Aydın Dadaşov
208
da müəllif polifonik vasitələrdən geniş istifadə edib. Əsərin
gözəl orkestrləşdirilməsi operanın müvəffəqiyyətli cəhətlə-
rindən biridir. Opera teatrının yaradıcı kollektivi “Söyüdlər
ağlamaz” operasının səhnə təcəssümü üzərində ciddiyyətlə
çalışmış, iştirakçılardan bir çoxu bu tamaşada öz yaradıcılıq
qabiliyyətini və istedadını bir daha nümayiş etdirməyə nail
olmuşdur”
171
cümlələrindəki dəyərləndirmələr təkcə əsərə,
ifaçılara deyil, operanın müəllifi bəstəkar-dirijor Əfrasiyab
Bədəlbəyliyə, tamaşanın bədii tərtibatını Moskvadan dəvət
olunmuş, Malı Teatrın baş rəssamı Nikolay İvanoviç Vol-
kova və əlbəttə ki, quruluşçu rejissorlardan biri olan Cənnət
Səlimovaya da aiddir.
***
Cəfər Cabbarlının 1928-ci ildə tamaşaya qoyulmaq-
la, zahirən sosializmi tərənnüm edən, əslində qadın azad-
lığı mövzusundakı “Sevil” pyesi, Tələt Əyyubovun libret-
tosu əsasında bəstəkar Fikrət Əmirovun partituraya milli
alətləri əlavə etməklə xalq musiqisi ruhunda 1953-cü ildə
yazdığı, elə həmin il Azərbaycan Dövlət Opera və Balet
Teatrında rejissor Mehdi Məmmədovun verdiyi quruluşda
Rəşid Behbudovun baş rolda oynadığı, 1964-cü ildə
Moskvada P.İ.Çaykovski adına salonda Niyazinin dirijor-
luğu ilə paytaxt sənətkarlarının ifasında səslənən, 1970-ci
idə “Azərbaycanfilm” kinostudiyasında ekranlaşdırılan ey-
niadlı opera milli mədəniyyət tariximizin bu sahəsində
Üzeyir Hacıbəyovun “Koroğlu” operasından sonra ikinci
sənət hadisəsi sayılır.
6 noyabr 1954-cü ilin “Bakinski raboçi” qəzetindəki
“İlhamlanan yaradıcılıq” məqaləsində: “Azərbaycan xalq
171
C.Ш.Cahangirov. Söyüdlər ağlamaz. 28-06-1975.
Rejissorluğun üslub problemləri
209
musiqisinin sintezindən opera yaratmaq mənim arzum
idi”
172
yazan bəstəkar Fikrət Əmirov özünün “Musiqi alə-
mində” kitabında: “Mən “Sevil”i əzbərləyə-əzbərləyə ona
musiqi yazmışam və hər gün də, Cəfər Cabbarlının qarşı-
sında hesabat vermişəm. Yəni hər musiqi parçasından son-
ra öz-özümə demişəm: “Görəsən, bu Cəfər Cabbarlının
xoşuna gəldimi?” yazmaqla yaradıcılıq laboratoriyasını da
göstərən böyük bəstəkarın bu cümlələrində onun sənət
məsuliyyəti də üzə çıxır.
Cənnət Səlimovanın 1979-cu ildə Nailə Nəzirova ilə
birgə verdiyi quruluş, ecazkar musiqi, ifa tərzi ilə yanaşı
əsərin mövzu-problem əlaqələrinin, dramaturji strukturunun
qorunması baxımından seçildi. Balaşı Lütfiyar İmanovun,
Sevili Fidan, Dilbəri Xuraman Qasımova bacılarının, Gülüşü
isə Rumiyyə Kərimovanın ifa etdiyi bu tamaşa da uğurlu
alınmaya bilməzdi. Rejissor Cənnət Səlimova öz müəllimi -
teatrşünas Cəfər Cəfərovun təhlilindəki: “Balaş öz doğma
mühitindən qopmuş, xalqdan uzaqlaşmış ziyalı tipidir. O, dəb
düşgünüdür. Onun varlığında iki adam yaşayır: biri despot, biri
kölə. O, “qeyri - mədəni”, “qeyri - kübar” görünən Sevil və
digər ailə üzvlərinə qarşı despotdur, Parisdə manikürçuluq
kursu qurtaran aşnası, “ənlik kirşanlı” Dilbərin qarşısında isə
kölədir” fikirlərini operanın baş qəhrəmanının daxilindəki
ziddiyyətin, “Sevilin yaşadığı qaranlıq mühitdə Gülüş yeganə
işıq idi. Sevilin qəlbində şəxsi heysiyyət hissi oyadan, onda
özü uğrunda, öz hüququ, azadlığı və səadəti uğrunda
mübarizəyə arzu oyadan məhz Gülüşdür. O, Balaşın
maskasını yırtır, “kübarlıq” komediyasını pozub, onun
sonunu yaxınlaşdırır”
173
qənaətini əsərin ideya daşıyıcısının
təqdimatında önə çəkməyə çalışdı.
172
Ф.Дж.Амиров. Вдохновленное творчество. г. Бакинский рабочий.
06-11-1954.
173
C.H.Cəfərov. Dramaturgiya və teatr. B., 1967. s. 271.
Aydın Dadaşov
210
Mayası “Şüştər”, “Bayatı Şiraz”, “Humayun” muğam-
ları üzərində qurulmaqla, orkestrə saz, tar, tütək əlavə olun-
maqla milli ruhu önə çəkən operaya Pyesdə olmayan nüma-
yiş səhnəsinin “Varşavyanka” melodiyasının işlənməsi ilə
əlavə edilməsi tarixi-inqilabi ruhu qabartmaqla əsərin ictimai
pafosunu, romantik ruhunu artırır. Operanın musiqi drama-
turgiyasının strukturundakı zahiri göstəricilərdə; biçimdə,
bölgülərdə, kompozisiya elementlərində rus bəstəkarlıq
məktəbinin, təsiri hiss olunsa da, əsərin məzmunu, mahiyyə-
ti milli koloritlə zəngin Üzeyir Hacıbəyov məktəbini davam
etdirir. Sevilin daxili dünyasını, hiss-həyəcanlarını, dağılan
ailə ağrısını, oğlu Gündüzlə bağlı həsrətini ağıdan laylaya
çevrilməklə obrazlaşdırmaqla leytmotivə çevrilən əsas musi-
qinin əsər boyu həzinlikdən dramatizmə və ya əksinə keçid-
ləri şəxsi, ictimai motivi paralel təqdim etməklə mövzunu
səciyyələndirir. Əsasən əks mövzuda mövcud olmaqla final-
da şərin iflasını səciyyələndirməklə sonradan hitə çevrilən
Balaşın ariyası kontrapunktu gücləndirir.
Musiqişünas Solmaz Qasımovanın: “Dilbəri təsvir
edən musiqi mövzuları operanın bütün iştirakçılarının xarak-
teristikasından kəskin şəkildə fərqlənir. Dilbər partiyasında
XlX əsrin sentimental romansı ruhunda stilizasiya, tanqo rit-
mi, “təmiz” major-minor nəzərə çarpır. Dilbər obrazı opera-
da mahnı və romans janrı ilə səciyyələndirilir. Onun Saraste-
nin məşhur “Qara çətir” romansı əsasında yazılmış mahnısı
bu qəbildəndir. Dilbərin mahnısındakı təmtəraqla səslənən
tanqo mahnıya yüngüllük, qeyri-ciddilik verir və onun si-
masının boş, gərəksiz olduğunu nəzərə çarpdırır”
174
də-
yərləndirməsi pyesin də strukturunda ziddiyyətin mayasını
yaradan personajla bağlı musiqi dramaturgiyasını da açır.
174
S.С.Qasımova. Azərbaycan musiqi ədəbiyyatı. B., 2009.s.178-179.
Dostları ilə paylaş: |