49
taxılın məhsuldarlığına ciddi ziyan vuran 3 növü vardır.
Fuzarium kök çürüməsi. Fusarium graminearum Schw; F.
Aveaceum Sacc. göbələyi təsnifata görə Ascomycota şöbəsinin , Sor-
dariomycetes sinifinin , Hypocreales sırasının, Nectriaceae fəsilə-
sinin, Fusarium cinsinin nümayindəsidir. Bu göbələk bitkininin, de-
mək olar ki, bütün orqanlarında (kök, gövdə, sünbül, dən) müşahidə
edilir. Xəstəliklə sirayətlənmiş taxıl cücərtiləri bəzən torpaq səthinə
çıxmadan tələf olur. Xəstəliyə məruz qalmış cücərtilərin birinci və
ikinci dərəcəli köklərində, kökboğazında qaralma müşahidə olunur,
yarpaqları saralır, gövdəsi nazilir və inkişafca geri qalır. Belə bitki-
lər qışı pis keçirdikləri üçün tez tələf olur. Vegetasiyanın sonrakı
mərhələlərində fuzarioz güclü yayılarsa, məhsuldar gövdələrin bir
çoxu tələf olur, sünbüllər boş qalaraq çəhrayı rəng alır, əmələ
gəlmiş dənlər isə olduqca yüngül və cılız olur. Belə sünbüllər boyca
kiçik qalmaları, sahədə cılız, arıq görünmələri və dik vəziyyətdə
durmaları ilə fərqlənir. Xəstəliyin bu mərhələsi sünbülün fuzariozu
adlanır. Sünbülün fuzariozu əsasən süd-mum yetişməsi dövtündə
70-75% nisbi rütubətdə çox intensiv inkişaf edir. Fuzarimla si-
rayətlənmiş dənlərin çəkisi olduqca yüngül, rəngi ağ, cücərmə qa-
biliyyəti zəif olur, onlar xəstəliyin bir ildən o biri ilə keçməsinin
əsas mənbəyidir.
Göbələyin konidiləri oraqvarı şəkildə, 3-5 arakəsməli və
41-80×4-6 mkm böyüklükdədir.
Göbələyin kisə mərhələsi Gibberella saubinetti (Mont) Sacc.
Payızda kövşən qalıqları və alaq otları üzərində geniş yayılır. Fuza-
riumla güclü sirayətlənmiş taxıl sahələrindən əldə edilmiş toxumlar-
dan səpin materialı kimi istifadə edilməsinə yol verilməməlidir.
Ofiobolus kök çürüməsi. Xəstəliyin törədicisi Ophiobolus
graminis təsnifata görə kisəli göbələklərin Ascomycota şöbəsinin ,
Dothideomycetes sinifinin , Pleosporales sırasının, Leptosphae-
riaceae fəsiləsinin, Ophiobolus cinsinin nümayindəsidir. Göbələk
taxıl cücərtiləri payızda sirayətləndirir və qışı xəstə toxumalarda
keçirdikdən sonra erkən yazdan bitkilərin kökboğazında və kök-
lərində yenidən inkişafa başlayır. Bitkilərin qışdan zəif çıxması
50
xəstəliyin kütləvi şəkildə yayılmasına kömək edir. Xəstəliklə
sirayətlənmiş gövdələrin kökləri, kökboğazı və birinci gövdə bu-
ğumları tamamilə qaralır və kövrəkləşir. Saralmış və çürümüş
birinci buğum yarpaqlarının altında göbələyin qara rəngli meyvə
bədəni-peritesisi və kisə sporları toplanır. Peritesi qabaqvarı, uc
hissədə bir qədər nazik, 600-800 mkm diametrdə üzəri keçəyəbən-
zər nazik mitsellərlə əhatə olunmuşdur. Onun içərisində yerləşmiş
hissələrin hər birində 8 ədəd kisə sporu yerləşir. Kisə sporları
qamçıvarı uzunsovdur, 5-7 ədəd arakəsməyə malikdir. Ofiobolus
göbələyi ilə yoluxmuş bitkilərdə əksər hallarda sünbülləmə getmir,
məhsuldar gövdələr tələf olur, gövdənin ağlığı və sünbüllərin
dənsizliyi müşahidə edilir.
Xəstəlik bitki qalıqları və torpaq vasitəsilə yayılır. Toxum xəs-
təliyin yayılmasında rol oynamır. Göbələk həyat fəaliyyətini torpaq
və bitki qalıqları üzərində 10-15 il davam etdirə bilir (Şəkil 7).
Helminthosporium kök çürüməsi. Drechslera sorokiniana
Subram. Təsnifata görə bu göbələk Ascomycota şöbəsinin , Dothi-
deomycetes sinifinin , Pleosporales sırasının, Pleosporaceae fəsilə-
sinin, Drechslera cinsinin nümayindəsidir. Bu göbələk əvvəlki-
lərdən fərqli olaraq, daha çox yarpaqları sirayətləndirir. Xəstəliyin
inkişafı aprel, may aylarında temperaturun (20-28ºC) və nisbi
rütubətin (70-80%) yüksəlməsi ilə eyni vaxtda başlayır. Yarpaqlar
üzərində əmələ gələn kiçik ölçülü bozumtul ləkələr sonra bir-biri ilə
birləşib bütün yarpaq səthini tutur. Bitkinin tənəffüs prosesinin
pozur, onda fotosintezin intensivliyi zəifləyir və yarpaqları quruyub
tökülür (Şəkil 8).
Təcrübələr təsdiqləyir ki, buğdanın helmintosporiozu Azərbay-
canda yalnız yarpaq formasında yayılır, bitkilərin digər orqanlarında
isə çox az hallarda müşahidə edilir. Göbələyin konidiləri uzunsov,
ucları küt, bir qədər əyilmiş, 3-12 arakəsməli, böyüklüyü 60-17
mkm-dir. Qeyd etmək lazımdır ki, helmintosporioz xəstəliyi Şəkidə,
fuzarioz isə Zaqatala ərazisində daha geniş yayılır.
Kökçürüməni əmələ gətirən göbələklər yarımparazit mikroor-
qanizmlər olduqları üçün inkişafca zəif olan bitkiləri daha çox si-
51
rayətləndirir. Təbii iqlim amilləri, xüsusən, yağıntılı hava şəraitinin
çox çəkməsi, bitkilərin uzun müddət su altında qalması, onların kök
sistemində havalanmanın zəifləməsi göbələklərin inkişafı üçün əl-
verişli şərait əmələ gətirir.
Kökçürümə nəticəsində sahədə bitkinin sıxlığı, dənin çəkisi,
sayı və cücərmə qabiliyyəti azalır, çörək bişirmə keyfiyyəti pisləşir.
Şəki-Zaqatala bölgəsində apardığımız uzun müddətli tədqiqat işləri-
nin nəticəsinə görə, xəstəliyin kütləvi yayılma zamanı məhsul-
darlığa vurduğu ziyan 35-50%-ə çatır.
Kök çürüməsi xəstəliklərinə qarşı mübarizə tədbirləri. Bit-
kilərin kökçürümə xəstəliklərinə qarşı davamlılığını artırmaq məq-
sədilə şum altına səpin qabağı (hər bir zona üçün torpaqda qida
maddələrinin miqdarına müvafiq) fosfor-kalium, çıxışdan sonra isə
zəif yerlərə azot gübrəsinin verilməsi bitkinin qışlamanı yaxşı keçir-
məsini təmin etmək üçün səmərəlidir. Erkən yazda yemləmə
şəklində azot gübrəsinin verilməsi isə bitkinin yaxşı kollanması və
inkişafı üçün şərait yaradır.
Taxılın hər il eyni sahəyə əkilməsi, səpin müddətinin pozul-
ması torpaqda kökçürümə törədiciləri ehtiyatını ilbəil artırır. Növ-
bəli əkinlər və sələf bitkilərinin tətbiqi torpaqda olan bu törədicilə-
rin dəf edilməsində və bitkilərin normal inkişaf etməsində əvəzedil-
məz rol oynayır. Şəki-Zaqatalada becərilən bir çox kənd təsərrüfatı
bitkiləri – qarğıdalı, tütün, yonca, tərəvəz və paxlalı bitkilər, qara
herik və s. taxılların kökçürüməsindən mühafizə olunmasında ən
yaxşı sələflər hesab edilir. Qeyd etmək lazımdır ki, qarğıdalı və
paxlalı bitki sələflərindən sonra torpaqda kökçürümə törədicilərinin
antoqonisti olan mikroorqanizmlərin miqdarı olduqca artır və
xəstəliyin qarşısının alınmasında aktiv iştirak edirlər. Bu xüsusiy-
yətlər digər sələf bitkilərində də vardır. Odur ki, kökçürümənin
güclü yayıldığı əkin sahələrində taxılın yerinə təkrar əkilməsinə yol
verməməli, bu tədbir fasilə ilə 2-3 ildən bir həyata keçirilməlidir.
Biçindən sonra sahənin bitki qalıqlarından təmizlənməsi və də-
rin şum (20-25 sm) aparılması torpaqda olan kökçürümə törədicilə-
rinin məhdudlaşmasına və ləğv edilməsinə kömək edir. Əks halda
Dostları ilə paylaş: |