İdarəetmə mədəniyyəti
zarəti mühüm yeri tutur. Parlament müvəkkilinin vasitəçilik institutu qa-
nunverici və icra hakimiyyətləri arasında ziddiyyətləri aradan qaldırıb, mü-
nasibətləri harmonizasiya etmək iqtidarındadır.
Məlumdur ki, milli, sosial və ümumbəşəri dəyərlərin və ölkə vətəndaşla-
rının maraqlarının əsas konsolidasiya forması olan hüquqi dövlətdə - dövlə-
tin məqsədləri və iradəsi inzabati-dövlət idarəetmə sisteminin köməyi ilə
reallaşdırılır. İnzibati dövlət idarəçiliyi termini ilk dəfə, 1986-cı ildə demo-
kratik hökuməti elmi idarəetmə metodları olmayan, səriştəsiz elan edən
ABŞ-ın respublika partiyasının proqramına daxil edilmişdir. 1990-cı ildən
dövlət inzibatçılığı ABŞ-ın və Qərbi Avropanın aparıcı ali məktəblərində
tədris proqramlarının bir hissəsi oldu. İdarəetmə mədəniyyətinin tədqiqat
prinsipləri kimi, elmdə qəbul olunmuş - analiz və sintez, induksiya və de-
duksiya, müqayisə və ümumiləşdirmə prinsiplərindən istifadə edilir. Meto-
doloji baxımdan, idarəetmə mədəniyyəti problemlərinin nəzəri təhlili üçün,
kulturologiyada tətbiq edilən, təhlilin müxtəlif metodlarını nəzərdə tutan
sistemli yanaşmadan istifadə edilir. Bu metodların məcmusu siyasi, sosial
və iqtisadi xarakterli strateji qərarların hazırlanması və qəbul edilməsi üçün
praktik əhəmiyyət daşıyır. Dövlət qulluğu, idarəetmə elminə istinad edərək,
cəmiyyətin rifahı və təhlükəsizliyinin, sosial tərəqqinin və dövlətin özünün
həyat qabiliyyətinin asılı olduğu strateji məsələlərin həllini təmin edir.
Müasir demokratik ölkələrdə dövlət idarəçiliyi - insanların maddi rifahı-
nın və həyat keyfiyyətinin yüksəldilməsinin, ictimai tərəqqinin və xalqın
təhlükəsizliyinin təmin edilməsi məqsədini daşıyan, cəmiyyətin istehsal və
sosial həyat fəaliyyətinin təşkili üzrə dövlət aparatının fəaliyyətidir. Dövlət
idarəçiliyi dövlət quruculuğunun bütün başlıca proseslərinin (iqtisadi inki-
şaf, elm, təhsil, maarif, incəsənət, texnika, texnologiya və insanların digər
fəaliyyət sahələrinin) elmi əsaslar üzrə planlaşdırılmasını və dünya siviliza-
siyasının zaman və məkan çərçivəsində ölkənin gələcək inkişafının proq-
nozlaşdırılmasını nəzərdə tutur. Dövlət idarəçiliyinin mühüm prinsiplərin-
dən biri - məmurlarım məsuliyyət mədəniyyətinə əsaslanan, qanunların də-
qiq və şərtsiz icrasını, dövlət aparatının fəaliyyətində nizamın və dövlət in-
tizamının qorunmasını nəzərdə tutan qanunilikdir. Dövlət quruculuğu və
dövlət idarəçiliyində qanunilik prinsipinə riayət edilməsi, - dövlət orqanla-
rının ölkə konstitusiyasına ciddi uyğunluqda yaradılması; hər bir orqanın və
müəssisənin səlahiyyət hədlərinin dəqiq müəyyən edilməsi; dövlət hakimiy-
yətinin ali orqanları tərəfindən qəbul edilən dövlət normativ aktlarının qa-
nunlara tam uyğunluğu; vəzifəli şəxslər və ölkə vətəndaşları tərəfindən qa-
nunun tələblərinin və digər normativ aktların yerinə yetirilməsinin məcburi-
liyi ilə şərtlənir. Demokratik ölkələrdə ölkənin idarə edilməsində dövlət or-
61
qanları ilə yanaşı qeyri-hökumət təşkilatları, həmkarlar ittifaqları və digər
ictimai birliklər də iştirak edir.
Dövlət müstəqilliyi, davamlı inkişaf, rəqabət qabiliyyəti və dövlətin təh-
lükəsizliyi ilə şərtlənən ruhi və maddi istehsalın bütün sahələrində inkişaf
sürəti və fəaliyyət keyfiyyəti dövlət idarəçiliyi effektivliyindən həlledici də-
rəcədə asılıdır. Qeyri-məhsuldar dövlət idarəçiliyi bağışlanılmaz vaxt itkisi-
nə, insanın, maliyyə və xammal ehtiyatlarının özünü doğrultmayan (bəzən
isə əvəzedilməz) israfına gətirib çıxara bilər.
Demokratik idarəçilik mədəniyyətinin
əsas tələblərindən biri, demokra-
tik dövlətlərin malik olduğu idarəçilik strukturlarının - hakimiyyət səlahiy-
yətlərinin, inzibati, maliyyə və hüquqi vəsaitlərin cəmiyyətin inkişafı, rifa-
hın və həyat keyfiyyətinin yüksəldilməsi maraqlarında düzgün istifadə edil-
məsidir. Sovet dövründən irsən keçmiş köhnəlmiş mədəniyyət sistemi və
quruluşu, dövlət idarəetmə mexanizmlərinin qeyri-mükəmməlliyi - kulturo-
loji innovasiyalar üzərində qurulmuş, dünya sivilizasiyasının inkişaf təcrü-
bəsini yaradıcılıqla istifadə edən demokratik idarəetmənin yeni texnologi-
yalarının köməyi ilə aradan qaldırıla bilər və aradan qaldırılmalıdır.
İctimai münasibətlərin möhkəmləndirilməsi və tənzimlənməsinin mü-
hüm xidmət vasitəsi olan hüquq, - dövlətçilik və dövlət idarəçiliyinin inki-
şafında böyük rol oynayır. Demokratik ölkələrdə hüquq obyektiv tarixi xa-
rakter daşıyır, müəyyən sosiumların korporativ maraqlarını əks etdirən sosi-
al sifarışlərin icra vasitəsinə deyil, bütün cəmiyyətin ümummilli həmrəylik
maraqlarına xidmət edir. Məlumdur ki, tarixi səciyyəsindən asılı olmayaraq,
hər bir dövlət mütləq onun iradəsini ifadə edən hüquq yaradır və istifadə
edir, onun köməyi ilə öz funksiyalarını həyata keçirdiyi qanunları təyin və
tətbiq edir, hökumət orqanları ilə qarşılıqlı münasibətləri tənzimləyir, və-
təndaşların hüquqları və vəzifələrini müəyyənləşdirir. Beləliklə, heç bir
dövlətçilik dövlət tərəfindən qurulmayan, tətbiq edilməyən və qorunmayan
hüquq olmadan keçinə bilməz. Hüququn sosial mahiyyəti dövlətin ruhi və
maddi mədəniyyəti, rəhbərlərin şüuru və iradəsi, cəmiyyətin tarixi şəraitlə
şərtlənən tələbatları, onun inkişafının ideoloji istiqamətləri, siyasi və iqtisa-
di xüsusiyyətləri ilə müəyyən edilir.
Tarixi inkişaf prosesində insan münasibətləri mədəniyyətinin təsiri altın-
da dövlətin və hüququn xarakteri dəyişir. Əgər quldarlıq və feodal cəmiy-
yətlərində, həmçinin kapitalist və sosialist dövlətçiliyinin ilkin mərhələlə-
rində dövlət və hüquq - bəzi siniflərin digər siniflər üzərində diktatura və
monopoliya hökmranlığı vasitəsi kimi nəzərdən keçirilirdisə, müasir de-
mokratik ölkələrdə bu, sosial institutların təkamül inkişafının - şəxsiyyətin
və cəmiyyətin maraqlarının ahəngdarlıq vasitələri kimi nəzərdən keçirilmə-
si qəbul edilmişdir.
Fuad Məmmədov
62