ÀÇßÐÁÀÉÚÀÍÛÍ ÝÅÎÑÈÉÀÑßÒÈ
61
Parisə getmək üçün viza almaq məsələsində müxtəlif
səbəblər və bəhanələrlə əngəl törədərək fransızlar Azərbaycan
nümayəndə heyətini üç ay İstanbulda gözləməyə məcbur etdi-
lər. Böyük çətinliklərə və süni maneələrə baxmayaraq, Azər-
baycan hökumətinin Paris sülh konfransında öz nümayəndə-
lərinin iştirak etmələri üçün göstərdiyi səylər nəticəsini verdi.
Nəhayət, nümayəndə heyəti Fransaya yola düşdü. Azərbaycan
nümayəndə heyətinə viza verilməsi məsələsinə və səfər xərc-
lərinə ABŞ hökuməti yardım etdi. Lakin nümayəndə heyətinin
üzvlərinin heç də hamısı viza ala bilmədi. Onların bəzisi
İstanbulda ingilislər tərəfindən həbs edilərək Paris səfərindən
yayındırıldı. Böyük çətinliklərlə Parisə gələn Topçubaşov
başda olmaqla nümayəndə heyəti gərgin fəaliyyətə başladı.
Azərbaycanın müstəqilliyi məsələsi ilk dəfə olaraq 1919-
cu il mayın 2-də ABŞ prezidenti V. Vilsonun təşəbbüsü ilə
ABŞ, Böyük Britaniya, Fransa və İtaliya hökumət başçılarının
təmsil olunduğu Dördlər Şurasının iclasında müzakirə edildi
11
.
V. Vilson Azərbaycan Respublikasından olan nümayəndələrin
Versal sülh konfransına buraxılmasının məqsədəuyğun olduğu-
nu qeyd edərək, Topçubaşovu Azərbaycan nümayəndə heyə-
tinin başçısı kimi qəbul etməyin tərəfdarı olduğunu bildirdi.
Azərbaycan nümayəndə heyəti Fransaya gəldiyi ilk gün-
dən etibarən Azərbaycanın siyasi, iqtisadi və hərbi vəziyyəti ilə
bağlı məsələləri Avropa dövlətlərinin bu ölkədəki diplomatik
nümayəndələrinin diqqətinə çatdırmaq üçün fəaliyyətə başladı.
Mayın 23-də onlarla ingilis nümayəndə heyətinin üzvü Luiz
Mallet arasında görüş keçirildi. Bu görüş Britaniya –Azər-
baycan əlaqələrində böyük əhəmiyyətli bir hadisə idi.
11
Notes of Meeting Held at President Wilson’ s House in the Place des Etats-
Unis, Paris, on Friday, May 2, 1919, at 11 a.m.- Papers Relating to the Foreign
Relations of the United States. The Paris Peace Confenrence. Volume V.
Washington, United States Government Printing Office, 1946, p. 407.
ßËÈ ÙßÑßÍÎÂ
62
Mayın 28-də Ə.M.Topçubaşovun ABŞ nümayəndə heyə-
tinin üzvü Q.Morqentau ilə görüşündə isə ABŞ-ın Azərbaycan
hökumətinə maliyyə yardımı göstərməsinin mümkünlüyü
məsələləri müzakirə olundu.
Azərbaycan nümayəndə heyətinin üzvləri üçün ən mühüm
hadisə onların mayın 28-də ABŞ Prezidenti V.Vilson tərəfin-
dən qəbul edilməsi idi. Nümayəndə heyətinin rəhbəri Ə.Topçu-
başov görüşdə prezident V.Vilsona müraciət edərək Azər-
baycanın Millətlər Cəmiyyətinə üzv qəbul ediləcəyinə və ABŞ
tərəfindən Azərbaycana yardım göstəriləcəyinə ümid etdiyini
bildirdi. O, Avropa və Amerika mətbuatında Azərbaycan
haqqında qərəzli və saxtalaşdırılmış yazılar dərc edildiyini əsas
gətirərək bu konfransda əsl həqiqətlər haqqında məlumat
vermək üçün imkan yaranacağını qeyd etdi. Azərbaycan sülh
nümayəndə heyətinin başçısı azərbaycanlı, gürcü, erməni və
dağlılardan ibarət konfederasiya yaratmağın mümkün olduğu-
nu vurğuladı və Qafqaz Azərbaycan Respublikası nümayəndə-
lərinin memorandumunu V.Vilsona təqdim etdi. Bu memo-
randumda Azərbaycanın istiqlaliyyətinin əldə etməsi tarixi,
milli hökumətin gördüyü işlər, parlamentin yaradılması və s.
mühüm məsələlər öz əksini tapmışdı.
Azərbaycan nümayəndə heyəti V.Vilsonla görüşdə bir
neçə bənddən ibarət tələblər də irəli sürmüşdü. Burada ABŞ
prezidentindən onların yerinə yetirilməsinə köməklik göstər-
məsi xahiş olunurdu. Həmin tələblərdə Azərbaycanın müstəqil-
liyinin tanınması, Vilson prinsiplərinin Azərbaycan Respub-
likasına da aid edilməsi, Azərbaycan nümayəndələrinin sülh
konfransına buraxılması, Azərbaycanın Millətlər Cəmiyyətinə
üzv qəbul edilməsi, ABŞ-ın Azərbaycana hərbi yardım göstər-
məsi, ABŞ və Azərbaycan Respublikası arasında diplomatik
münasibətlərin yaradılması və s. məsələlər irəli sürülürdü.
Tədqiqatçıların fikrinə görə Azərbaycan nümayəndə heyə-
tinin V. Vilsona təqdim etdikləri tələblər tam reallığa əsas-
ÀÇßÐÁÀÉÚÀÍÛÍ ÝÅÎÑÈÉÀÑßÒÈ
63
lanırdı və öz müstəqil dövlətinin tanmasını və sivil beynəlxalq
münasibətlər sistemində qatılmasını nəzərdə tutaraq xoş bir
məqsədi sənəd idi. Lakin bütün cəhdlərə baxmayaraq Azər-
baycan tərəfinin bu ədalətli tələbləri nə V.Vilson, nə də ki, sülh
müqaviləsində həlledici mövqeyə malik digər əsas dövlətlər
tərəfindən qəbul edildi. Paris sülh konfransı Azərbaycanın isti-
qlaliyyətinin tanınması məsələsini açıq saxladı. Belə bir möv-
qenin tutulması da səbəbsiz deyildi. ABŞ və onun müttəfiqləri
dünyanı kiçik hissələrə bölmək niyyətində deyildilər.Yaranmış
şəraitdə onlar imperiyaların maraqlarını əsas götürərək Cənubi
Qafqazda yeni müstəqil dövlətlərin yaradılması və ondan irəli
gələn geosiyasi vəziyyətə hazır deyildilər. Bu da o dövrün bir
çox geosiyasi, geostrateji və iqtisadi maraqları və müttəfiq-
lərarası münasibətlərə təsir göstərən digər məsələlərlə bağlı idi.
ABŞ-ın Cənubi Qafqaza dair geosiyasi niyyətləri hələ ki,
kifayət qədər aydın deyildi.
Bununla belə, V.Vilson Azərbaycanın və digər siyasilərin
Ümumi Qafqaz Federasiyası yaratmaq ideyasına nikbin
yanaşaraq bu niyyəti təqdir edir və yaradılacağı təqdirdə belə
qurumun Millətlər Cəmiyyətinin dəstəyi ilə hər hansı bir
dövlətin köməyinə arxalana biləcəyini real sayırdı.
V.Vilson Azərbaycan nümayəndələrinə irəli sürdükləri
tələblərini sülh konfransının katibliyinə təqdim etməyi tövsiyə
etdi. 14 bölmədən ibarət olan və özündə mühüm tarixi, siyasi
və diplomatik məsələləri əks etdirən “Qafqaz Azərbaycanı
Respublikasının nümayəndəliyinin Paris sülh konfransına
memorandumu” adlı bu fundamental sənəd böyük əhəmiyyət
daşıyırdı. Memorandum Cənubi Qafqazdakı vəziyyəti, Azər-
baycanın ictimai, siyasi, hüquqi və beynəlxalq məsələlərə
yanaşması və mövqeyini əks etdirir, onun əhalisi, ərazisi və
sərhədləri ilə bağlı məsələləri əhatə edirdi.
Memorandumda Azərbaycan Respublikası hökumətinin
nəzarətində olan mübahisəsiz ərazinin 94.137,38 kv.km olduğu
Dostları ilə paylaş: |