80
Topun qəbulu və ötürülməsi texnikasının təkmilləşdirilməsi.
Topun bir əllə aşağıdan ötürülməsi.
Topun bu üsulla ötürülməsi yaxın və orta məsafələrə müdafiəçinin
yüksək
ötürmələri qəbul etmək üçün hazır olduğu vəziyyətlərdə istifadə edilir. Topun
ötürülməsi üçün o, iki əllə tutulur, qıçlar azacıq bükülür, bir ayaq irəliyə qoyulur,
gövdə hərəkət istiqamətinə tərəf meyillənir. Əgər müdafiəçi sol tərəfdə yerləşirsə,
oyunçu topu sağ əllə ötürür, sol ayaq bu zaman irəlidə yerləşmiş olur və topu
müdafiəçidən qoruyur. Oyunçu topu sağ buduna axınlaşdırır, sol əli ilə topu öndən
tutur, sağ əllə isə top arxadan saxlanılır. Gövdənin ağırlığını sol
ayaq üzərinə
keçirilməklə eyni vaxtda topu irəliyə istiqamətləndirilir və bu zaman sağ əl topu
müşayiət edir (Şəkil 33).
Şəkil 33
Topun bir əllə yandan ötürülməsi.
Ötürmənin bu üsulu o zaman istifadə
olunur ki, oyunçunun qarşısında rəqib
müdafiəçi dayanmış olur və onun arxasın-
da isə oyunçunun komanda yoldaşı daya-
nır. Bu ötürmənin icrası üçün oyunçu topu
ovucunda tutaraq, qolunu yana aparmaqla
ovucunu ötürmə istiqamətinə çevirir. Cəld
yana-irəliyə addım ataraq, topu rəqibin
yanından öz yoldaşına ötürür (Şəkil 34).
Bu ötürmənin dəqiq alınması üçün atma
anında ovuc sürətlə dönür və meydançaya
perpendikulyar vəziyyət alır. Bunun müqa-
bilində isə top fırlanmağa başlayır
və dəqiq
trayektoriya ilə uçuş edir.
Şəkil 34
Çap üçün deyil
81
Topun iki əllə sinədən ötürülməsi.
Ötürmənin bu üsulu digərlərinə nis-
bətən daha tez-tez istifadə edilir. Bu zaman
top sinənin yuxarı hissəsindən sadəcə
olaraq, qol və gövdənin zərbə hərəkəti ilə
irəliyə itələnir.
Bu ötürmədə top sinə
səviyyəsində yerləşir, ovuclar topun mərkə-
zindən bir qədər arxada olmaqla, barmaqlar
onu əhatə edir. Ötürmənin yumşaq alınması
üçün əlin aşağıya, arxaya və çıxış vəziy-
yətinə olmaqla ilgəgvari hərəkəti ilə top
tərəf müqabilinə istiqamətlənir (Şəkil 35).
Şəkil 35
Topun iki əllə aşağıdan ötürülməsi.
Bu ötürmə üsulu daha çox
dayandıqdan və ya döndükdən
sonra topu qısa
və orta məsafələrə
ötürmək üçün istifadə edilir. Bu
ötürmə üsulu həm sağ, həm də sol
tərəfə icra oluna bilər. Bu zaman
top əvvəlcə arxaya, buda yaxın-
laşdırılır, sonra hər iki əlin hərə-
kəti ilə irəliyə göndərilir (Şəkil
36). Hər iki əl eyni hərəkəti ye-
rinə yetirir, və topdan eyni vaxtda
aralanır. Ötürülmə zamanı ayaq-
lar eyni vaxtda hərəkət edir, top
buda yaxınlaşdırılır, əgər
ötürmə
sağ buddan icra olunursa, o za-
man dizdən bükülmüş sol qıçla irəliyə addım atılır, və ya əksinə. Topun holay-
landırılması zamanı sağ əl sola nisbətən dirsəkdən bükülərək daha çox arxaya
aparılır. Bu vəziyyətdən hər iki əl topu yüngülcə fırlatmaqla irəliyə istiqamətlən-
dirir.
Topun iki əllə yuxarıdan ötürülməsi.
Bu ən geniş ötürmə üsulu hesab olunur, çünki bu üsuldan istifadə zamanı
rəqib komandanın oyunçusunu əks fəaliyyət imkanları məhdudlaşır. Eyni zamanda,
oyunçu çox da böyük olmayan qüvvə sərfi ilə topun dəqiq
və sürətli ötürülməsini
təmin edir. Ötürmədən əvvəl top hər iki əllə tutularaq, baş üzərinə qaldırılır,
ovuclar bir qədər arxaya aparılmış olur və topu yanlardan tutur, qıçlar, demək olar
ki, düz vəziyyətdədir, bir ayaq azacıq irəlidə yerləşir. Top əlin və ovucların kəskin
Şəkil 36
Çap üçün deyil
82
hərəkəti ilə irəliyə istiqamətləndirilir
(Şəkil 37). Əllərin hərəkəti təxminən
baş səviyyəsində yekunlaşır.
Bu ötürmə
zəruri hallarda tullanma ilə də icra edilə
bilər. Bu zaman ötürmənin əvvəlində
top qarın səviyyəsində yerləşir, qıçlar
azacıq bükülüdür və yuxarıya tullanma
zamanı top yuxarıya aparılır və ötürmə
tullanmanın ən yüksək nöqtəsində icra
olunur.
Topu döşəməyə vurmaqla
ötürmə.
Ötürmənin
bu üsulundan adətən
rəqib komandanın müdafiəçilərinin digər ötürmə istiqamətlərini kəsdikləri halda
istifadə olunur. Bu zaman, sadəcə, olaraq topu döşəməyə vurmaqla öz komanda
yoldaşına istiqamətləndirmək lazımdır. Çıxış vəziyyətində çalışıb topu döşəməyə
mümkün qədər yaxın tutmaq lazımdır, çünki top yuxarıda yerləşdikdə onun uçuş
məsafəsi artır və bu da rəqib müdafiəçinin onu ələ keçirməsinə imkan yaradır. Bu
ötürmə üsulu düz ötürmələrlə müqayisədə barmaqlarla topa daha çox nəzarət
olunmasını tələb edir.
Ötürmələrin təkmilləşdirilməsi üçün hərəkətlər:
Hər birində 3-4 şagird olan və aralarında 5-6 m məsafə olan qarşılıqlı
cərgələrdə düzülüş. Top bir əllə aşağıdan tərəf müqabilinə ötürülür.
Eyni hərəkət bir addım atmaqla tərəf müqabilinin
sinəsi səviyyəsində
ötürülür.
Eyni hərəkət tərəf müqabilinin bir addım irəliyə çıxdığı halda icra edilir.
Sol tərəfi divara olmaqla, sağ əllə topu divara vurmaq, qayıdan topu tutub
arxadan fırlatmaqla sol ələ ötürmək və hərəkəti əks tərəfə icra etmək (Şəkil 38).
Şəkil 38
Şəkil 37
Çap üçün deyil