51
iqtidarımızda bulunan bütün qayreti sərf etmiş və bir müvəffəqiyyətin əldə edildiyi
anlayışına varmışdıq. Buna rəğmən bizim mənfəətimizə olduğu qədər qarşı
tərəfin mənfəətinə də müvafiq olduğunu zənn etdiyimiz nəticənin əldə
edilməsi bu dəfə mümkün olmamışdır. Bununla bərabər, bilirsiniz ki, iki qonşu
məmləkət arasındakı dostluq qüvvətli əsaslara söykənmişdir. Bu dövrün
müvəqqəti şəraitindən doğan şərtlər və imkansızlıqlar bu dostluğu ihlal
etməməlidir (32).
1939-cu ilin sentyabr ayının sonlarında Ribbentropun Moskvaya ikinci səfəri
zamanı bir çox məsələlərlə yanaşı, Boğazlar probleminə də toxunuldu. Bu
mürəkkəb dövrü təhlil edən tanınmış Rusiya tarixçisi akademik A.N.Saxarov qeyd
edirdi ki, bir tərəfdən İngiltərə və Fransanın SSRİ əleyhinə sürüklədiyi
Türkiyə ilə danışıqlar gedir, digər tərəfdən Türkiyənin arxasında SSRİ və
Almaniya boğazlar məsələsini müzakirə edirdilər (33). Belə bir şəraitdə Türkiyə
Xarici işlər nazirinin Moskva danışıqlarını diqqətlə izləyən İngiltərə və Fransa
rəsmiləri 1939-cu ilin yazından başlanan müzakirələri başa çatdırmaq üçün aktiv
fəaliyyətə keçdilər. Oktyabr ayının 19-da Ankarada qarşılıqlı yardım haqqında
ingilis-fransız-türk müqaviləsi bağlanmaqla bu proses başa çatdı. Bu
müqavilənin birinci bəndinə görə, əgər Türkiyə hər hansı Avropa ölkəsi tərəfindən
təcavüzə məruz qalıb, həmin ölkəyə qarşı hərbi əməliyyatlara cəlb olunardısa,
İngiltərə və Fransa ona bütün mümkün olan kömək və yardımları göstərməli idi.
Müqavilənin ikinci maddəsi analoji situasiyada Türkiyənin göstərəcəyi yardım
barəsində idi. Bu maddəyə görə, hər hansı Avropa ölkəsinin təcavüzü Aralıq
dənizi rayonunda İngiltərə və Fransanın cəlb olunduğu müharibənin
başlanmasına gətirib çıxararsa, Türkiyə onlara bütün mümkün kömək və
yardımları göstərməyə borclu idi. İkinci maddədə əlavə olaraq göstərilirdi ki,
Türkiyə də müvafiq rayonda qeyd edilən vəziyyətə düşərdisə, İngiltərə və Fransa
ona həmin yardımı göstərməli idilər. Üçüncü maddə Ş.Saracoğlunun
Moskva danışıqlarında ciddi müzakirə mövzusu olan Yunanıstan və Rumıniyaya
göstəriləcək kömək barədə idi. Bu maddəyə görə Türkiyə Yunanıstan və
Rumıniyaya o halda yardım göstərməli idi ki, həmin öikələr qarşısında 13 aprel
1939-cu il Sazişi ilə götürdüyü təminatlara görə İngiltərə və Fransa müharibəyə
cəlb olunmuş olsunlar. Dördüncü maddə isə Aralıq dənizi rayonundan kənardakı
ərazilərdə müttəfiqlərin məsləhətləşmələrini tənzimləyirdi. Bu maddəyə görə
tərəflərin verdiyi müvafiq təminatlarla bağlı məsələ meydana çıxardısa, yəni
yuxarıda qeyd edilən halların xaricində Fransa və İngiltərə bir Avropa dövləti ilə,
bu dövlətin təcavüzü nəticəsində müharibəyə girirdisə, onda onlar təcili qarşılıqlı
müzakirələr Keçirməli idilər. Lakin bu halda Türkiyə İngiltərə və Fransa
ilə münasibətlərdə xeyirxah bitərəflik mövqeyində dayanmalı idi. Beşinci
maddəyə görə, bu müqaviləyə uyğun olaraq tərəflər müharibəyə girdikləri
52
təqdirdə silah işlədilməsi, ya da barış üçün birlikdə qərar verməli idilər. Qarşılıqlı
yardım haqqında ingilis-fransız-türk müqaviləsi on beş il müddətinə imzalanırdı.
Bu müddətin başa çatmasına altı ay qalmış tərəflərdən hər hansı birinin öz ləğvini
arzu edən açıqlaması olmasaydı, avtomatik olaraq müqavilə daha beş ilə
uzadılırdı.
19 oktyabr 1939-cu il tarixli ingilis-fransız-türk müqaviləsinə əlavə olaraq
imzalanmış protokola görə Türkiyənin bu müqavilə ilə üzərinə götürdüyü
öhdəliklər heç bir zaman onu Sovet İttifaqı ilə silahlı münaqişəyə məcbur edə
bilməzdi. Bu protokol bilavasitə Türkiyənin tələbi ilə imzalanmışdı. Bununla bir
tərəfdən Türkiyə Sovetlərlə münasibətləri yaxşılaşdırmaq arzusunu nümayiş
etdirirdisə, digər tərəfdən Türkiyəni SSRİ ilə hər hansı silahlı münaqişəyə cəlb edə
biləcək halların qarşısını almış olurdu (34).
Müqavilə ilə birgə imzalanmış hərbi konvensiyada İngiltərə və Fransanın
Türkiyə ərazisindəki yollardan, limanlardan, aerodromlardan və digər
obyektlərdən istifadə etmələri, habelə Mərmərə dənizində və Türkiyə ərazisində
bazalar inşa edilməsi nəzərdə tutulurdu. Lakin müharibənin sonuna qədər Türkiyə
heç kimə onun ərazisindən, Boğazlardan və məhəlli sularından hərbi məqsədlə
istifadə etməyə icazə vermədi.
Ən nəhayət, qarşılıqlı yardım haqqında 19 oktyabrda imzalanmış üçtərəfli
müqavilə vəziyyətin tələb etdiyi təqdirdə ikitərəfli müqaviləyə çevrilə bilərdi.
Yəni bir tərəfdə Türkiyə olmaqla bu müqavilə ingilis-türk və ya fransız-türk
müqaviləsi kimi öhdəliklərin ikitərəfli qaydada davam etdirilməsini nəzərdə
tuturdu. Əslində, 1940-cı ildə Fransa təslim olduqdan sonra 19 oktyabr müqaviləsi
öz fəaliyyətini ingilis-türk müqaviləsi kimi davam etdirdi. 19 oktyabr 1939-cu il
müqaviləsini imzalamaqla Türkiyə bir növ rəsmən müharibəyə daxil olmuş
İngiltərə və Fransanın vuruşmayan müttəfiqi oldu. Qərb ölkələri ilə müqavilə
Türkiyənin münaqişədən kənarda qalmasında mühüm rol oynadı.
Prezident İ.İnönü 1 noyabr 1939-cu ildə Böyük Millət Məclisindəki çıxışında
19 oktyabr müqaviləsini yüksək qiymətləndirərək deyirdi: 19 oktyabrda imza
edilən müqavilədə heç bir dövlətin əleyhinə olmayaraq heç olmazsa təsirimizin
yetişdiyi yerlərdə beynəlmiləl sülh və təhlükəsizliyə xidmət etmək yolu ilə öz
təhlükəsizliyimizi təmin etmək qayəsinə nail olunmuşdur. Biz bu müqavilə ilə
hərb faciəsi içində iztirab çəkən Avropada bir təhlükəsiz məntəqə olmaq etibarilə
bu faciənin genişlənməsinə və inkişafına mane olmaq qayəsini güdürük. Bu gün
olduğu kimi, sabah da məmləkətimizi hərb məntəqəsi xaricində saxlamağı
əmniyyətimizi və təhəddüdlərimizi unutmamaq şərti ilə millətimiz qarşısında ən
mühüm vəzifə hesab edirik (35).
19 oktyabr müqaviləsi Almaniya tərəfindən ciddi etirazla qarşılandı. Hətta
Ankaradakı Alman səfiri fon Papen ölkə rəsmilərini Türkiyəni tərk