ğu mövqeyindən, vəzifəsindən asılı olmayaraq, müasir
dövlət məmuru hər bir
sahədə kulturoloji yanaşmanı yaxşı bilməli və buna əməl etməlıdir. Belə olar-
sa, şəxsiyyətin hərtərəfli inkişafı yüksək səviyyədə təmin olunar, idarə aparatı
dəqiqliklə normal fəaliyyət göstərə bilər.
Əsərlə tanış olanda aydın olur ki, kitabda göstərilən səmərəli idarəçilik
metodunun əsasını müəllifın şəxsən işləyib hazırladığı və bütün idarəçilik
məsələlərinə cavab verən universal “kulturoloji piramida” metodu təşkil edir.
Ona görə də kitabdakı materiallar dövlət idarəçiliyi mədəniyyətinin bütün tə-
rəflərini əhatə edir. Buradakı kulturoloji məntiq budur ki, idarəçilikdə yüksək
nailiyyətlər yalnız idarəçilik mədəniyyətinə sahib olmaqla mümkündür.
Əsər tələbələr, məmurlar və ümumilikdə bütün cəmiyyət üçün faydalı və
zəruridir. Bütövlükdə əsər bugünkü Azərbaycan təhsilinin ruhuna uyğundur.
Müəllim və tələbələrin kulturologiya elminə olan ehtiyacını tam ödəyən bir
dərs vəsaitidir.
Müəllif çox haqlı olaraq beynəlxalq idarəçiliyin əsasının beynəlxalq mü-
nasibətlər mədəniyyətindən asılı olduğunu göstərir.
Əsəri oxuyanda görürsən və yaxşı mənada heyrət edirsən ki, bugünkü cə-
miyyətdə baş verən bütün prosesləri müəllif çox həssaslıqla verə bilmişdir.
İdarəçilikdə inkişaf etmiş dünya ölkələrinin demokratik, iqtisadi, etik,
davranış, peşə hazırlığı, şəxsiyyətin özünüidarə və liderlik mədəniyyətinin
öyrənilməsinin və tətbiq edilməsinin əhəmiyyəti vurğulanır.
Təkrardan çəkinmədən deyə bilərik ki, professor Fuad Məmmədovun bu
əsəri təqdirəlayiq əsərdir. Ona ğörə də bu kitabın nəşr olunub geniş yayılması
çox vacibdir, bunu mən də ürəkdən istəyirəm”
M usa Quliyev,
tatix elmləri doktoru, AR Prezidenti yanında Dövlət
Idarəçilik Akademiyası Doktorantura şöbəsinin rəhbəri
“Azərbaycanın dövlət müstəqilliyinin bərpasından sonra yeni tədris olu-
nan fənlər sırasında “İdarəetmə mədəniyyəti” fənninin əhəmiyyəti ondan
ibarətdir ki, yeni dövlət quruculuğu üçün hazırlanan kadrların mənimsədiyi
bilgilər içərisində universallığı və spesifıkliyi ilə fərqlənir. Effektiv idarəçi-
liyin innovativ modellərini qurmaq üsullarını tədris edən əsərə dərs vəsaiti
kimi böyük ehtiyac vardır. Müəllif kitabın əvvəlində idarəetmə mədəniyyə-
tinə yiyələnmənin özəlliyini şərh edir. Dərs vəsaiti həm nəzəri, həm də təc-
rübi bilikləri mahiyyətinə görə uzlaşdırır. Dövlətçiliyə və dövlət idarəçiliyi-
nə kulturoloji baxışı təhlil etməklə yanaşı şəxsiyyətlərin və liderlərin for-
malaşmasında, dövlətçilik mədəniyyətinin və strateji idarəçiliyin təkmilləş-
məsində kulturologiyanın metodoloji əhəmiyyətindən bəhs edilir. Müxtəlif
Fuad Məmmədov
24
Idarəetmə mədəniyyəti
ictimai, siyasi, dövlət idarəçiliyi sahələrində idarəetmə mədəniyyətinin təs-
nifatı verilir.
Xarici ölkələrin təcrübəsini təhlil edən müəllif idarəetmə mədəniyyəti-
nin Azərbaycanda tətbiqi yolları barəsində elmi əsaslı müddəalar irəli sürür.
Fuad Teyyub oğlu Məmmədovun “İdarəetmə mədəniyyəti. Xarici ölkə-
lərin təcrübəsi” adlı dərs vəsaiti nəinki Dövlət İdarəçilik Akademiyasında,
həmçinin respublikanın digər ali məktəblərində təhsil alan tələbələr üçün
son dərəcə faydalı vəsaitdir. Bu baxımdan bu dərs vəsaitinin nəşr olunması
məqsədə müvafiqdir”.
Firdovsiyyə Əhmədova,
Azərbaycan Respublikasının Prezidenti
yanında Dövlət IdarəçilikAkademiyası
Tarix kafedrasının müdiri, dosent
“Professor Fuad Teyyub oğlu Məmmədovun dərs vəsaiti kimi tövsiyə
olunmuş “İdarəetmə mədəniyyəti. Xarici ölkələrin təcrübəsi” kitabı ensik-
lopedik xarakter daşıyan, fundamental bir əsərdir.
Bu monoqrafik əsərdə - insanın, ailənin, personalın, cəmiyyətin və döv-
lətin idarə edilməsi fəlsəfəsi və texnologiyaları, orijinal tədqiqat metodları
ilk dəfə olaraq, kulturoloji səpkidə dərindən təhlil edilmiş və yaradıcı for-
mada verilmişdir.
Milli inkişaf və milli təhsilin tələbatlarının təhlili əsasında, burada döv-
lət idarəçiliyi sisteminin inkişafı və təkmilləşdirilməsi üçün elmi və praktik
dəyəri olan ABŞ, Birləşmiş Krallıq, Almaniya, Fransa, Yaponiya və başqa
demokratik ölkələrin dövlət idarəçiliyi orqanlarının strukturu, funksiyaları,
xüsusiyyətləri, texnologiyaları və modelləri təsvir edilmişdir.
Eyni zamanda əsərdə qərb ölkələrində idarəetmə elminin əsas mərhələ-
ləri, məktəbləri və nailiyyətləri, “biliklər iqtisadiyyatı”nın inkişafını təmin
edən demokratik ölkələrin təcrübəsi ardıcıl şəkildə öz əksini tapmışdır. Bu-
rada qərb ölkələrində uğurla istifadə olunan elmi idarəetmə prinsipləri, təş-
kilat mədəniyyəti növləri, federal və unitar ölkələrdə dövlət qulluğu, bələ-
diyyələrin və QHT-lərin idarəetmə təcrübəsi göstərilmişdir. Monoqrafiyada
Maks Veberin, Vudro Vilsonun, Anri Fayolun, Leonard Uaytın, Piter Dru-
kerin, Li Yakokkanın, Qriqori Atamançukun və bir çox başqa tanınmış
alimlərin dünya idarəetmə elminə verdikləri töhfələr açıqlanmışdır.
Bununla yanaşı müəllif öz dəyərli kulturoloji metodologiyasını və tədqi-
qat metodlarını işləyib hazırlamışdır. Bunlardan “kulturologiya piramidası”
universal metodunu, idarəetmənin effektivlik formulunu, istehsalın effek-
tivlik formulunu, idarəetmənin uğur formulunu, sosial-mədəni tərəqqi for-
mulunu və bir çox başqalarını göstərmək olar.
25