Microsoft Word Esref Veyselli Qarsima siz cixin cap docx
Yüklə 1,96 Mb. Pdf görüntüsü
|
- Bu səhifədəki naviqasiya:
- 18 avqust 2015 SEVGİ ŞEİRLƏRİ YAZIRAM HƏLƏ
- 20 avqust 2015
158 Hicran çəpərindən keçə bilmədik, Vüsal çeşməsindən içə bilmədik. Biz çox qanadlandıq, uça bilmədik, Niyə görünmürsən heç ondan bəri.
İndi aramızın arası azdır, İndi aramızda təkcə Arazdır. Arazı kələklə, Arazı azdır, Arazı dilə tut, keç ondan bəri .
AXI, MƏN NƏ BİLƏYDİM Əllərinə baxıram, Yadıma nələr düşür .. Tellərinə baxıram- Gözlərimin önündən Durna qatarı kimi Xatirələr ötüşür. Uşaq vaxtı axı mən Bir az nadinc olmuşam, Üzünü cırmaqlayıb, Tellərini yolmuşam. Neçə dəfə anam da Qulağımı burubdur. Mən o qızı vuranda O da məni vurubdu. Ağ olmuşam üzünə, Baxmamışam sözünə, Onu yenə döymüşəm, Mənim əlim qurusun.
159 Ona “çor”da demişəm, Mənim dilim qurusun. Mən onda uşaq idim.... Mən onda şıltaq idim... Axı, mən nə biləydim Şirin söz, söhbət nədir, Axı, mən nə biləydim Onda məhəbbət nədir... Ömrüm-günüm, onları Yadına da salma heç. Bəsdir, bəsdir, kövrəlib Xəyallara dalma heç. Əllərinə vurmuşam, Əllərindən öpüm gəl. Tellərini yolmuşam, Tellərindən öpüm gəl.
***
160 BİLİR
O sevda dəmindən uzaqdır hələ, Məni də özündən çox uzaq bilir. Mənim sevdiyim gül uşaqdır hələ, Ülvi hisslərimi oyuncaq bilir.
Başına dolanım, dönüm bu eşqin, Yolunda alışım yanım bu eşqin. Məni məndən alıb mənim bu eşqim, Nə oğul anlayır, nə uşaq bilir.
Ömrümün gülşəni bilirəm onu, Hər gün səcdəsinə gəlirəm onun. Ölürəm dərdindən, ölürəm onun, Necə öldüyümü bir Allah bilir.
*** 2015
161 SEVGIDIR Canı can istəyir, qanı qan çəkir, Bu pünhan duyğunu adı sevgidir. Balıncı başımın altından çəkir, Bu odur, Bu odur, Odur – sevgidir.
Haqsız qınaqsa da, nahaq qansa da, Qəfil sınaqsa da, imtahansa da, Ondan neçə kərə ağzım yansa da, Ağzımın ləzzəti, dadı sevgidir.
Ey durub qəsdimə, yol kəsən gözəl, Mənim taleyimsən bəlkə sən, gözəl. Olsan ürəyimə yol gəzən, gözəl, Mənim ürəyimin kodu sevgidir.
Bir cüt göz boylanar gözlər içindən, Qırx ilin həsrəti sızlar içimdə. Onun bənzərini qızlar içində Görcək, ünvanımı azıram hələ, Sevgi şeirləri yazıram hələ.
Gah havaya həsrət, gah suya həsrət Neylərdim o zərif duyğuya həsrət?.. Qan sızan gözlərim yuxuya həsrət Məni sevənlərə, mən sevənlərə
162 Sevgi şeirləri yazıram hələ.
Söz ki məhəbbətə, eşqə söykənər Dönər ev tikənə, işıq çəkənə. Sevgi tükənəndə ömür tükənər, Odur ki, qəlbimlə verib əl-ələ, Sevgi şeirləri yazıram hələ.
Neçə ölümlərdən keçdim, ölmədim, Ölmədi dərdimdən heç kim, ölmədi. Özüm öləndə də eşqim ölmədi, Onun hər cövrünə hazıram hələ, Sevgi şeirləri yazıram hələ.
Dalımca danışıb söyməsin heç kəs, Düz olan işimi əyməsin heç kəs. Bu yaşda xətrimə dəyməsin heç kəs, Getsin öz işinin dalınca hərə, Sevgi şeirləri yazıram hələ.
Eşqim düşürməsin atından məni, Yansam, ayırmasın odundan məni. Əzrail çıxartsın yadından məni, Sevgi şeirləri yazıram hələ. 20 avqust 2015
163
164
165 DƏYDİ BU YERLƏRƏ YAZ QƏDƏMLƏRİ Susmuş bulaqların köksü çağladı, “Güneydə lalələr bayrağa döndü”. Şaxəli şimşəklər ulu dağların Əlində yellənən şallağa döndü.
Çılğın baxışlarda min arzu, istək, Titrədi könlümün kövrək simləri. Bir yanan səhraya yağan yağıştək Dəydi bu yerlərə yaz qədəmləri.
Yollar sevinclərə şaxələndilər, Bəxtinə gün doğdu “bəxti kəmlərin.” Qapımı qaranquş döydü bu səhər, Dəydi bu yerlərə yaz qədəmləri.
Dağlar qucaqlayıb dumanı, çəni, Verdi sinəsini xəfif yellərə. Bahar öz sözünü, öz nəğməsini Əlvan boyalarla yazdı çöllərə.
Sanki möcüzədir indi bu torpaq, Ömründə görməyib dünya qəmləri. Bir zərif duyğuya döndü bu torpaq, Dəydi bu yerlərə yaz qədəmləri.
Otlar həzin-həzin dinən sim oldu, Nəğmələr bürüdü bu göyü, yeri. Dünya özü boyda təbəssüm oldu, Dəydi bu yerlərə yaz qədəmləri.
Yüklə 1,96 Mb. Dostları ilə paylaş:
|