Dədə Qorqud ● 2014/I I 76
dığımız müxtəlif çeşidli nümunələr bunu bir daha əyaniləşdirir. Folklor-
şünaslıqda “inam”, “sınama”, “yozum”, “inanc” adları altında qeyd olu-
nan bu janr Şirvan bölgəsində əsasən “inam” adlanır (6, 27-28).
Ancaq buna baxmayaraq Şirvanda inam adı altında birləşən sına-
maların da, yozumların da, inancların və s. də işlənmə məqamına görə
mənası anlaşılır. Bu ondan irəli gəlir ki, Şirvan folklor mühitində inamla
bağlı olan bir çox düşüncə və davranış tərzləri aydın başa düşülmüşdür.
Məhz sınamalar əsasında inamın formalaşması, yozum və inancların
inam ilə təsdiqlənməsi Şirvanda çox qabarıq səviyyədə görünür ki, tədqi-
qatçı alimlər bunun məhz Şirvan folklor mühitinin janr xüsusiyyətlərinə
aid olmasını qeyd edirlər.
Mövsüm mərasimləri
Azərbaycanın qədim ərazisi, Şirvanda elat mədəniyyətinin möv-
cudluğu, türk-tərəkəmə adət-vərdişlərinin daimi qüvvədə olması, yaylaq-
dan qışlağa, qışlaqdan yaylağa köç axını heyvandarlıqla bağlı müəyyən
inam və sınamaların folklor örnəklərində əks olunmasına səbəb olmuş-
dur. Lakin köç mədəniyyətinin xüsusi mərasimlər əsasında formalaşması,
məhz bir çox örnəklərin bu köç mərasimi əsasında meydana gəlməsi diq-
qətdən kənarda qalmışdır. Mövsüm mərasimlərinə aid olan köç mərasim-
lərinin bir neçə örnəyinə diqqət çəkək: “Qoyunun dölü düşəndə tərəkəmə
üzünü qırxdırmaz”, “Atın yalına söyən xeyir tapmaz”, “Gəlini mal-qara
gələn vaxtı gətirərlər ki, ayağı ruzili olsun”, “Atın ayağı nalmıxa düşəndə
onu da quyruq yağı ilə sağaldarlar”, “Yuxuda ilan görmək yaxşı əlamət-
dir, aydın bir yolla getməkdir”, “Evdən səfərə çıxan adamın arxasınca su
atmaq salamatlıq əlamətidir” (6, 35-38) və s.
Əlbəttə, bu nümunələrdə köç əlamətləri o qədər də üzdə deyil, də-
rin laylardadır. Lakin tədqiq etdikdə aydın olur ki, köç hazırlığında olan
insanların köç mərasimlərinə aid olan bilgiləri bu örnəklərdə yetərincədir.
Köç ərəfəsində mərasim keçirmək, köçü uğurlamaq daha əski zamanlarda
mövcud olmuş, müasir çağlarda isə bu mərasimlərdən qopan bilgilər
müstəqil şəkildə işlənməyə başlanmışdır. Məhz tərəkəmə həyatının bu
xüsusiyyətləri örnəklərin janr spesifikasını formalaşdırır ki, bu da H.İs-
mayılov, S.Qəniyevin nəzərindən qaçmamışdır. “Bu sınamalarda regional
özünəməxsusluq kimi Şirvanın tərəkəmə həyatı öz əksini tapmışdır. Top-
luda verilən örnəklər dediklərimizi bir daha təsdiqləyir” (6, 28). Təəssüf
ki, köç həyatı ilə bağlı xalq arasında yaşayan zəngin folklor örnəkləri hə-
lə də toplanılıb ictimai-kütləvi nəşrlərdə yer almamışdır. Şirvanda keçiri-
lən mərasimlərdə yaz mövsümünün yer alması kifayət qədər sabitdir.
Mövsüm mərasimlərinə daxil olan Novruz ərəfəsi və Novruz bayramı
Dədə Qorqud ● 2014/I I 77
digər yerlərdə olduğu kimi Şirvanda da geniş qeyd olunur. Toplumun
Novruzda kütləvi iştirakı dəyərli folklor örnəklərinin meydana gəlməsinə
səbəb olur. Novruz gününə qədərki Çilə (Çillə) mərhələsi, maddi varlığın
özülü kimi ünsürləri rəmzləndirən çərşənbələr sırası, artıq unudulmaqda
olan Xıdır Nəbi bayramı, Novruz adət-ənənələri, Novruz bayramının
yüksək əhval-ruhiyyə ilə keçirilməsi daha çox nəzm üslubunda örnək-
lərin meydana çıxmasına səbəb olsa da, xalq nəsrinin digər örnəkləri də
yox dərəcəsində deyildir. Novruz mərasimiylə bağlı epik örnəklər yenə
də inam-etiqadlarda, sınama və yozumlarda diqqət çəkir. Belə ki, Novruz
mərasimləri ilə bağlı yayılmış inam və sınamalar xalq arasında bu gün də
öz aktivliyini qoruyub saxlayır.
Şirvan ərazisində Novruz bayramına qədərki çərşənbələr xüsusilə li-
rik-epik növdə diqqət çəkir. “Şəki folkloru”nda Su çərşənbəsi mərasimi bu
şəkildə təsvir olunur. “Əzəl çərşənbədə sübh tezdən bulaq başına gəlirlər:
Ağırlığım, uğurluğum suya,
Azarım-bezarım suya”
– deyib su üstündən atdanırlar. Sonra əl-üzlərini yuyur, bir-birlərinin üs-
tünə su atır, sifətlərinə su çiləyirlər. Xəstəliyə tutulanları da su üstündən
hoppandırırlar... “Su haqqı pis əməl sahibi olmayacam” - deyirlər. Su
çərşənbəsində övladı olmayan qadının başından qırxaçar camdan su
töksən, övladı olar. Su çərşənbəsində çay qırağında, su üstündə qorxan
adamın başından üç dəfə sağdan, üç dəfə soldan su atsan, qorxusu keçər.
Su çərşənbəsində qorxan adama cəftə suyu içirdirlər” (7, 54). Göründüyü
kimi, su mərasimində bir çox inam və sınamalar özünü göstərir. Torpaq
çərşənbəsi mərasimində də biz inam və sınamaları müşahidə edirik: “Tor-
paq çərşənbəsi günü yeri murdarlamaq, bitkiləri qırmaq, suya, oda və tor-
pağa tüpürmək günah sayılır. İmkansızlara əl tutmamaq, yardım gözləyə-
ni sevindirməmək, torpaq ruhunu narazı salmaq deməkdir. Həmin gün
“qan tökülsə” elin başı il boyu bəla çəkər – deyərlər. Torpaq çərşənbə-
sində heyvan kəsilməz, qan tökülməz” (7, 54, 55).
“Yel baba” mərasimi də bir sıra inam və sınamalarla müşayiət
olunur. “Səpinçi Allahın adını çağırıb toxumluq dəni əlinə götürür; “Al-
lah, birə min elə” deyib, səpinə başlayır. Səpin vaxtı buğda qovursan,
məhsul az, yarma bişirsən, bol olar deyərlər. Səpilən toxum oğurluq olsa,
bitməz deyərlər. Taxıl çuvalının üstündə otursan, bərəkətsiz olar, deyər-
lər. Təndirdə bişən ilk çörəyi yesən, arvadın, ölər, deyərlər. Kotanın dəs-
təyi ilan olsa əldən buraxma, çinin dəstəyi qızıl olsa, əlinə alma, deyərlər.
Xırmandan sovrulmamış buğda götürənin oğlu ölər, sovurulmuş buğda
götürənin isə oğlu olar, deyərlər. Xırmanda dəni samandan ayırmaq vaxtı
Dostları ilə paylaş: |