Aydın Dadaşov
220
uzlaşdırılması əsas məsələdir”
183
deyimi əsas götürülməklə
belə nəticəyə gəlmək olar ki, musiqi təhsili olmadığından
tamaşasının gələcək tarixi mərhələlərdə bərpasına imkan
yaradan yazılı rejissor partiturasının hazırlanmasında çətinlik
çəksə də, səhnənin qanunlarını, arxitektonikasnı dərindən
bilən, peşəkar üslub göstəriciləri yüksək olan Cənnət Səli-
mova başda dirijor, baletmeyster, xormeyster olmaqla, mu-
siqiçilərlə dil taparaq quruluş verdiyi operanın bədii həllini
verə bilir. Bununla belə unutmaq olmaz ki, dramatik rejis-
sorluğun ustası Cənnət Səlimovanın peşəkar üslub göstəri-
cisi bilavasitə, əsasən jestlərdən ibarət aktyor plastikası ilə,
bağlıdır. Teatrı kasıblaşdırmaq formulasını üzə çıxaran Eji
Qratovskinin: “Jestlə aktyor döşəmənin səthini dənizə, ma-
sanı tövbə hücrəsinə, dəmir parçasını canlı tərəfkeşə və s. çe-
virə bilər. Teatrdan canlı yaxud yazılı musiqinin çıxarılması,
tamaşanın özünü musiqiyə çevirir”
184
mülahizələri də məhz
bu sənətkarın ən yaxşı dramatik tamaşalarına aiddir.
183
Л.Д.Ротбаум. Опера и ее сценическое воплощение. М., 1980. с.79.
184
Ежи Гротовский. К бедному театру. М., 2009. с. 16-17.
Rejissorluğun üslub problemləri
221
AZßRBAYCAN DÞVLßT
GßNC TAMAØA×ILAR
TEATRINDA CßNNßT
SßLÈMOVANIN TAMAØALARI
zərbaycan Dövlət Gənc Tamaşaçılar Teat-
rında Rüstəm İbrahimbəyovun “Unudulan
avqust” pyesinə 1974 – cü ildə verdiyi qu-
ruluşda Cənnət Səlimova əsərin zorakılığa qarşı yönələn
ideyasını önə çəkir. Qələbədən sonrakı dövrün
mənzərəsini yaradan hadisələrdə müxtəlif millətlərdən
olan ailələrin yaşadığı köhnə Bakı həyətində ən çətin
anlarda belə mənəviyyatını qorumağı bacaran Elik Qara-
yev (V.D.Butrimenko), cəmisi on beş yaşı olmasına bax-
mayaraq cəbhədə qanlı döyüşlərdən keçmiş, itirdiyi ailə
üzvlərinin axtarışında olan Kostya Rudakov (K.F.Artyo-
mov), ömrü boyu bir kitab oxumayıb sevgini belə zorla əl-
də etməyi mümkün sayan Arkadi Rezçikov - Paxan
(AY.Şarovski), onun əlaltısı, fitva verəni Xorek
(A.M.Xarçenko), mağaza müdirinin müti qula çevrilən,
dəstəni evlər idarəsinə satsa da, ərzaq gətirməklə günahını
yuyan oğlu Kaçan (Kotlyarski M.İ.) və ehtiyacı olanlara
kömək məqsədi ilə yaranıb, sonradan yolunu azan bu dəs-
təyə qoşulan digər yeniyetmələrin avtoritarlığa tabeçilik
A
Aydın Dadaşov
222
üzərində qurulan birliyinin acı nəticələri göz önündə
çözülür. Beləliklə Arkadi Qaydarın “Timur və onun
komandası” kitabının təsiri ilə yaranıb əsərdə xuliqanlar
dəstəsinə başçılıq edən Mişa Kvakinin prototipinə çevrilən
Paxan bəd əməlləri ilə şərin əsas timsalını yaradır.
Azğınlaşmış dəstənin günahsız Lenya Lübarskini (Malkin
V.Q.) çarhovuzda az qala boğulmağa təhrik etmələri,
Paxanin güc hesabına Nelya Adamovanı (Xaritonova
T.E.) əldə etmək istəyi zorakılığın miqyasını göstərir.
Sevgilisi Nelyanın yolunda çilingər şagirdi Yurka
(Zverev Q.V.) ilə birləşib fiziki cəhətdən güclü Paxana və
ətrafındakılara qarşı çıxan Alikin əsərdə çarhovuzda cəza-
landırılmasının dairəyə salınaraq döyülməsi ilə əvəzlən-
məsi obrazlı səhnə həllini tapır. Finalda oğurluq motosik-
let və qətlə yetirilmiş milisionerin silahını əldə edən Paxa-
nın açdığı atəşdən dostu Eliki xilas edən Kostyanın yara-
lanması, cinayətkarın həbsi “Uşaqlar belə hesab edirlər,
istəyirlər ki, sən bizim komandir olasan”
185
deyən Lenya-
ya, Elikin xəstəxanaya, Kostyanın yanına tələsdiyini bil-
dirməsi avtoritarlıqdan üz döndərildiyini səciyyələndir-
məklə hadisələri sona çatdırır.
Bütün personajlar dramaturji funksiya daşımasalar
da, tamaşa salonu ilə fəal ünsiyyət yaradan aktyorların fa-
silədə də, oyunu davam etdirib, sonda işıqlar yananda tə-
zim etməyi belə sanki unutmaları fasiləsizliyi təmin edilən
185
Р.М.Ибрагимбеков. Ультиматум. Б., 1983. с.276.
Rejissorluğun üslub problemləri
223
təəssüratı gücləndirir. Fiziki gücün deyil, zorakılığa yox
deyən Alikin timsalında (tamaşanın digər adı “Mən onda
yox dedim” idi) mənəvi zənginliyin qələbə çaldığı bu ta-
maşanın rəssamı Q.P.Belovun tərtibatındakı səhnədə na-
xışlı qədim darvaza, yuxarı mərtəbələrə uzanan dolaşıq
pillələr, aynabəndlər, paltarlar asılan zivə, su kranı və hət-
ta zibil qabları köhnə Bakı həyətinin real mənzərəsini
yaratmaqla tamaşanın ümumi ahənginə xidmət göstərir.
Bu tamaşadan sonra Cənnət Səlimova aktyorlardan
AY.Şarovskini və A.M.Xarçenkonu çalışdığı Azərbaycan
Dövlət Rus Dram Teatrına dəvət edir.
***
Valentin Yejovla Rüstəm İbrahimbəyovun “Səhranın
bəyaz günəşi” əsərinə Cənnət Səlimovanın Azərbaycan
Dövlət Gənc Tamaşaçılar Teatrında 1978 – ci ildə komso-
molun 60 illiyi münasibəti ilə hazırladığı tamaşada Yuri
Ryaşintsevin şeirləri ilə Leonid Vaynşteynin musiqisi əsas
mövqedə dururdu. Belə ki, kinorejissor Vladimir Yakovle-
viç Motılın 1970-ci ildə quruluş verdiyi R.İ.İbrahimbəyo-
vun, V.İ.Yejovla birgə ssenari müəllifi olduğu, sərgüzəşt
janrındakı, tarixi – inqilabi mövzulu, əvvəl qadağan
olunsa da, səhvən L.İ.Brejnevin bağındakı kinozalda
göstərilməklə rəhbərin xoşuna gələn, hətta kosmonavtların
daim kosmosa götürdükləri “Səhranın bəyaz günəşi”
bədii-oyun filmini yenidən səhnələşdirmək əhəmiyyətsiz
Dostları ilə paylaş: |