Dədə Qorqud ● 2014/I I 78
gələndə camaat Yel babanı çağırıb deyər: “Yel baba, gəl, ağ atına arpa,
saman apar” (7, 56, 57).
Mətndə “bəzən Yel babaya nəğmə ilə də müraciət edərlər” (7, 57)
ifadəsi Yel baba mərasiminin daha çox epik növdə, xalq nəsri üslubunda
icra edilməsindən də xəbər verir.
Novruz mərasimləri ilə ilgili ən geniş yayılmış inam və sınamalar
xalq arasında ilaxır çərşənbəsi kimi tanınan çərşənbə axşamında nəzərə
çarpır: “İlin axır çərşənbə axşamında bir yumurta götürüb sönmüş təndirin,
yaxud ocağın içərisinə qoyurlar. Bir tərəfinə qara, bir tərəfinə də qırmızı
karandaş atıb üstünü küllə örtürlər. Bayram günü dan yeri söküləndə gedib
yumurtaya baxırlar. Əgər üstünə qara xətt çəkilibsə, qoca adamın taleyinin
dönüklüyündən, qırmızı xətt çəkilibsə, xoşbəxtlikdən xəbər verir...
...İlaxır çərşənbəsi axşamı niyyət edən ağzına su alıb qulaqlarını əli
ilə yumur, qonşunun həyətinə yollanır. Orada əlini qulağından çəkib suyu
udur. Eşitdiyi ilk söz xoşdursa, niyyətinə çatacaq, əksdirsə, bəxtinnən
küssün” (7, 48).
Kitabda bu kimi inamlar və sınamalar həddindən artıq çoxdur. Nü-
munə kimi verdiyimiz bir çox inamlarla yanaşı burada su üstündən
tullanma (adətən, od üstündən tullanırlar), ağzına su alıb qonşu həyətinə
keçib sözə qulaq vermə (adətən, qapı ardında qulaq falına çıxırlar) və bu
kimi spesifik cəhətlər xalq nəsrinin regional xüsusiyyətlərinin yeni bir
istiqamətdə aşkarlanmasına səbəb olur.
Ağdaş folklorunda, demək olar ki, eyni mətnlər cəmlənmişdir (8,
81). Əlbəttə, bu da Şirvan regionunda formalaşan mənəvi-mədəni dəyər-
lərin, adət və ənənələrin, inam və inancların, etnoqrafik xüsusiyyətlərin
eyni kökdən gəldiyindən xəbər verir.
A.Səfərova Şirvan bölgəsinə daxil olan Neftçala və Salyan bölgə-
sində Novruz mərasimlərinin eyni qaydada keçirilməsinə aid örnəklər
təqdim edir (9, 118-121). Tədqiqatçı bu bölgədə keçirilən Novruz məra-
simləri ilə digər bölgələrdəki mərasimlər haqqında müqayisə aparır, mü-
əyyən fərqlilikləri meydana çıxarır ki, bu da regional xüsusiyyətlərin
folklor örnəklərində özünü göstərməsi baxımından çox gərəklidir. A.Sə-
fərova X.Məmmədovaya istinadən Qubada keçirilən Novruz mərasiminin
bir əhəmiyyətli, fərqli xüsusiyyətinə diqqət çəkir: “Qubanın bəzi kəndlə-
rində bayram axşamında tonqal yandırılmır, ancaq hər həyətdə evdəki
adamların sayı qədər zoğal və ya alma ağacından kəsilmiş çubuqlar tor-
pağa basdırılır, ucuna əski-üskü sarınıb yandırılır” (9, 118).
Tədqiqatçı Z.Səmədova Zaqatala bölgəsində Novruzda icra olunan
bir mərasimin Qurban bayramında da eyni qaydada qüvvədə olduğunu
qeyd edərək bu şəkildə göstərir: ”Azərbaycanın bəzi bölgələrində kosalar
Dədə Qorqud ● 2014/I I 79
tək Novruzda yox, hətta Qurban bayramında da qapı gəzirlər. Tədqiqatçı
Z.Səmədova yazır ki, Zaqatala bölgəsində Novruz bayramı ilə yanaşı,
həm də Qurban bayramında kosalar evləri gəzirlər” (9, 121).
Novruz mərasimləri ilə bağlı olan xalq dramlarına da nəzər yetir-
məyə xüsusi ehtiyac vardır. Çünki bir çox xalq dramları vardır ki, yalnız
Novruz tamaşaları olaraq Novruzda ifa olunmuşdur.
Xalq dramları, meydan tamaşaları kimi tanıdığımız kütləvi məra-
simlər vardır ki, bunlardan bir qismi Novruz mərasimləri ilə bağlıdır.
“Əkəndə yox, biçəndə yox, yeyəndə ortaq qardaş”, “Kos-Kosa” və s. bu
kimi tamaşalar bu qəbildəndir.
Folklorşünas alimlər T.Fərzəliyev, İ.Abbasovun tərtib etdiyi xalq
ədəbiyyatında “Xalq dramları” başlığı altında verilən tamaşalar bunu
təsdiq edir. Xalq dramlarına diqqət etdikdə aydın nəzərə çarpır ki, bu
tamaşalar lirik-epik növə, eyni zamanda dramatik növə aid olmaqla xalq
nəsrinin qiymətli nümunələri kimi ortaya çıxır. Kos-Kosa tamaşasından
bizə məlum olur ki, Novruz bayramında nümayiş olan bu xalq tamaşası
tamamilə lirik növə aid olan nəzm parçaları ilə birlikdə dəyərli nəsr
nümunəsini özündə inikas etdirir. Məşhur “A Kos-Kosa gəlsənə” misrası
ilə başlayan bu nəğmə heç də nəsr üslubundan təcrid olunmadan xalq
tamaşaları içərisində yer almaqla xalq nəsrinin epik-lirik növə aidliyini
göstərir. “Kos-Kosa” tamaşasına müraciət edək:
“Ay Kos-Kosa gəlsənə,
Gəlib salam versənə,
Xanım, ayağa dursana,
Kosaya pay versənə...
Mahnı qurtaran kimi Kosa “Kosa öldü”- deyib yerə yıxılır. Bu za-
man ona aşağıdakı kimi suallar verib cavab alırlar:
– Kosa, haradan gəlirsən?
– Dərbənddən.
– Nə gətirmisən?
– Alma.
– Almanı neylədin?
– Satdım.
– Pulunu neylədin?
– Öküz aldım.
– Öküzü neylədin?
– Vurdum, öldü.
Kosanın bu sözündən sonra yoldaşları birlikdə bu mahnını
oxuyurlar:
Başın sağ olsun, Kosa!
Dədə Qorqud ● 2014/I I 80
Ərşin uzun, bez qısa,
Kəfənsiz ölməz Kosa! və s. və i. (10, 256-257).
Göründüyü kimi, nəzm və nəsr vəhdəti bu mərasim tamaşasında
aydın görünür. Bu xalq tamaşasının Şirvanda çox aktual olduğu, Şirvan
regionunda bu tamaşanın Novruz mərasimlərində keçirildiyi birmənalı
şəkildə qəbul olunandır. Bu tamaşanın mətnində Şirvan regionunun
spesifikası ilə birbaşa bağlılıq vardır. İstər məhəlli söz bazası olsun, istər
təsərrüfatçılıq-peşə vərdişləri, istərsə də şəhər və kənd münasibətləri
zəminində hər bir söz, cümlə, ifadə tərzi Şirvan ərazisi ilə birbaşa
əlaqəlidir:
Qurbanın olum, yaşıl çuxalı,
Dərbəndlisən, yoxsa buralı...
...Kosa, haradan gəlirsən,
– Dərbənddən (10, 257).
Şirvan ərazisinin Dərbəndi də əhatə etdiyi, Dərbənddən gələn Kosa-
nın Şirvan təsərrüfatında da geniş formada yayılmış almanı Dərbənddən la-
zımsız yerə indi durduğu əraziyə gətirməsi xalq tamaşasının strukturundan
irəli gəlib, gülüş ovqatı yaratması ilə birlikdə regional özəllikləri diqqətdə
saxlayır. Heyvandarlıq sahəsinin tərəkəmə həyatının tərkib hissəsi olduğu-
nu nəzərə alsaq, məhz Kosanın almanı verib öküz alması da bu regional
xəritənin tamaşada açıq şəkildə göründüyündən xəbər verir.
“Kos-Kosa” xalq tamaşasındakı heç bir ifadə tərzi Şirvan regionu
üçün yabançı deyil. Bu tamaşanın ritual strukturunu, semantik laylarını
izah etmək imkanımız olmadığı üçün yalnız onu qeyd edək ki, tamaşada-
kı söz, rəqs, mahnı sinkretliyi də Şirvan dastançılıq ənənəsinin ya ilkin
quruluşunu və yaxud da paralelini təşkil edə bilər. Bu cəhətdən “Əkəndə
yox, biçəndə yox, yeyəndə ortaq qardaş” xalq tamaşası daha çox xarakte-
rikdir. Eyni mənbədən oxuyuruq: “Bayram günlərində, xüsusilə Xıdır
Nəbi, Axır Çərşənbə, Novruz bayramında keçirilən şənliklər zamanı ifa
edilir. Sazandalar çalır, xanəndə oxuyur, adamlar oynayırlar”.
Mövsümi mərasimlərin folklor baxımından ən zəngini olan Novruz
başdan-başa ruh yüksəkliyi, əmək coşqunluğu, torpağa, insana məhəbbət
bayramıdır. Elə bu məhəbbətlə bağlı yaranmış Novruz tapmaca, atalar sö-
zü və adətlərində də ulu babalarımızın müdrik dünyagörüşü, humanist
baxışları, həlim, qayğıkeş təbiəti özünü göstərir. Novruz Azərbaycan xal-
qının etnokulturologiyasında özünəməxsus yeri olan ən böyük milli bay-
ramımızdır.
Dostları ilə paylaş: |