451
Dövlət vergiləri dedikdə, Vergi Məcəlləsi ilə müəyyən edilən və Azərbaycan
Respublikasının bütün ərazisində ödənilməli olan vergilər nəzərdə tutulur.
Dövlət vergilərinə aşağıdakı vergilər aiddir: (m.6. VM)
- fiziki şəxslərin gəlir vergisi;
- hüquqi şəxslərin mənfəət vergisi (bələdiyyə mülkiyyətində olan müəssisə və
təşkilatlardan başqa);
- əlavə dəyər vergisi;
- aksizlər;
- hüquqi şəxslərin əmlak vergisi;
- hüquqi şəxslərin torpaq vergisi;
- tranzit yol vergisi;
- mədən vergisi;
- sadələşdirilmiş sistem üzrə vergi.
Muxtar Respublika vergiləri dedikdə, Naxçıvan Muxtar Respublikasında Vergi
Məcəlləsinə müvafiq olaraq Naxçıvan Muxtar Respublikasının qanunları ilə müəyyən edilən
və Naxçıvan Muxtar Respublikasında ödənilən vergilər nəzərdə tutulur.
Muxtar respublika vergilərinə Naxçıvan MR-da tutulan Vergilər Məcəlləsinin 6.1-ci
maddəsində (yol vergi istisna olunmaqla) sadalanan dövlət vergiləri aiddir. (m.7 VM).
Yerli vergilər (bələdiyyə vergiləri) dedikdə, Vergi Məcəlləsi və müvafiq qanunlarla
müəyyən edilən, bələdiyyələrin qərarlarına əsasən tətbiq edilən və bələdiyyələrin ərazilərində
ödənilən vergilər nəzərdə tutulur.
Yerli vergilərə isə aşağıdakı vergilər aiddir: (m.8 VM).
- fiziki şəxslərin torpaq vergisi;
- fiziki şəxslərin əmlak vergisi;
- yerli əhəmiyyətli tikinti materialları üzrə mədən vergisi;
- bələdiyyə mülkiyyətində olan müəssisə və təşkilatların mənfəət vergisi.
Vergi- dövlətin və bələdiyyələrin fəaliyyətinin maliyyə təminatı məqsədi ilə vergi
ödəyicilərinin mülkiyyətində olan pul vəsaitlərinin özgəninkiləşdirilməsi şəklində dövlət
büdcəsinə və yerli büdcələrə köçürülən məcburi, fərdi, əvəzsiz ödənişdir.
Vergi qanunvericiliyi ilə tənzimlənən münasibətlərin iştirakçıları aşağıdakılardır:
- vergi ödəyicisi hesab edilən hüquqi və fiziki şəxslər;
- vergi agenti (vergini hesablamağa, onu vergi ödəyicisindən tutmağa və təyinatı üzrə
köçürməyə borclu olan şəxs) hesab edilən hüquqi və fiziki şəxslər;
- dövlət vergi orqanları;
- gömrük orqanları;
- Vergi Məcəlləsi ilə nəzərdə tutulan məsələlərin həlli ilə bağlı maliyyə orqanları;
- vergi ödəyicilərindən vergilərin ödənilməsi üçün vəsaitlərin alınmasını və onların
büdcəyə köçürülməsini, vergi və gömrük orqanlarından başqa, müəyyən edilmiş qaydada
həyata keçirilən dövlət hakimiyyəti orqanları, yerli özünüidarəetmə orqanları, digər
səlahiyyətli orqanlar və vəzifəli şəxslər.
Azərbaycan Respublikasında dövlət vergi orqanlarının Azərbaycan Respublikasının
Vergilər Nazirliyi və bilavasitə ona tabe olan ərazi vergi orqanları təşkil edir. Bu orqanlara
rəhbərliyi Azərbaycan Respublikasının Prezidenti və höküməti həyata keçirir.
Vergi orqanlarının fəaliyyətinin hüquqi əsaslarını Azərbaycan Respublikasının
Konstitusiyası, Azərbaycan Respublikasının 11 iyul 2000-ci il tarixli Qanunu ilə təsdiq
452
edilmiş Vergi Məcəlləsi və onlara uyğun olaraq qəbul edilmiş digər qanunvericilik aktları
təşkil edir.
Vergi orqanları öz səlahiyyətləri çərçivəsində hüquq-mühafizə orqanlarının
səlahiyyətlərini həyata keçirirlər. Vergi orqanları öz fəaliyyətini yerli dövlət hakimiyyəti
orqanlarından asılı olmayaraq, müstəqil həyata keçirirlər. Vergi orqanları tərəfindən onların
səlahiyyətləri daxilində qəbul edilən qərarlar bütün hüquqi və fiziki şəxslər üçün məcburidir.
Vergi orqanları məhkəmələrə iddia ərizələrinin verilməsi üçün dövlət rüsumunu
ödəməkdən azaddırlar.
Vergi orqanları vergilərin (tranzit yol vergisi, idxal-ixrac əməliyyatları üzrə vergilərdən
başqa) tam və vaxtında ödənilməsinə nəzarəti həyata keçirirlər.
Vergi orqanları öz vəzifələrini mərkəzi və yerli icra hakimiyyəti orqanları, hüquq-
mühafizə, maliyyə və digər hakimiyyət orqanları ilə qarşılıqlı əlaqədə həyata keçirirlər.
Vergi orqanlarının yerinə yetirilməsi ilə əlaqədar digər dövlət hakimiyyəti orqanları
vergi orqanlarına kömək etməyə və zəruri hallarda müəyyən edilmiş qaydada onlara lazımi
məlumatları verməyə borcludurlar.
Azərbaycan Respublikasının Vergi Məcəlləsi ilə nəzərdə tutulan hallarda vergi
orqanlarının səlahiyyətlərini qanunla müəyyən edilmiş hallarda və qaydada tranzit yol vergisi
və idxal-ixrac əməliyyatları sahəsində gömrük orqanları həyata keçirir.
Dövlət gömrük orqanları mallar Azərbaycan Respublikasının gömrük sərhəddindən
keçirildikdə, vergilərin tutulması sahəsində Azərbaycan Respublikasının Vergi Məcəlləsi,
Gömrük Məcəlləsi və digər qanunları ilə müəyyən edilmiş hüquqları və vəzifələri həyata
keçirirlər.
Gömrük orqanları vergitutma ilə əlaqədar onlarda olan məlumatı Azərbaycan
Respublikasının Vergilər Nazirliyinə verməlidirlər.
Vergi orqanlarının hüquqları:
1. Azərbaycan Respublikasının Vergi Məcəlləsi ilə müəyyən edilmiş qaydada və
həllarda kameral və səyyar vergi yoxlamaları keçirmək;
2. vergi ödəyicilərində bütün maliyyə sənədlərini, mühasibat kitablarını, hesabatları,
smetaları, nəqd vəsaitləri, qiymətli kağızları və başqa qiymətliləri, bəyannamələri və
vergilərin hesablanması və ödənilməsi ilə bağlı olan digər sənədləri qanunvericiliklə müəyyən
edilmiş qaydada yoxlamaq, habelə yoxlamaların keçirilməsi zamanı yoxlamaya aid olan
məsələlərlə bağlı vergi ödəyicilərindən və ya onun vəzifəli şəxslərindən lazımi izahatlar,
arayışlar və məlumatlar almaq;
3. vergi ödəyicilərinin gəlir götürmək üçün istifadə etdikləri, yaxud vergi tutulan
obyektlərin saxlanılması ilə bağlı olan istehsal, anbar, ticarət və digər binalarında
(ərazilərində) qanunvericiliklə müəyyən edilmiş qaydada xronometrac metodu ilə müşahidə
aparmaq və baxış keçirmək, müəyyən edilmiş qaydada sənədləri götürmək;
4. vergi ödəyiciləri olan hüquqi şəxslərdən və fiziki şəxslərdən vergi qanunvericiliyinin
pozulması hallarının aradan qaldırılmasını tələb etmək;
5. qanunla müəyyən edilmiş qaydada vergi qanunvericiliyinin pozulması ilə bağlı işlərə
baxmaq, hüquqi və fiziki şəxslərin vergi borclarına faizlər hesablamaq, bu şəxslərə maliyyə
sanksiyaları və inzibati cərimələr tətbiq etmək;
6. “Əməliyyat-axtarış fəaliyyəti haqqında” Azərbaycan Respublikasının Qanunu ilə
müəyyən olunmuş qaydada vətəndaşların vergi məsələləri ilə bağlı sorğusunu həyata
keçirmək;