108
olduqda
topun orta, hətta yuxarı hissəsinə vurulmalıdır. Alnın orta hissəsi ilə eyni
zamanda topu yan istiqamətə də göndərmək mümkündür. Bu zaman zərbə anında
baş və gövdə topun göndərilməsi təxmin olunan istiqamətə çevrilir (Şəkil 66).
Şəkil 66
Topa alnın yan hissəsi ilə zərbə.
Bu zərbə topun oyunçuya yan
tərəfdən (sağ və ya sol) yaxınlaşdığı
hallarda istifadə edilir. Onu icra etmək
üçün baş və gövdə topun əks istiqa-
mətinə aparılır.
Zərbəni icra etmək
üçün gövdə topa tərəf düzəldilir, baş
kəskin hərəkətlə topa yaxınlaşdırılır və
alının yan hissəsi ilə topa vurulur. Zər-
bədən sonra gövdə topun göndərdiyi
istiqamətdə hərəkəti davam etdirir
(Şəkil 67).
Şəkil 67
Tullanaraq alnın orta hissəsi ilə
topa zərbə.
Bu
zərbə oyunçunun tullanaraq
fəzada dayaqsız vəziyyətində icra olunur.
Bunun üçün tullanmanın ən yüksək
nöqtəsində öz hərəkətini düzgün koordi-
nasiya etmək lazımdır. Tullanma hər iki
qıçın eyni vaxtda təkanı ilə icra olunur.
Təkanın qaçışdan bir ayaqla, yerindən isə
iki ayaqla
icra edilməsi daha məqsə-
dəuyğundur. Zərbədən öncə gövdə və baş
arxaya aparılır. Tullanmanın ən yüksək
nöqtəsində gövdənin qısa və başın kəskin
Şəkil 68
Çap üçün deyil
109
hərəkəti ilə topa zərbə icra edilir. Bundan sonra baxışlar
topu müşayiət edir
(Şəkil 68).
Qaçışdan tullanaraq topa başla zərbə.
Qaçışdan tullanaraq topa zərbənin icrası üçün ilk növbədə təkan effektli icra
olunmalı və tullanmanın ən yüksək nöqtəsində futbolçu öz hərəkətlərini
koordinasiya etməlidir. Qaçaraq başla topa zərbənin icrası zamanı qaçış bir neçə
addımdan, təkan tək qıçla yerinə yetirilir. Bu zaman hərəkətin icrasında çox
mühüm element qarşıdan gələn topu gözləmək deyil, başla topa tərəf qarşılayıcı
hərəkət etməkdir. Zərbədən əvvəl gövdə və baş arxaya aparılır, tullanmanın ən
yüksək nöqtəsində gövdənin qısa, başın kəskin hərəkəti ilə topa zərbə vurulur
(Şəkil 69).
Şəkil 69
İcra texnikasının təkmilləşdirilməsi üçün hərəkətlər:
1.
Topu qapı dirəyindən (basketbol səbətindən, ağacdan) elə asın ki, o
başınızdan 15-20sm. hündürlükdə yerləşsin. Qaçaraq tullanıb asılmış topa alının
ortası ilə zərbələr yerinə yetirin. Hər 10 zərbədən sonra icraçılar (şagirdlər)
dəyişirlər.
2.
Topu başınız üzərinə yuxarıya atın, qıçları dizdən bükərək gövdəni və
başı arxaya aparın, kürək və boyun əzələlərini gərginləşdirin.
Top zərbə üçün
əlverişli hündürlüyə çatdıqda gövdənin və başın irəliyə, yuxarıya kəskin hərəkəti
ilə topa zərbə endirin. Qıçlar başla zərbə anı eyni vaxtda düzəldilir.
3.
Topu başınız üzərinə yuxarıya atın və yerindən başın topa zərbəsi ilə onu
1-2metrlik məsafədən divara vurun. Hərəkəti 15-20 dəfə təkrar edin.
4.
Yoldaşlarınızla 3-4m. məsafədə dairə qurun və topu başın zərbəsi ilə bir-
birinizə ötürün. Topu yerə düşməməyə və ona daha çox başla zərbə endirməyə
çalışın. Tədricən ara məsafəsini artırın.
5.
Başla topa zərbələri təkmilləşdirmək məqsədi ilə aşağıdakı şəkildə
göstərilən müxtəlif variantlarından istifadə etmək olar (Şəkil 70, 71).
Çap üçün deyil
111
Top dayandırmalar
Oyun prosesində müxtəlif texniki fəndlərin icrası üçün ilk növbədə topa
yiyələnmək və ya onu dayandırmaq zərurəti meydana çıxır. Bu texniki fəaliyyət
müxtəlif üsullarla yerinə yetirilir. Siz artıq aşağı siniflərdə bu üsulların icra
bacarıqlarına yiyələnmişsiniz. 9-cu sinifdə top dayandırmanın icra texnikasının
təkmilləşdirilməsi nəzərdə tutulur. Çünki topun hərəkət istiqamətindən, uçuş
sürətindən, rəqibin fəal müdafiə fəaliyyətindən asılı olaraq topdayandırmanın
düzgün və vaxtında icrası oyunun gedişində mühüm əhəmiyyət kəsb edir.
Qarşıdan diyirlənərək gələn topun ayağın altı ilə dayandırılması.
Top qarşıdan oyunçuya tərəf gəldiyi hallarda onun ayağın altı ilə
dayandırılmasından istifadə olunur. Bu üsulla topun dayandırılması o
qədər də
çətin deyildir. Lakin diqqət tələb edir. Topu dayandıracaq ayağın qıçı dizdən azacıq
bükülü vəziyyətdə qarşıdan yaxınlaşan topa tərəf aparılır. Ayağın azacıq yuxarı
qaldırılmış pəncəsi və aşağıya endirilmiş dabanı top üzərində çəpəki «dam» təşkil
edir. Dayaq ayağının pəncəsi isə topun hərəkət istiqamətində yerləşir. Top ayaq
altına toxunduğu anda qıç dizdən bükülərək arxaya çəkilir, top yerə yumşaq sıxılır,
gövdə irəliyə topun üstünə tərəf əyilir.
Şəkil 72
İcra texnikasının təkmilləşdirilməsi üçün hərəkətlər:
1.
Cütlükdə icra olunur: Bir oyunçu topu qarşıda 4-5 m. məsafədə yerləşən
tərəf müqabilinə istiqamətləndirir. O isə topu pəncənin daxili hissəsi və ya ayağın
altı ilə saxlayır. Hər bir oyunçu hərəkəti ayrı-ayrı üsullarla 10-15 dəfə təkrar edir.
Sonra şagirdlər yerlərini dəyişirlər.
2.
Top baş üzərinə yuxarıya, elə atın ki, onu dayandıracaq ayaq tərəfdən
aşağıya ensin və yerə dəyib qalxdıqda pəncənin daxili hissəsi ilə onu dayandırın.
Çap üçün deyil