Rejissorluğun üslub problemləri
217
(tenor) ifa etdilər. Daim təlxək rolunu ifa edən Tonionun
da, Neddaya vurulması melodrama modelini dağıtmaqla
strukturu zənginləşdirir. Xoşbəxt adamların yaşadıqları
yerlərə uçan quşlar barədə oxumaqla kədərini ifadə edən
Neddanın sevgisini ələ saldığı eybəcər təlxək Tonionun Ka-
nio tərəfindən qamçılanması ilə yaranan ziddiyyət hadisələri
qızışdırır. Təhqir olunmuş Tonionun intiqam hissinin
alovlanaraq satqına çevrilməsi, Silvionun Neddadan ərini və
aktyorluğu atıb onunla qaçmağa təhrik etməsi, Kanionun
gecənin qaranlığında arvadının aradan çıxan sevgilisinin
üzünü görə bilməməsi fabula mexanizmini musiqi dramatur-
giyası ilə süslənən əməli fəaliyyətdə yaradır.
Tonio ilə Bennonun səsləndirdikləri truba və baraban
sədaları altında səyyar məzhəkə teatrının tamaşası başlansa
da, Nedda əlindəki mis boşqabla Silvionun da aralarında
olduğu tamaşaçılardan pul yığsa da, aldanmış Kanionun
qəmli səsi əsas hadisəni karnaval kontekstində irəliyə aparır.
Tamaşa içərisindəki tamaşada oxşar səhnədə Neddanın
oynadığı Kolombinanın sevdiyi xalq komediyasının per-
sonajı Arlekinin (Bennonun ifasında) kimliyini dəqiqləş-
dirmək istəyən qısqanc əri Payatsanın (Kanionun ifasında)
qəzəbinə səbəb olması dramaturji düyünün açılışına yönəlir.
Heyrətlənən tamaşaçı nəzərləri altında sinəsinə xəncər
saplanan Neddanı xilas etmək üçün səhnəyə atılan Silvionu
da, qətlə yetirərək “Komediya bitdi” deyən Kanio tamaşanı
finala çatdırmasını Cənnət Səlimova yozumu dəqiq təqdim
edə bilir. İfaçıların, dirijor Yalçın Adıgözəlzadənin peşəkar
səviyyəsi quruluşçu rəssamı Tahir Tahirovun tərtib etdiyi
uğurlu dekor həlli bu təqdimatı gücləndirir.
Aydın Dadaşov
218
***
A.V.Lunaçarski adına teatr institutunun Musiqili
Teatr Rejissorluğu fakültəsində, ustad sənətkar Boris
Aleksandroviç Pokrovskinin tələbəsi olmuş Georgi
Pavloviç Ansimovun müəlliminin əsas tövsiyəsini belə
xatırlayır. “İnstitutda B.A.Pokrovski bizi öyrədirdi ki,
musiqinin hər bir dəyişkənliyində “nə baş vermişdir?”
axtarmaq gərəkdir”
180
. Beləliklə də, əslində ustad
tövsiyyəsi süjetin deyil, fabulanın önə çəkilməsinin
vacibliyini vurğulayır. Unutmaq olmaz ki: “Bəşər
mədəniyyəti tarixində mövcud olan bədii və qeyri bədii
mətnlər iki yerə bölünür. “Bu nədir?” yaxud “necə
qurulmuşdur?”, sualına cavab verən süjetsiz, “bu necə baş
vermişdir?” (bu hadisə necə törəndi?) kimi süjetli
mətnlər”
181
. Hərçənd ki, operada dramaturji funksiyanı
mətn deyil, musiqi yerinə yetirsə də, burada da, hadisənin
“necə baş verməsini” göstərməklə səbəb nəticə əlaqələrini
üzə çıxaran süjetin deyil, “necə baş verməsini” önə çəkən
fabulanın - əsas hadisənin vacibliyi təsdiqlənir. Məhz
dramaturji strukturun tərkib hissələrinə yaxından bələd
olması ilə Cənnət Səlimova Azərbaycan Dövlət Opera və
Balet Teatrında quruluş verdiyi operalarda özünün musiqi
təhsilinin yoxluğunun üstünü ustalıqla örtə bildi.
Stanislavski sistemi əsasında vokalçıların (xor, balet trup-
pasının da həmçinin) səhnədəki oyununu, “yaşantını” ha-
disəli pauzalarla həyata keçirə bilən Cənnət Səlimovanın
digər üstünlüyü isə sənət incəliklərinə dərindən bələd ol-
duğu aktyorla iş prinsipidir. Halbuki opera rejissorluğunda
180
Г.П. Анисимов. Режиссор в музыкальном театре. М., 1980. с.47.
181
Ю.М. Лотман Семиотика кино и проблемы киноестетики. Т., 1993. с.85.
Rejissorluğun üslub problemləri
219
aktyorlarla iş prinsipi yalnız musiqinin hegemonluğu ilə
həyata keçirilə bilir.
Rusiya Sənət Akademiyasının Musiqi nəzəriyyəsi və
tarixi institutunun direktoru, akademik Viktor Vladimiroviç
Vanslovun: “Olur ki, pauzanı oynayan aktyor oxumaqla
bağlı oyunu unudur. O, susanda da səhnədə nə isə edir,
hərlənir, hər hansı bir əşyanı əlinə götürür və ya nəzərdən
keçirir (heyrətlənir və ya sevinir, tərəf-müqabilinin hərə-
kətlərinə reaksiya verir). Ancaq oxumaq bitən kimi bu
fəaliyyət unudulur; hərəkətsiz durur, bir əlini sinəsinə qoyub,
ya da qabağa uzadıb, dirijora baxaraq səslənmə barədə, yük-
sək “do” yaxud səsinin tembrini tondan - tona keçmək
barədə düşünür”
182
müşahidəsi müxtəlif sənət sahələrinin
sintezini tələb edən bu işin mürəkkəbliyi barədə təsəvvür
yaradır. Musiqili teatr rejissoru vokalçı – aktyorlardan, xor
və balet truppasından əlavə orkestrlə də daim peşəkar
ünsiyyətdə olmalıdır ki, dirijor da qarşısındakının peşəkar
üslub cəbbəxanasında musiqi nəzəriyyəsi ilə bağlı biliklərin
xüsusi çəkisinin yüksək olduğunu hiss etsin. Təəssüf ki,
digər problem də, Sovetlər birliyi çökdükdən sonra yüksək
peşəkarların Yaxın Şərq ölkələrinə üz tutması nəticəsində,
musiqili teatrların hamısında simfonik orkestrin əsas
heyətinin musiqiçilərindən bir çoxunun çalışmasıdır ki, bu
da səhnə həllində nəinki dirijora, həmçinin rejissora mane
olmaqla yanaşı bütövlükdə ixtisaslaşmanın qarşısını kəsən
amilə çevrilir.
Hər halda operanın səhnə həlli barədə fundamental əsər
yazmış musiqili teatr rejissoru Liya Davıdovna Rotbaumun
“Səhnə ritminin, operanın musiqili – dramaturji ritmi ilə
182
В.В.Ванслов. Опера и ее сценическое воплощение. М., 1963. с.150.
Dostları ilə paylaş: |