ßËÈ ÙßÑßÍÎÂ
58
əmin oldu. Azərbaycan hökuməti ilə əməkdaşlıq etməyə
başladı.
Milli Şura Avropa dövlətləri ilə beynəlxalq əlaqələrin
yaradılmasında demokratik prinsiplərin göstərə biləcəyi təsiri
də nəzərə alırdı. Azərbaycanda parlament üsul-idarəsinin təsis
edilməsi Avropa dövlətləri ilə əlaqələrin yaradılmasında mü-
hüm addım ola bilərdi. Bu məqsədlə Milli Şuranın noyabrın
16-dakı iclasında parlament üsul-idarəsinin yaradılması məsə-
ləsinə baxıldı. Noyabrın 19-da seçki qanunu qəbul edildi.
Dekabrın 7-də parlamentin ilk iclasının keçirilməsi Azər-
baycan Respublikasının istər daxili, istərsə də xarici siyasət
sahəsində mühüm hadisə oldu. İclasda hökumətin başçısı Fətəli
xan Xoyski hesabat xarakterli məruzə ilə çıxış etdi. Milli
hökumətin daxili və xarici siyasətinin xüsusiyyətləri və qarşıda
dayanan vəzifələr haqqında məlumat verdi. O, xarici siyasət
sahəsi ilə bağlı çıxış edərkən Azərbaycanın ətrafında yaranmış
beynəlxalq vəziyyətə aydınlıq gətirməyə çalışırdı. Xoyski
vaxtilə türk qoşunlarının Bakıda olması, Mondros barışığından
sonra isə müttəfiqlərin Bakıya gəlməsi məsələlərinə hökumətin
münasibətini bildirdi.
Dekabrın 26-da yeni hökumət kabinəsi yaradıldı. Bu hadi-
sədən iki gün sonra müttəfiqlərin Bakıdakı nümayəndəsi
general Tomson Azərbaycan hökumətini tanıdığını bəyan etdi.
Bəyanatda bütün Azərbaycan ərazisində koalisiyalı hökumətin
yeganə qanuni hakimiyyət olduğu və müttəfiq hərbi qüvvələrin
komandanlığının bu hökumətə hərtərəfli yardım göstərəcəyi
bildirilirdi. Balkanlarda və Qafqazdakı Böyük Britaniya qoşun-
larının baş komandanı, general Corc Miln də İngiltərənin
Azərbaycan hökumətini bu ölkənin ərazisində yeganə qanuni
hakimiyyət kimi tanıdığını bəyan etdi. Azərbaycan hakimiy-
yətinin qanuni olması barədə belə bəyanatların verilməsi
Cümhuriyyət hökumətinin diplomatik uğuru idi. Bununla eyni
ÀÇßÐÁÀÉÚÀÍÛÍ ÝÅÎÑÈÉÀÑßÒÈ
59
zamanda Azərbaycana düşmən olan ölkələrə bir xəbərdarlıq
edilirdi.
Beləliklə, Mondros barışığından sonra uğursuzluqla üzlə-
şən Azərbaycan hökuməti Bakıya gəlmiş müttəfiq qoşunların
komandanlığı ilə diplomatik münasibətlər qurmağı bacardı.
Ardıcıl diplomatik təşəbbüslərin və danışıqların nəticəsində
müttəfiq qoşunların komandanlığı Azərbaycan hökumətini de-
fakto tanıdı, onunla əməkdaşlıq etməyə başladı və ölkə ərazi-
sində qayda-qanun yaradılması üçün öz səylərini göstərdi.
Hətta, Milli hökumətə qarşı mütəmadi təxribatlar törədən və
qiyam qaldıran erməni-daşnak silahlı qüvvələrinə ciddi xəbər-
darlıq etdi.
Hökumətin qarşısında Azərbaycanın beynəlxalq vəziyyə-
tinə və geosiaysətinə həlledici təsir göstərə biləcək Paris sülh
konfransına hazırlıq və bu mötəbər tədbirdə iştirak edəcək
nümayəndə heyətini təşkil etmək kimi mühüm vəzifə daya-
nırdı. Azərbaycan hökuməti hələ 1918-ci ilin noyabrında
general V. Tomsonla danışıqlar zamanı Azərbaycanın beynəl-
xalq sülh konfransında iştirak edəcəyinə təminat almışdı. Bö-
yük Britaniya komandanlığı Azərbaycana dair bütün müba-
hisəli ərazi məsələlərinin sülh konfransının qərarları əsasında
ədalətili həll ediləcəyinə müəyyən vədlər verirdi. Azərbayca-
nın İstanbuldakı nümayəndəsi Ə.Topçubaşov sülh konfran-
sında Cənubi Qafqaz respublikalarının vahid nümayəndəliklə
iştirak etməsini nəzərdə tutaraq, dekabrın 16-da Azərbaycan
Xalq Cümhuriyyəti Nazirlər Şurasının sədrinə məktubunda
qeyd edirdi ki, yaranmış tarixi şəraitdə Qafqaz xalqlarının
dövlət müstəqilliyinin tanınmasının yeganə yolu azərbaycanlı-
ların, gürcülərin və ermənilərin razılaşdırılmış birgə addım
atmalarından keçir: “Bu xalqların milli siyasi ideallarında hər
hansı fərq olursa-olsun, indi onların hamısının müstəqilliyi
sülh konfransında birgə işlərdən və birgə çıxışlardan asılıdır.”
ßËÈ ÙßÑßÍÎÂ
60
Bəhs olunan məqsədlə hər üç xalqın nümayəndələrinin
iştirakı ilə Transqafqaz konfederativ nümayəndəliyinin yaradıl-
masını nəzərdə tutan memorandum hazırlanması qərara alınır.
Sənəd Fransa, Böyük Britaniya, ABŞ, İtaliya, Yunanıstan və
Yaponiyanın diplomatik nümayəndəliklərinə təqdim edilir.
Lakin birgə nümayəndəlik yaratmaq ideyasının böyük döv-
lətlər arasında gedən geosiyasi mübarizə və Cənubi Qafqaz
xalqları arasındakı qızışdırılan düşmənçilik nəticəsində reallaş-
dırmaq mümkün olmadı. Gərgin münasibətlərin yaranmasına
başlıca səbəb rusların təhriki ilə erməni siyasi və hərbi dairələ-
rinin Azərbaycana və Gürcüstana qarşı əsasız ərazi iddiaları
irəli sürmələri, qatı antitürk düşməçiliyi nümayiş etdirməsi ilə
bağlı idi.
Azərbaycan Milli Şurası dövlət müstəqilliyinin tanıdılma-
sında və qorunub saxlanılmasında Paris sülh konfransının
mühüm rol oynayacağını nəzərə alıraq noyabrın 28-də “Bütün
Azərbaycan əhalisinə” müraciət qəbul etdi. Bu müraciətdə
müstəqilliyin tanınması və zalqın milli dövlət arzularının
reallaşmasında Paris sülh konfransının gələcək roluna böyük
ümid bəsləndiyi qeyd olunurdu.
Dekabrın 26-da təşkil olunan üçüncü hökumət kabinəsi
parlamentin Ağsaqqallar Şurası ilə birlikdə Paris sülh konfran-
sında iştirak edəcək Azərbaycan nümayəndə heyətini seçdi.
Nümayəndə heyətinin sədri Xarici işlər naziri Ə.Topçubaşov,
onun müavini isə hökumət üzvü M.Hacınski təyin edildi. Paris
konfransına əsasən dövlət və hökumət başçıları dəvət olundu-
ğundan və Topçubaşovun özü o zaman İstanbulda olduğundan,
onun iştirakı olmadan iclasda o, həm də Azərbaycan parlamen-
tinin sədri seçilərək sülh nümayəndə heyətinin rəhbəri təyin
edildi. Topçubaşovun nümayəndə heyətinə sədr seçilməsi sə-
bəbsiz deyildi. O, bir neçə xarici dili və beynəlxalq hüquq
məsələlərini mükəmməl bilirdi, kifayət qədər tanınmışdı, nüfuz
sahibi idi.
Dostları ilə paylaş: |