzrə dəqiq
müəyyən olunmur.
Digər problem ondan ibarətdir ki, maliyyə bazarlarının inteq-
rasiyası maliyyə resursunun tədavülü prosesinin sadələşdirilməsinə
gətirib çıxardı. Nəhayət, bazar inteqrasiyası maliyyə bazarının
zəifliyini gücləndirə və onun fəaliyyətinə nəzarət problemini mü-
rəkkəbləşdirə bilər.
Bütün bu deyilənlərdən aydın olur ki, maliyyə qloballaşması
müəyyən müsbət nəticələr verə bilər. Bunlara, şübhəsiz, dünyanın
müxtəlif regionlarında maliyyə resursları çatışmazlığının azaldıl-
ması aid edilir. Bundan əlavə, qloballaşma milli maliyyə bazarla-
rında rəqabəti gücləndirir, bu isə maliyyə xidmətlərinin dəyərinin
aşağı düşməsi, yəni, artıq qeyd olunmuş “dezintermediasiya”
(vasitəçiliyin aradan qaldırılması) prosesi ilə müşayiət olunur.
Amma qloballaşma müəyyən mənfi nəticələr ilə də müşayiət
edilir. Hər şeydən əvvəl, bu, milli maliyyə bazarlarının qeyri-
stabilliyinin artmasıdır. Belə ki, liberallaşma ilə əlaqədar onlar
“qaynar pullar” üçün daha yararlı olurlar; digər tərəfdən, iri
maliyyə mərkəzlərində yaranmış maliyyə böhranları başqa ölkə və
regionlarda özünü daha güclü göstərməkdədir.
Maliyyə qloballaşmasının verdiyi digər mənfi nəticə dünya
iqtisadiyyatının real sektorunun onun pul, maliyyə kompo-
nentindən daha çox asılı olmasıdır. nkişaf etməkdə olan ölkələrdə
başlayan bu proses digər ölkə və regionlarda fəal şəkildə yayıl-
maqdadır. Bu o deməkdir ki, milli iqtisadiyyatların vəziyyəti milli
və dünya miqyaslı maliyyədən daha çox asılıdır.
5
Sonuncu vəziyyət həm də onun üçün zəmin yaradır ki,
qloballaşma şəraitində milli maliyyə, milli maliyyə bazarlarında
daha fəal iştirak edən qeyri-rezidentlərin davranışından daha çox
asılı olur.
Dünya Valyuta Sistemi XIX əsrdə yaranmaqla və bir neçə
mərhələlərdən keçərək tədricən inkişaf etmişdir. DVS, qızılın ciddi
şə
kildə müəyyən olunmuş çəki miqdarı başqa-başqa ölkələrin pul
vahidləri kimi istifadə olunmuş qızıl pul standartından müasir
fidutsiar kağız pullarına qədər inkişaf yolu keçmişdir; bu kağız
pulların kursu valyuta bazarları tərəfindən, emissiya isə müvafiq
valyuta sistemlərinin mərkəzi bankları tərəfindən təyin olunur.
Dünya Valyuta Sistemi (DVS) dövlətlərarası və beynəlxalq
razılaşmalar ilə təsbit edilmiş və dünya təsərrüfatı çərçivəsində
valyuta münasibətlərinin təşkil olunması formasını əks etdirir.
DVS-nin məzmunu dünya iqtisadiyyatında ödəniş-hesablaşma
dövriyyəsinə şərait yaradan vasitələrin və dövlətlərarası orqanların
məcmusundan ibarətdir.
Dünya maliyyə bazarının müxtəlif seqmentləri arasındakı
sərhədlər aradan qaldırılmışdır, buna görə də, dünya maliyyə
resurslarının hissələrinin bir seqmentdən digərinə ötürülməsi
mümkündür. Bu səbəbdən müxtəlif dünya ölkələrində valyuta
kursları, bank faizi və qiymətli kağızların kursu arasında qarşılıqlı
asılılıq müəyyən olunur. Bu isə dünya maliyyə resurslarının
qloballaşmasına aparır; belə ki, 1997-ci ilin yayında Cənub-Şərqi
Asiyada və 2008 ABŞ-da yaşanan maliyyə böhranı dünya maliyyə
iqtisadiyyatının sarsılmasına gətirib çıxardı.Beynəlxalq valyuta-
kredit münasibətlərinin predmeti özəl şəxs, şirkət və dövlət qu-
rumlarının valyuta-kredit və maliyyə əməliyyatlarını incələməkdir.
Müasir dövrdə ölkələrin ticarət və maliyyə hərəkətləri
getdikcə qloballaşmaqdadır. Qloballaşan dünyada bir ölkənin xarici
iqtisadi və maliyyə hərəkətlərinin incələnməsi şübhəsiz əhəmiy-
yətlidir.
Qloballaşan dünyamızda Beynəlxalq valyuta – kredit
münasibətləri və xarici ölkələrinin pul kredit sistemləri mövzuları
6
istər maliyyə investorlarını, istərsə də maliyyə resurslarına ehtiyacı
olan fərd, özəl və dövlət qurumlarını yaxından maraqlandırır. Qlo-
ballaşan dünyamızda dünya ticarətində yüksək paya sahib olan öl-
kələrin milli pul vahidlərinin dəyərindəki dəyişikliklər dərhal
onunla iqtisadi əlaqədə olan ölkənin tədiyyə balansına, valyuta mə-
zənnəsinə, faiz dərəcəsinə və başqa iqtisadi göstəricilərinə təsir
edir və iqtisadi parametrlərin dəyişikliyinə yol açar. Bu səbəbdən
də günümüzdə beynəlxalq valyuta-kredit münasibətləri möv-
zularını öyrənmək ən aktual və gərəkli məsələlərdən biridir. Ancaq
beynəlxalq valyuta-kredit münasibətlərinin get-gedə qloballaşması
günümüzün ən önəmli bir gerçəyidir. Qloballaşan bir dünyada
günlük mal və xidmət üzrə ticarət dövriyyəsi 30 milyard dollar
ikən, sadəcə valyuta bazarlarında valyutaların alqı-satqısı üzrə
ə
məliyyatların həcmi 2900 milyard dollardır. Buna görə də
beynəlxalq valyuta-kredit münasibətləri mövzuları çox geniş bir
kütləni yaxından maraqlandırır. Yəni, beynəlxalq valyuta-kredit
münasibətləri mövzuları istər istehsalçının, istərsə də istehlakçının
daha geniş maraq dairəsinə daxil olur. Çünki Beynəlxalq valyuta-
kredit münasibətləri sahəsindəki dəyişikliklər ölkə iqtisadiyyatının
bütün sektorlarına təsir edir. Məlumdur ki, valyuta məzənnəsindəki
dəyişiklik hadisəsi yalnız valyuta ticarəti ilə məşğul olan qurumları
deyil, eyni zamanda ölkə iqtisadiyyatının bütün sektorların
maliyyə qərarlarına təsir edər. Bundan başqa, ölkənin xarici bazar
payının artması da bütün ölkə vətəndaşlarının həyat səviyyəsinə
təsir edir. Ümumiyyətlə, xarici investorlar üçün müəyyən zaman-
larda ölkədə aprılan bütün iqtisadi və maliiyə əməliyyatlarını izlə-
mək vacibdir: məsələn, ölkə ixracatının idxalat xərclərini qarşıla-
ma nisbəti necə hesablanacaq, turizm və digər xidmətlərdən hansı
səviyyədə gəlir gələcək, ölkəyə hansı ölçüdə qısa və ya uzun müd-
dətli maliyyə vəsaiti girəcək və ya çıxacaq, birbaşa xarici sərmayə
investisiyalarındakı dəyişmələr hansı istiqamətdə hərərəkət edəcək.
Bütün bunları investorlar öncədən təxmin etməli, yəni
maliyyə risklərini əvvəlcədən görməlidir. Məsələn, ticarət
balansında getdikcə artan kəsir varsa və ölkəyə konkret sərmayə
Dostları ilə paylaş: |