ÀÇßÐÁÀÉÚÀÍÛÍ ÝÅÎÑÈÉÀÑßÒÈ
55
fəallığı və Osmanlının dəstəyi nəticəsində Almaniya hökuməti
27 avqust tarixli müqaviləyə əlavənin hüquqi qüvvəsini itir-
diyini bildirdi, Azərbaycan Xalq Cümhuriyyətini müstəqil
dövlət kimi tanıyacağına və tezliklə Bakıda konsulluq aça-
cağına söz verdi.
Bu dövrdə milli hökumət dünyada və regionda gedən
ictimai-siyasi proseslərə mühüm təsir göstərən Avropa döv-
lətlərində Azərbaycan nümayəndəliklərini yaratmağı əsas
vəzifələrindən biri hesab edirdi. Lakin Bakının azad edilməsi
ilə barışa bilməyən sovet Rusiyasının təzyiqləri artırdı.
Bolşevik hökuməti türk ordusunun Bakıdan çıxmasını tələb
edirdi. Bununla bağlı rus və türk nümayənədlərinin Berlində
keçirilən görüşlərində Osmanlı hökumətinin siyasi-diplomatik
xadimləri Bakını tərk etməyəcəklərini, edəcəkləri təqdirdə isə
şəhəri öz sahibi olan azərbaycanlılara verəcəyini bəyan etdilər.
§1.5. Müharibənin başa çatmasından sonra Cənubi
Qafqazda geosiyasi vəziyyətin dəyişməsi və Xalq
Cümhuriyyəti hökumətinin diplomatik manevrləri
Birinci dünya müharibəsinin başa çatması ərəfəsində hər
şey Osmanlı imperiyası və onun müttəfiqlərinin istəyinin
əksinə gedirdi. Onların bir-birinin ardınca müharibədə ciddi
məğlubiyyətə uğraması Cənubi Qafqazda da vəziyyətə ciddi
təsir göstərərək yeni geosiyasi şərait yaranmağa başlandı.
Oktyabrın 30-da Osmanlı nümayəndələrinin Mondros limanın-
da ingilis komandanlığı ilə öz məğlubiyyətlərini etiraf edərək
imzaladıqları sazişdən sonra Cənubi Qafqaza yenidən Böyük
Britaniya qüvvələrinin gəlişi imkanı yarandı. Barışığın şərtləri
Azərbaycan dövləti və onun gələcək geosiyasi maraqlarının
təmin olunması üçün tam mənfi perspektivlərdən xəbər verirdi.
Müqavilənin 11-ci maddəsində Osmanlı ordusunun tezliklə
ßËÈ ÙßÑßÍÎÂ
56
Azərbaycanı və Transqafqazı tərk etməsi nəzərdə tutulurdu.
Azərbaycandakı türk ordusu hissələrinin bir həftədən gec
olmayaraq Bakını, bir aydan sonra isə bütün Azərbaycanı tərk
etmələri haqqında şərt qoyulurdu. Müqavilənin 15-ci maddə-
sinə görə, Osmanlının əlində olan Cənubi Qafqaz dəmiryolu
müttəfiq qüvvələrin nəzarətinə keçməli idi. Həmçinin, bu
müqavilə müttəfiqlərin Batum şəhərini və limanları tutmasına
da əsas yaradırdı. Belə vəziyyət Azərbaycan hökumətinin ciddi
narazılığına səbəb oldu. Hakimiyyət etiraz əlaməti olaraq
müttəfiq dövlətlərə nota göndərdi.
Yaranmış ağır vəziyyətdən çıxmaq üçün nəyin bahasına
olursa-olsun, böyük dövlətlərlə, müharibədə qalib gəlmiş ABŞ,
İngiltərə, Fransa və s. ilə diplomatik danışıqları davam etdir-
mək və Azərbaycanın müstəqilliyinin tanınmasına, onun bey-
nəlxalq vəziyyətinin yaxşılaşdırılmasına nail olmaq yönündə
mühüm tədbirlər görmək vacib idi.
Mondros barışığı Azərbaycan Respublikasının müstəqil-
liyinin dünyanın aparıcı dövlətləri tərəfindən tanınması məsə-
ləsinə də böyük maneçilik törədirdi. Lakin bu problemlərə
baxmayaraq, Azərbaycan hökuməti milli dövlətin tanınması
yönündə cidd-cəhdlə çalışırdı. Bu məqsədlə noyabrın 10-da
Baş nazir Fətəli Xan Xoyski və xarici işlər naziri vəzifəsini
icra edən Adil xan Ziyadxan ABŞ-ın prezidenti Vudro Vilsona
müraciətlərində Azərbaycan Xalq Cümhuriyyətinin müstəqil-
ilyinin dünya dövlətləri tərəfindən tanınmasına köməklik
göstərilməsini xahiş etdilər. ABŞ prezidentinə müraciət səbəb-
siz deyildi. Bu dövrdə ABŞ dünyada gedən ictimai-siyasi
proseslərə mühüm təsir göstərən dövlətə çevrilmişdi. V. Vilson
müharibədən sonrakı dövrdə dövlətlərarası münasibətlərdə və
yeni dünya quruluşunun yaranması ilə bağlı məsələlərdə
modern və liberal yanaşmanın banisi hesab edilirdi.
Azərbaycan hökuməti bu dövrdə çevik hərəkət edərək,
Ənzəlidə yerləşmiş və Bakıya gəlmək üçün hazırlanan ingilis
ÀÇßÐÁÀÉÚÀÍÛÍ ÝÅÎÑÈÉÀÑßÒÈ
57
ordusunun başçısı general V. Tomson ilə görüşüb danışıqlar
aparmaqdan ötrü nümayəndə heyəti göndərdi. Tomson Azər-
baycanın müstəqilliyinə müxtəlif motivlərin təsiri altında
soyuq yanaşdı. Azərbaycan hökumətinin sosial dayağının ol-
madığını və Osmanlı intriqaları nəticəsində yaradıldığını
bildirdi. Azərbaycan nümayəndələrinin israrından sonra isə
gəlib vəziyyəti yerində öyrənəcəyini söylədi.
Tomson Azərbaycana gəlməzdən əvvəl türk ordusu Bakını
tərk etdi. Yerli əhali türk ordusunu böyük hörmətlə yola saldı.
Azərbaycanın müxtəlif şəhərlərində türk əsgərlərinin şərəfinə
ziyafətlər verildi.
Azərbaycan Milli Şurasının noyabrın 16-da keçirilən
iclasında Azərbaycanın müstəqilliyini tanımaq barədə bütün
dünya dövlətlərinə yeni müraciət qəbul edildi. Eyni zamanda
general Tomsona da müraciət qəbul olundu. Nazirlər Şurası
sədrinin general Tomsona göndərdiyi teleqramda bildirilirdi:
“Hökumət əmindir ki, müttəfiq ordunun Azərbaycana gəlməsi
Azərbaycan hökumətinin daxili işlərinə qarışmadığı surətdə
istiqlaliyyətimizə və məmləkətimizin təmamiyyətinə xəta
toxunmaz”. General Tomson cavab teleqramında Azərbaycan
hökuməti ilə əməkdaşlığa hazır olduğunu qeyd etdi. O sonrakı
çıxışlarında da Böyük Britaniya komandanlığının Azərbaycan
hökumətinə və onun Baş nazirinə böyük ehtiram göstərdiyini,
yeni koalisiyalı hökumət təşkil olunana qədər hazırkı höku-
mətin Azərbaycanda yeganə qanuni hökumət olaraq qaldığını
vurğulayırdı. Əslində, Tomsonun bu mövqeni tutması Azər-
baycan hökumətinin onunla diplomatik danışıqları uğurla və
məharətlə aparmasından irəli gəlirdi.
Noyabrın 17-də general Tomson başda olmaqla müttəfiq-
lər adından ingilis ordu hissələri gəmilərlə Bakıya gəldi. Tom-
son Bakıda ciddi nizam-intizam ilə və qayda qanunla qarşılan-
dı. Ölkədə real hakimiyyətin Azərbaycan hökuməti olduğuna
Dostları ilə paylaş: |