Microsoft Word Elcin-75-metodik docx
Yüklə 0,69 Mb. Pdf görüntüsü
|
- Bu səhifədəki naviqasiya:
- Fikrət Qoca, Xalq şairi Elçinə!
- Banin (Əsədullayeva Ümmülbanu)
61
el yanında üzün ağ! Dünyanı seldə boğar bir damla göz yaşımız (onu görməyəcəklər). Bu gün başına yağır sənin güllər, çiçəklər. Qocalığın gəncliyi altmış yaşa deyirlər. Fikrət Qoca, Xalq şairi Elçinə!
söziər əlimdə. Mən şeir yazmırdım ki, sözlərdən ev tikirdim. Bir vaxt balta kimi, çəkic kimiydi, sözlər əlimdə. Mən şeir yazmırdım ki, öz içimi-çölümü dağıdırdım-tökürdüm. Sonra muma döndü ovcumda sözlər, Yandırdım, hərəsi bir şama döndü, o şamların işığında dünyaya baxdım-getdim. Sonra quma döndü ovcumda sözlər, Yavaş-yavaş o quma qarışıb axdım-getdim... Ramiz Rövşən, şair, yazıçı
“Türk dünyasına xidmət” mükafatını mən yüksək qiymətlən- dirirəm və onu böyük yazar Elçinə təqdim etməkdən məmnunluq duyuram. Qırx il bundan əvvəl Sovet İttifaqına səfərim zamanı gənc yazar Elçinlə bir-birimizi tanımadan eyni teatr zalında olmu-
62
şuq. Qırx il keçib. Biz böyük yazar Elçinlə “Dədəman” zalında yana-yana oturmuşuq. Ürəklərimiz isə millətimizə və vətənimizə eyni məhəbbətlə döyünür. Bu, çox simvolikdir. Bizi birləşdirən bu məhəbbət daimidir...
Əzizim Elçin! Sənin yubileyin cavan kimi görünə bilər. Ancaq biz bilirik ki, bu yaş uğurlu ədəbi yaradıcılıq onilliklərinin və XXI əsrin başlanğıcı kimi çox maraqlı bir tarixi dövrdə dövlət xidmətinə həsr etdiyin illərin toplamıdır. Bütün bu iş, əmək və xidmət illərini doğma Azərbaycan naminə böyük xidmət dövrü adlandırmaq olar. Müstəqil dövlət quruculuğunda bu qədər fəal iştirak etmək kimi çətin bir xoşbəxtlik sənin heç də hər müasirinə nəsib olmayıb. Belə günlərdə doğma insanlar nə arzu edirlərsə, sənə, əziz dostum və qardaşım, onların hamısını arzulayıram.
Elçinin maraqlı “Gümüşü Furqon” (“Bir görüşün tarixçəsi” - tərc.) povesti H.Mitinin tərcüməsində “Yunost” jurnalında dərc edilmişdir. Gənc müəllifin rus dilində ilk dəfə çap olunmuş bu əsəri bizim jurnalın redaksiya heyəti tərəfindən yüksək qiy- mətləndirilmişdir, ən əsası isə yaxşı oxucu poçtuna malikdir. Boris Polevoy, rus yazıçısı
Əziz Elçin! “Mahmud və Məryəm” həm fəlsəfi konsepsiya- sının dərinliyi, həm də bədii ifadə baxımından məndə böyük təəs- sürat yaratdı, siz əsl ustadsınız. Siz məni tamam yüngülcəsinə, heç geriyə də boylanmadan uzaq dövr insanlarının dünyasına daxil etdiniz. Siz öz əsas fikrinizi necə də dəqiq müəyyənləşdir- misiniz: böyüklük, əzəmət – istər həqiqi, istərsə də xəyali olsun – öz mahiyyəti etibarilə faciəvidir. Mənə düşüncələr, təşvişlər və heyranlıqlar bəxş edən saatlara görə sizə “çox sağ ol” deyirəm...
63
Tarix yalnız elmin şərh etdiyi tarixi fakt deyil, həm də tarixi detaldır. Tarixi dövrün obrazı bizim şüurumuzda əksərən ədəbiy- yatın – Şekspirin tarixi xronikaları, Stendal, Hüqo, Dümanın ro- manları, Lev Tolstoyun “Hərb və sülh” epopeyası sayəsində yara- nır. Öz dövrünün surətini yaratmaqda nəinki Şoloxovun “Sakit Don”, ya Aleksey Tolstoyun “Əzablı yollarla” kimi epik əsərləri, eləcə də, məsələn, Yuri Trifonovun “Şəhər povestləri” iştirak etmişlər ki, buradakı məişət təfsilatları zaman ötdükcə tarixi detal əhəmiyyətini kəsb edəcəkdir. Azərbaycan yazıçısı Elçinin “Ölüm hökmü” adlı yeni romanı da bu cərgədə durur.
Biz bu gün fəxr edirik ki, türk dünyasının böyük yazıçısı Elçin universitetimizin qonağıdır. Onun əsərləri də, fəaliyyəti də yüksək təqdirə layiqdir. Prof. Dr. Özər Ərənman, Memar Sinan Universitetinin prorektoru
Elçin özü hekayələrindəki fantastik hadisələrin reallığına ina- nır, lakin hamı buna inanmır. Ona görə də yazıçının qəhrəmanları öz başlarına gələnləri yalnız onları başa düşəcək, yəni ruh etbarilə onlarda doğma olan adamlara etibar edir.
Elçin ştamplardan qaçır, adi üsullardan qaçır. O, psixoloqdur, O, ən mürəkkəb situasiyalarda belə, “xislət dərinliyinə” daxil olur. Vladimir Boborikin, rus ədəbiyyatşünası
Elçin çağdaş türk ədəbiyyatının böyük nümayəndəsidir. Onun yaradıcılığı sübut edir ki, sovet rejimi dönəmində də böyük türk ədəbiyyatının sanballı nümunələrini yaratmaq mümkün olub. Elçinin istedadı rejimin tələblərini üstələyə bilib, insanların daxili
64
aləminə ideolojidən kənar olan gur işıq saçmağı bacarıb. Buna görə də Elçin bu gün Türkiyədə ən populyar yazıçılardan biridir. Dr. Rahim Tarım, türk ədəbiyyatşünası
“Mahmud və Məryəm” romanı çağdaş ədəbiyyatımızın qızıl fonduna daxil olan nadir əsərlərdəndir... ...Elçinimiz necə sürətlə boy atdı, Doğunu və Batını mənimsəyən parlaq bir ədəbiyyat bilicisinə, filosof qüdrətli nəzəriyyəçiyə çevrildi... ...Sənin oxucun olmaq çətindir, əziz Elçinimiz! Çünki əsl qəhrəman hökmü ilə saçdığın inciləri yığıb-yığışdırmaq olmur...
Dünyada və xüsusilə türk topluluklarında çox böyük ehtiram qazanan sayın Elçinə türk dünyasında və insanlığa göstərdiyi xidmətlərin davamını diləyirəm. Əli Doğramacı, professor, Bilkənd Universitetinin rektoru
Elçin dolğun yaradıcılığı ilə həm ədəbiyyat, həm də böyük siyasət sahəsində həqiqətən də məftunedici nəticələr əldə edib. Mixail Şvıdkoy, sənətşünas, Rusiya Federasiyası keçmiş mədəniyyət naziri
Çox hörmətli Elçin! “Parisdə avtomobil qəzası” kitabınıza heyran qalmışam. Sizin yumorunuz, sizin fantastik notlarınız və lirik verginiz mənim çox xoşuma gəlir. “Mahmud və Məryəm” çox sevdiyim və dəfələrlə oxuduğum kitablardan biri “Min bir gecə”ni mənim yadıma saldı. Sizin bu əsərinizdə mən Şərqin bü- tün gözəlliyini, qəddarlığını və ehtirasını tapdım. Siz bu qəribə, gözəl və qorxulu dünyanın atmosferini əla təsvir edirsiniz. Banin (Əsədullayeva Ümmülbanu), Fransada yaşayıb-yaradan Azərbaycan yazıçısı Yüklə 0,69 Mb. Dostları ilə paylaş:
|