85
Kartof yumrularının qonur ləkəliyi
Xəstəlik başlıca olaraq turş reaksiyalı torpaqlarda uzun müddət
mineral gübrələrin istifadəsindən yaranır. Toxumluq kartof sahələ-
rində, gec əkinlərində məhsul yığımı dövründə yumrularda narıncı-
qonur ləkələr müşahidə olunarsa, deməli, xəstəlik mövcuddur. Əgər
ləkələr yumrunun 50%-dən çox səthini əhatə etmişdirsə, belə məh-
sulun saxlanması və toxumluq kimi istifadəsi yararsız hesab olunur.
Ona görə ki, tezliklə belə kartoflar çürüyür. Ləkəliklər kiçik ölçülü
və 25-50%-dən azdırsa, belə kartoflar tezliklə istifadə olunmalıdır.
Mövcud ləkələr saxlama yerlərində qonurlaşır sonradan tamamilə
qaralaraq dərinləşir. Dərinləşmiş yerlərdə quru çürümə xəstəliyi
əmələ gəlir və məhsulun zay olmasına səbəb olur.
Yumruların qonur-narıncı ləkəliyi həm də torpağın həddən çox
rütubətli olduğu sahələrdə rast gəlinir. Suvarmanın və becərmənin
düzgün aparılmadığı sahələrdə, torpağın reaksiyasının turşulaşma
istiqamətində dəyişdiyi yerlərdə xəstəliyin qarşısının alınması üçün
torpaq əhənglənir (Şəkil 40).
Kartof yumrularının boğulması
Xəstəliyin başlıca əlaməti yumruların özəyinin qaralmasıdır.
Torpaqda yumruların yetişkənliyi dövründə havalanmanın zəif ol-
ması, həddən artıq nəmlənmiş torpağın üzünün qaysaqlaması nəticə-
sində kartof yumrularının oksigenlə təminatı zəifləyir və ilkin bo-
ğulma baş verir. Belə şəraitə qeyri-hiqroskopik, gillicəlli torpaq-
larda daha çox təsadüf olunur. Əksər hallarda xəstəlik saxlama
yerlərində və uzaq məsafələrə uzun müddətdə (10 gündən artıq)
daşınma zamanı normal havalanma şəraitinin olmamasından əmələ
gəlir. Temperaturun yüksəlməsi və tənəffüsün pozulması sağlam
yumrularda özəyin qaralması ilə müşayiət olunur. Boğulmuş kartof
tez bir zamanda (4-5 günə) çürüyərək sıradan çıxır.
Xəstəliyin qarşısını almaq üçün yumruların şişmə dövründə
torpağın həddən çox suvarılmasına (suyun gölməçələr şəklində qal-
ması) yol verilməməlidir. Kartofun saxlama yerlərində və daşıyıcı
86
nəqliyyat vasitələrində saxlama və daşınma qaydalarına əməl olun-
malıdır. Kameralarda havalandırma sistemi standartlara uyğun ol-
madıqda, saxlama və daşınma zamanı temperatur həddi normada ol-
madıqda məhsul itkisi daha çox olur (Şəkil 41).
İnfeksion xəstəliklər
Kartof müxtəlif törədicilər (virus, mikoplazma, aktinomiset,
göbələk) tərəfindən 60-dan artıq xəstəliyə məruz qalır. Bu xəstə-
liklərin növ tərkibi ildən-ilə çoxalır və patogenlərin yeni-yeni
rasalarının hücumuna məruz qalır. Qeyd olunan xəstəlik törədici-
lərinin Azərbaycanda yayılan və iqtisadi-təsərrüfatçılıq baxımından
ziyan gətirən növləri aşağıdakılardır.
Virus xəstəlikləri
Təbiətdə ən çox virus xəstəliklərinə məruz qalan bitkilərdən bi-
ri kartofdur. Kartof üzərində qeyd olunan virus xəstəliklərinin sayı
42-dən artıqdır. Bəzi aqressiv növlərin təsirindən kartof 10%-dən
40%-ə qədər məhsul itkisinə məruz qalır. Virusların kartof bitki-
sində əksər əlamətləri eybəcərlik yaratmaqla təzahür edir. Xəstə
bitkilərdə yarpaq, gövdə və yumrularında deformasiyalar, qırışlan-
ma, inkişafdan qalma, nekrozluq (rəngsizləşmə), alabəzəklik, kol-
lanma və eybəcərlik əlamətləri müşahidə olunur.
Azərbaycanda kartofda qeydə alınmış və müxtəlif bölgələrdə
yayılan başlıca virus xəstəlikləri aşağıdakılardır:
1. Qırışlı mozaika - Potato virus A.;
2. Zolaqlı mozaika - Potato virus Y.;
3. Yarpaq qıvrılması - Potato leafroll virus.
Qırışlı mozaika yaradan Potato virus A (PVA) 4-cü qrup
müsbət ribonuklein molekullu (RNT) virusların, Potyviridae fəsilə-
sinin, Potyvirus cinsinə aiddir. Bütün kartof becərilən bölgələrdə
yayılmışdır. Ən geniş yayılan virus xəstəliyidir. 1998-2014-cü illər-
də Azəbaycanda Quba-Xaçmaz, Abşeron, Cəlilabad, Muğan bölgə-
87
lərində aparılmış müşahidələr zamanı xəstəliyin yayılması öyrənil-
mişdir. İqlimi isti keçən Kür-Araz ovalığı və Cəlilabad bölgələrində
xəstəlik daha şiddətlə (38-72%) yayılır. Yüksək yayılma müşahidə
olunan əkin sahələrində kartofun məhsuldarlığı 35-68% azalır.
Xəstəlik əvvəlcə kartof kollarında təpə hissələrdə yarpaqların
qırışlanması, damarlar ətrafında olan parenximanın yarpaq üzərinə
doğru eybəcər formada qabarması və deformasiyası şəklində mey-
dana çıxır. Bu hissələrdə yarpaq və budaqlar inkişafdan qalır. Quru
və isti hava şəraitində yoluxmuş yarpaqlarda qırışlı hissələrin dama-
rları və ətraf hissələr nekrozlaşır. Əvvəlcə açıq-yaşıl, sonradan açıq
sarımtıl-yaşıl, nəhayət tamamilə saralma, quruma ilə müşayiət olu-
nur. Kartofda vaxtından əvvəl zəif yumrular əmələ gəlir, çiçəkləmə
zəif olur və ya tamamilə çiçək açmır. Yaşıl kütlə öz inkişafını tez
başa vurur və yumrular kiçik ölçülü, eybəcər formada və tam forma-
laşmamış olur.
Xəstəlik badımcançiçəklilərin başqa növlərindən badımcan, ya-
banı quşüzümü bitkilərində müşahidə edilir. Pomidor bitkisinə daha
çox ziyan vurur. Örtülü və açıq şəraitdə becərilən pomidor bitki-
sində məhsul itkisi 25-62%-ə qədər olur.
Xəstəliyin aralıq keçiriciləri və yayılmasını sürətləndirən soru-
cu ağız aparatına malik olan zərərvericilər istixana ağqanadlısı,
müxtəlif yastıcalar və mənənələrdir. Qırışlı mozaika xəstəliyinin to-
xumla yayılması aşkar edilməmişdir (Şəkil 42).
Zolaqlı mozaika yaradan Potato virus Y (PVY) 4-cü qrup
müsbət RNT viruslarının, Potyviridae fəsiləsinin, Potyvirus cinsinə
aiddir. Zolaqlı mozaika şiddətli xəstəlik olmaqla, kartofun və pomi-
dorun məhsuldarlığının kəskin azalmasına səbəb olur. Azərbaycanın
Abşeron, Muğan və Cəlilabad bölgəsi üçün spesifik xəstəliklərdən-
dir. Çiçəkləməyə az qalmış və çiçəkləmədən sonra yarpaq saplaqla-
rında və budaqlarında qonur rəngli kiçik xətlər əmələ gəlir. Bu xətt-
lər az keçməmiş (5-10 günə) daha da uzanaraq bütün kolu və budaq-
ları bürüyür, orta və aşağı yarus yarpaqları soluxur və quruyur. Yu-
xarı yarusun təpə yarpaqları isə qırışlı, zəif inkişaf etməklə inkişaf-
dan qalır. Virus, mənənələr ( Myzus persicae, Aphis fabae,
Dostları ilə paylaş: |