280
nöqtələrə əsasən aşkar olunur ki, bunların da xarakterik
fluoressensiyası helmintoz sürfələrində mayenin tərkibi ilə
şərtlənir.
Fluoressensiya rənginə əsasən süd və süd məhsullarının
təbiəti və keyfiyyətliliyi haqqında mühakimə yürütmək olar
(60). Sağlam inəklərdən sağılan təzə süd açıq-sarı rəngli
fluoressensiyaya, xəstə inəklərdən sağılan, eləcə də soda və ya
15% su əlavə edilmiş süd sarımtıl çalarlı solğun rəngə malik
olur. Lüminessensiyanın rənginə əsasən südün saxtalaşdırıl-
ması halını üzə çıxarmaq (aşkar etmək) mümkündür. Fluores-
sensiyalı mikroskopiya üsulu ilə süddə kəskin yaşılımtıl-
sarımtıl fluoressensiya ilə üstünlük təşkil edən bağırsaq çöpü
bakteriyaları qrupunun mövcudluğu aşkar edilir. Kontrastı (zid-
diyyətli rəngi) gücləndirmək üçün konqo-rubin və ya aqolitmin
əlavə edilir. Süddə vərəm çöplərinin olması, onların qaranlıq
fonda parlaq-sarı çöplər şəklində xarakterik fluoressensiyasına
görə aşkarlanır. Yetişməmiş pendir kəsiyinin fluoressensiyası
sarı rəngə malik olur. Pendir kütləsi yetişdikdə fluoressensiya
boz-göy rəngdən bənövşəyi rəngədək çalar qazanır.
Lüminessensiya rənginə görə bitki yağı bəzi müx-
təlifliklərə malikdir. Fluoressensiya üsulu ilə bitki yağlarında
mineral yağ qatışıqlarını aşkar etmək olar. Heyvani mənşəli
(mal, donuz, qoyun) ərinmiş piyləri fluoressensiya edilmir,
inək yağı bülbülü-sarı fluoressensiyaya, marqarin isə mavi flu-
oressensiyaya malikdir. Bu əlamət heyvan piylərinin tərkibində
sadə üsulla marqarin qatışıqlarını müəyyən etməyə imkan verir.
Lüminessentli analiz qida piylərinin oksidləşmə dərə-
cəsini müəyyənləşdirməyə imkan verir (85, 107). Fluoressen-
siya məqsədilə sınaq şüşəsinə tədqiq edilən yağdan 3-4 ml yer-
ləşdirir, eyni miqdarda distilləolunmuş su və 3-4 damcı
ammonyakın sulu məhlulu əlavə edilir.
Qarışığı intensiv olaraq çalxalayır və sınaq şüşəsində yağ
və su fazaları tam ayrılanadək sentrifuqalanır. Lüminessensiya
ОЛД-4 markalı cihazın köməyi ilə təyin edirlər. Ultrabənöv-
şəyi şüalar selində sulu təbəqənin işıqlanması müşahidə edilir.
281
Oksidləşmiş maddələrin miqdarı 1,0%-dən çox olduqda dəqiq
mavi işıqlanma, 0,5%-dən 1,0%-dək olduqda mavi-tüstü çalarlı
yaşılımtıl işıqlanma, əgər oksidləşən maddələrin miqdarı 0,5%-dən
kiçik olduqda isə yaşıl rəngli lüminessensiya əmələ gəlir.
Unun fluoressensiya rəngini müşahidə etməklə onun
sortunu, növünü və tərkibində mövcud olan zərərli qatışıqları
təyin etmək olar. Buğda və çovdar dənlərinin qabıqları, aleyron
təbəqəsi və rüşeymləri endospermlə müqayisədə daha intensiv
göy işıqlanmaya malikdir. Bunun nəticəsi olaraq, unun sortu
aşağı olduqca məhsul bir o qədər daha parlaq fluoressensiya ilə
üstünlük təşkil edir. Unun müxtəlif növləri də işıqlanma
rənglərinə görə fərqlənir. Səməni unu qeyri-parlaq-ağımtıl, no-
xud unu çəhrayı, soya unu isə göy-yaşıl fluoressensiyaya ma-
likdir. Çovdar mahmızı (toxumda göbələk xəstəliyi) hissə-
cikləri tünd çəhrayı rəngli fluoressensiya əks etdirilir. Çovdar
mahmızı xəstəliyi mövcud olan un bənövşəyi sayrışan (parlaq)
işıqlanma qazanır.
Fluoressensiya rənginə və intensivliyinə digər amillər də
təsir edir. Məsələn, buğda və çovdar unları qurudulan zaman
fluoressensiya parlaq göy rəngdən sarı rəngədək dəyişir. Buğ-
danı və unu saxlayan zaman fluoressensiya rəngində müxtəlif
çalar əmələ gəlir.
Lüminessensiyaya vizual müşahidə ilə yumurta məhsul-
larının təzəlik dərəcəsini xarakterizə etmək olar. Məsələn, ağ
rəngli qabığa malik təzə toyuq yumurtası intensiv qırmızı fluo-
ressensiyaya malik olur, saxlanılarkən isə bu fluoressensiyanın
rəngi maviyə çevrilir. Daha tünd rəngli qabığa malik toyuq
yumurtalarını saxladıqda lüminessensiyada mavi-bənövşəyi ton
əmələ gəlir.
Lüminessensiya ilə vəsfi analiz üsulundan istifadə et-
məklə ətin hansı növdən olduğunu təyin etmək və onun sortu
haqqında təqribi fikir söyləmək olar. Heyvan ətinin əzələ
toxuması qırmızımtıl-qəhvəyi çalarlı xüsusi fluoressensiya ilə
üstünlük təşkil edir, belə ki, mal ətinin əzələləri üçün məxməri-
tünd-qırmızı çalarlar, qoyun əti üçün tünd-qəhvəyi, donuz əti
282
üçün isə açıq-qəhvəyi çalarlar xarakterikdir. Xüsusi birləşdirici
(vətərlər, əzələləri bürüyən pərdələr) və qığırdaq toxumaları
parlaq mavi rəngdə lüminessensiya edirlər, piy toxumaları isə
açıq sarı rəngli işıqlanmaya malikdir.
Ət xarab olan zaman onun fluoressensiya rəngi dəyişir.
Xarabolmanın birinci mərhələsində mal ətinin əzələ toxu-
masının fluoressensiyasının tünd-qırmızı rəngli fonunda, məh-
sulun korlanmasının dərinləşməsinə görə genişlənən yaşıl
nöqtələr əmələ gəlir. Köhnə ətin əzələləri bütöv yaşıl rənglə
örtülmüş tünd-qırmızı rənglə fluoressensi-yalanır.
Lüminessensiya intensivliyinin (Lİ) fotoelektrik ölçül-
məsi balığın və ətin təzəliyi haqqında fikir yürütməyə imkan
verir. Fotoelement zəncirində yaranan cərəyanın gücü lümines-
sensiyanın fotoelement üzərinə düşən işıq selinə mütənasib
olur. Cərəyanın gücü qalvanometr vasitəsilə ölçülür. Şkalanın
qabaqcadan dərəcələrə bölünməsi sınaq nümunəsinin kontrol
nümunə ilə bilavasitə müqayisələndirilməsi aparılma-dan
lüminessensiya intensivliyini ölçməyə imkan verir.
Ətin və balığın təzəliyini təyin etmək üçün yeni bir neçə
lüminessent cihazları konstruksiya edilərək istehlaka buraxıl-
mışdır. Danilov və Kondratenko tərəfindən yaradılmış fotometr
müxtəlif intensivlikli lüminessensiya şüalanmalarını qeyd
etmək üçün bir neçə şkalaya malikdir.
Ətin təzəliyi qiymətləndirilən zaman, məhsulun xırdalan-
mış çəki nümunəsini 1:10 nisbətində distilləolunmuş su ilə
qarışdırılır və ekstrakt hazırlanır. Təzə mal ətindən alınan sulu
ekstraktlar sarımtıl-yaşıl rəngli lüminessensiya ilə alınan
xarakterizə olunur. Təzəliyi şübhəli olan ət ekstraktları yaşıl-
mavi rənglə fluoressensiya edir. Tamamilə köhnə olan ətdən
alınan ekstraktlar süd rəngli işıqlanmaya malik olur. Təzə halda
pörtülmüş və soyudulmuş ət nümunələrinin sulu ekstraktlarının
lüminessensiya intensivliyi (Lİ) olduqca kiçikdir və praktiki
olaraq cihaz vasitəsilə ölçülə bilmir. Təzə halda dondurulmuş
ət üçün ekstraktların 528-544 nm spektr maksimumunda 2-dən
10 mksb-dək hədlərdə lüminessensiya intensivliyi xarak-
Dostları ilə paylaş: |