ßËÈ ÙßÑßÍÎÂ
76
tədbirləri və milli ordunun ehtiyacları haqqında memorandum
hazırlayaraq, onu müttəfiq dövlətlərin hərbi ekspertlər şurasına
göndərdi. Memorandumda Azərbaycanın dövlət təhlükəsizli-
yini möhkəmləndirmək üçün ölkəyə hərbi, iqtisadi və siyasi
yardım göstərilməsi xahiş edilirdi.
Həmin dövrdə bir-birinin ardınca Avropa dövlətlərinin
Bakıda konsulluqları fəaliyyətə başlayırdı. Azərbaycan höku-
məti ilə ABŞ, Böyük Britaniya və İtaliya arasında iqtisadi
əlaqələrin qurulması yönündə mühüm işlər görüldü.
Azərbaycan dövləti Şərq ilə Qərb arasında etibarlı körpü
funksiyasını oynamaq üçün ciddi addımlar atırdı. Avropa ölkə-
ləri ailəsinə daxil olmaqdan otrü vacib tədbirlər həyata
keçirilirdi.
1920-ci il martın 20-də Azərbaycan Respublikası ilə İran
arasında dostluq haqqında müqavilənin imzalanması ilə iki
ölkə arasında diplomatik münasibətlər yaradıldı. Bu Azərbay-
canın xarici siyasətinin böyük uğurlarından biri idi. Müqavi-
lənin birinci maddəsinə görə, İran hökuməti Azərbaycan Res-
publikasının müstəqilliyini de-yure tanıdığını bəyan edirdi.
Məhz hər iki dövlət arasındakı əlaqələrin möhkəmlənməsi
sayəsində az bir müddət ərzində Tehranda Azərbaycan səfirliyi
fəaliyyətə başladı. Eyni zamanda, Təbriz, Rəşt, Məşhəd, Xoy
və Əhərdə Azərbaycanın konsulluqları yaradıldı.
1920-ci il aprelin 15-də Azərbaycan parlamentində Avro-
pa dövlətlərinə və ABŞ-da diplomatik nümayəndəliklər açmaq
haqqında qanun layihəsi müzakirəyə çıxarıldı və aprelin 19-da
keçirilən iclasda Böyük Britaniya, Fransa, İtaliya, ABŞ, İsveç-
rə, Polşa, Almaniya və Rusiyada diplomatik nümayəndəliklər
təsis etmək haqqında qanun qəbul edildi.
Azərbaycan hökumətinin 1920-ci ilin aprel böhranına qə-
dərki dövrdə xarici siyasət sahəsində apardığı ciddi işlər xal-
ÀÇßÐÁÀÉÚÀÍÛÍ ÝÅÎÑÈÉÀÑßÒÈ
77
qımızın milli istiqlaliyyətinin tanınmasında mühüm rol oynadı.
Həyata keçirilən xarici siyasət xətti dünyada Azərbaycanın
sivil, demokratik respublika kimi tanınmasına ciddi təsir gös-
tərdi. Böyük çətinliklər hesabına müstəqil dövlətin yaradılması
və onun daxili, xarici siyasət fəaliyyətinin qurulması Azərbay-
canın dövlətçilik ənənələrinin bərpa olunması və dirçəldilməsi
istiqamətində də ciddi addımlar oldu.
Lakin bolşevik Rusyası Cənubi Qafqazda yaranmış yeni
geosiyasi dəyişiklikləri və Azərbaycanın dövlət müstəqilliyini
heç cür qəbul edə bilmirdi və etmək fikrində də deyildi. Bu da
səbəbsiz deyildi. Bolşevik hakimiyyəti formal olaraq çarizmin
xarici siyasət niyyətlərindən imtina etdiyini bəyan etsə də,
klassik alman geosiyasətçilərinin “dövlət canlı orqanizmdir”
kimi məşhur geosiyasi nəzəriyyələrindən çıxış edərək sovet
Rusiyasının ərazilərini keçmiş imperiya sərhədlərində bərpa
etməyə çalışırdı ki, buna da bir qədər sonra nail oldular.
Rusiyanın böyük dövlət olmasının yolu ilk növbədə Cənubi
Qafqazdan, onun açar ölkəsi olan Azərbaycana yiyələnməkdən
keçirdi. Lenin bolşevik hakimiyyətinə nəyin bahasına olursa-
olsun Azərbaycanın istiqlalına son qoymağı, Bakı neftinə,
Azərbaycanın əlverişli streteji mövqelərinə və zəngin təbii
sərvətlərinə yiyələnməyi tövsiyə edirdi.
1920-ci ilin əvvəllərindən başlayaraq Azərbaycanın ətra-
fında bolşeviklərin planlarının reallaşmasından ötrü əlverişli
beynəlxalq şərait yaranmağa başlayır. Keçmiş Antanta ölkələ-
rinin bir qisminin bolşevizmi beşiyində boğmaq və Türkiyənin
keçmiş mülklərinə sahib olmaq istəkləri yaxın keçmişədək bir-
biri ilə düşmən olan Türkiyə ilə bolşevik Rusiyasının yaxın-
laşması ilə iflasa uğradı. Birinci dünya müharibəsində məğlub
olan Türkiyədə bu zaman iki hakimiyyətlilik mövcud idi.
Bunlardan biri paytaxtı İstanbul olan Osmanlı hakimiyyəti,
ßËÈ ÙßÑßÍÎÂ
78
digəri isə 1920-ci il aprelin 23-də Ankarada qurulan Türkiyə
Böyük Millət Məclisi hökumətinin başçılıq etdiyi istiqlal
hakimiyyəti idi. Türkiyə üçün çox ağır bir vəziyyət yaranmışdı.
Türk xalqının istiqlal savaşında onu müdafiə edən və yardım
göstərən ölkə yox idi. Bu zaman Daşnak Ermənistanı Anadolu
torpaqlarına sahib olmaq və bu ərazilərdə öz müstəqil dövlətini
yaratmaq üğrunda Türkiyəyə qarşı şərqdə ikinci bir cəbhə aç-
mışdı. Türkiyə həm qərbdə, həm də şərqdə hərbi əməliyyatlar
aparmaq məcburiyyətində qalmışdı. Belə bir şəraitdə TBMM
hökumətinin başçısı Mustafa Kamal Atatürk o zaman “Anado-
luda gözü olmayan” bolşeviklərlə bir müqavilə imzalamağı
vacib sayırdı.
14
O, aprelin 26-da sovet hökumətinə ümumi
düşmənə qarşı mübarizədə müttəfiqlik barədə müraciət etdi.
15
Bununla bağlı olaraq türk tarixçisi Səlahəddin Tansel “1919-
1923-cü illər Atatürk və qurtuluş savaşı” adlı əsərində yazır:
“Mustafa Kamal 1920-ci il aprelin 26-da Rusiyanın ümumi
siyasətini nəzərə alaraq sovetlərə bir məktub göndərdi və
siyasi, hərbi ittifaqda əməkdaşlıq edə biləcəklərini, hər iki
14
Atatürk’ün Tanım, Telqraf ve Beyannameleri. IV. Ankara, 1964, s. 162;
Salahi R. Sonyel. Türk kurtuluş savaşı ve dış politika. I. Mondros bırakışma-
sından Böyük Millet Meclisi’nin açılışına kadar. Ankara, Türk Tarih Kurumu
Basımevi, 1987, s.174; Qasımlı M. Azərbaycan-Türkiyə diplomatik-siyasi
münasibətləri (aprel 1920-ci il-dekabr 1922-ci il). B., 1998, s. 26-27.
15
Mehmet Gönlübol, Cem Sar. Atatürk ve Türkiyenin dış politikası (1919-
1938). Ankara, Atatürk Araştırma Merkezi, 1997, s.16; Ömer Göksel İşyar.
Bölgesel ve global güvenlik çıkarları bağlamında Sovyet-Rus dış politikaları
ve Karabag sorunu. İstanbul, ALFA, 2004, s. 341; Письмо Мустафы Кемал-
Паши от имени ВНС Турции В.И.Ленину с предложением установления
дипломатических отношений между РСФСР и Турцией. 26 апреля 1920 г.
Архив Внешней Политики Российской Федерации, фонд 132, оп.3, папка
2, дело 1, лист 11; Из письма Письмо Мустафы Кемал-Паши от имени
ВНС Турции В.И.Ленину с предложением установления дипломатичес-
ких отношений между РСФСР и Турцией. 26 апреля 1920 г. – Журн.
“Международная жизнь.”, M., 1963, N: 11, c. 147-148.
Dostları ilə paylaş: |