57
Əziz və hörmətli Elçin müəllim! Sizə ‒ böyük yazıçı və ali-
mə ürəkdən gələn təbriklərimi çatdırmaqdan dərin sevinc duydu-
ğumu bildirirəm. Siz ləyaqətlə yaşadığınız bu ömrün 50-yə
çatmamış zaman kəsiyində Azərbaycan ədəbiyyatının və ədəbiy-
yatşünaslıq elminin inkişafında artıq bir əsrlik işlər görmüş, mə-
dəniyyət və elmimizə bənzərsiz bədii və elmi töhfələr vermisiniz.
Qoy ömrünüz həmişə belə əzəmətli və işıqlı olsun.
Ağamusa Axundov,
akademik
Bilməzdim ki, Elçin müəllim, qadınların daxili aləminə bu
qədər bələd insandır.
Bəsti Cəfərova,
Xalq artisti
Mənə... Elçinin əsərlərində zəngin milli xarakterli obrazlar
yaratmaq qismət olub.
Hacı Murad Yegizarov,
Xalq artisti
Biz fəxr edirik ki, məmləkətimizin Elçin kimi istedadlı Xalq
yazıçısı, sədaqətli oğlu, görkəmli dövlət xadimi vardır. Müqəddəs
ruhu xalqımızın qəlbində əbədi yurd salan İlyas müəllimin yolunu
şərəflə davam etdirdiyi üçün Elçinə minnətdarıq.
Hacıbaba Bağırov,
Xalq artisti
Elçinin məqalələrinin hər biri ədəbi hadisəyə çevrilir.
Vaqif Yusifli,
filologiya elmləri doktoru
Antuan de Sent Ekzüperi deyirdi ki, su nəinki həyat üçün zə-
ruridir, su həyatın özüdür. Bu yozumda Elçin də ədəbiyyatın özü-
dür. Yəni necə ki, həyatı susuz təsəvvür etmək olmaz, Azərbay-
58
can ədəbiyyatını da Elçinsiz, o cümlədən bizim başqa böyük
sənətkarlarımız olmadan təsəvvür etmək çətindir.
Teymur Kərimli,
akademik
Milli ədəbi düşüncə tərzində ən yeni dövr ədəbiyyatın qüd-
rətli nümayəndələrindən biri də Elçindir. Elçin 60-cı illər ədəbiy-
yatının böyük yaradıcılarındandır... Elçin xalqımızın milli
dəyərlərinin daim keşiyindədir.
Azad Nəbiyev,
AMEA-nın müxbir üzvü
Elçinin – dövlətçiliyimizdə, ədəbiyyatımızda halal haqqı və
danılmaz payı olan, ömrünün müdrik çağlarını yaşayan, bir-birin-
dən qiymətli roman və povestləri, səhnə əsərləri ilə həm oxucu-
ları, həm tamaşaçıları sevindirən, xalqımızı arzuolunan mötəbər
kürsülərdə ləyaqətlə təmsil edən məşhur Azərbaycan yazıçısının
– gənclik həyəcanı və ağsaqqallıq təmkini ilə yazdığı əsərləri
sevə-sevə, sevinə-sevinə oxuyuruq.
Zəlimxan Yaqub,
Xalq şairi
Düzdür, mən Elçinin heç bir pyesində iştirak etməmişəm,
amma o, mənim ən çox sevdiyim dramaturqdur.
Həsənağa Turabov,
Xalq artisti
Elçin xoşbəxt insandır ki, onun İlyas Əfəndiyev kimi vali-
deyni, atası, müəllimi və ustadı olub. İlyas Əfəndiyev də xoşbəxt
atalardandır ki, ocağında iki əvəzsiz izi qalıb!
Ziyad Səmədzadə,
akademik
Elçin ədəbiyyatımızın inkişafı yolunda irəliləyən böyük yazı-
çılardan biridir. O, eyni zamanda, cəmiyyətimizdə bir sıra yüksək
59
vəzifələrdə çalışır. Lakin nə kimi yüksək vəzifələr daşısa da,
qələmini yerə qoymur. Yazıb-yaratmaq şövqü onu heç zaman
tərk etmir... O, hazırda Azərbaycan dramaturgiyasının da böyük
nümayəndəsidir.
Qılman İlkin
Xalq şairi
Bir problem qalırdı: bir nəzəri metod kimi, sosrealizmin
daxili mexanizmini, onun tarixi missiyasını açıqlamaq lazım idi.
Bunu Elçin etdi. Bəlkə də, bunu Elçindən yaxşı edən olmazdı.
Bunun üçün elmi və bədii yaradıcılıq qələminin birliyi gərək idi.
Digər tərəfdən, bu prosesin içində olmaz lazım idi. Hər iki halda
Elçin kimi, bu prosesə hərəkət verənlərdən olmalı idi.
Yusif Seyidov,
professor, dilçi, ədəbiyyatşünas
Elçin böyük vətəndaş və yazıçı təəssübü ilə mətbuat və
ədəbiyyat mühitimizdə açıq söhbətə, diskussiyaya meydan açır.
Şamil Vəliyev,
professor, ədəbiyyatşünas
Abşeron təbiətini də, bu bölgənin adamlarını da Elçin qədər
real, cazibədar təsvir edən ikinci yazıçı tanımıram. Şukşin rus
şimalını hansı vüsətlə təqdim edirdisə, Elçin də Abşeronu belə bir
sənətkarlıqla ədəbiyyata gətirdi.
Şirindil Alışanov,
professor, ədəbiyyatşünas, tənqidçi
Mən çox rollar oynamışam, bütün rolları sevirəm, hamısı
ləzzət verir, amma bu ləzzətin içində tam bir ləzzətlisi var. El-
çinin “Mənim sevimli dəlim” əsərində oynadığım Baş redaktor
rolu. O əsəri çox sevirəm və o rolu nə qədər oynasam da, doy-
maram.
Səyavuş Aslan,
Xalq artisti
60
Elçin bir yazıçı kimi bütöv xarakterlər və mənəvi dünyası
zəngin olan bədii obrazlar ustasıdır.
Vaqif Arzumanlı,
professor, ədəbiyyatşünas, tənqidçi
Zəngin, bədii yaradıcılıq uğurları ilə yanaşı, Elçin həm də
ictimai xadim kimi geniş fəaliyyət diapozonuna malik şəxsiy-
yətdir. Bunu o istər “Vətən” Cəmiyyətini yaradıb ona rəhbərlik
etdiyi illərdə, istərsə də hal-hazırda Azərbaycan Respublikası Baş
nazirinin müavini kimi məsul bir vəzifə apardığı vaxtda sübut
etmişdir. Dəfələrlə çox məsuliyyətli və nüfuzlu beynəlxalq görüş
və toplantılarda Azərbaycanı layiqincə təmsil edən Elçin
xalqımızın və torpağımızın taleyüklü məsələlərini, ağrı və
acılarını dünya ictimaiyyətinə çatdırmağa cəhd göstərmişdir.
Bir problem qalırdı: bir nəzəri metod kimi, sosrealizmin
daxili mexanizmini, onun tarixi missiyasını açıqlamaq lazım idi.
Bunu Elçin etdi. Bəlkə də, bunu Elçindən yaxşı edən olmazdı.
Bunun üçün elmi və bədii yaradıcılıq qələminin birliyi gərək idi.
Digər tərəfdən, bu prosesin içində olmaq lazım idi. Hər iki halda
Elçin kimi, bu prosesə hərəkət verənlərdən olmalı idi.
Yusif Seyidov
professor
Altmış yaşın mübarək!
Adı ömür olsa da,
ağır işdən gəlirsən,
Şərəfli bir həyatdı,
sən döyüşdən gəlirsən.
Bundan sonra yenə var
yollar, döyüşlər, işlər,
təriflənəsi dillər,
sındırılası dişlər.
Ömrü boyu çalışan
yazan, yanan, yandıran,
Qələminin ucunda
dünyanı dolandıran
Dostları ilə paylaş: |