145
Unlu şeh xəstəliyi
Törədicisi Oidium lycopersicum Cooke et Mass. Ascomycota
şöbəsi, Ascomycetes sinfi, Erysiphales sırasının Oidium cinsinin
nümayəndəsidir.
Pomidor bitkisi üzərində Unlu şeh xəstəliyi Azərbaycanın
Abşeron yarımadası bölgəsində daha çox rast gəlinir. Xəstəlik açıq
və örtülü sahədə becərilən bitkilərdə əvvəlcə aşağı yarus yarpaqları
üzərində ağımtıl-boz rəngdə, kiçik dairəvi örtüklər şəklində təzahür
edir. Əlverişli şərait olduqca, O.lycopersicum bütün yarpaq səthini
əhatə edir. Xəstəlik Abşeron yarımadasında polietilen örtüklü əksər
istixanalarda yayılmışdır. Pomidor yarpaqları üzərində ilk müşahidə
olunduğu vaxtdan başlayaraq vegetasiyanın sonuna qədər model
bitkilər üzərində xəsətəliyin inkişaf dinamikası öyrənilmişdir. Pato-
gen vegetasiyanın axırına qədər öz inkişafını davam etdirir. 20-
30°C temperatur və 55-95% nisbi rütubət O. lycopersicumun inki-
şafı üçün əlverişlidir. Göründüyü kimi belə şərait bütün istixana-
larda mövcuddur.
Əgər patogenin ehtiyatı varsa, onun yayılması labüddür. Öz in-
kişafı dövründə Unlu şeh xəstəliyini yaradaraq yarpaqların tədricən
saralması, yarpaqlar qocaldıqca onların parenximasının sarımtıl-qo-
nur rəngə düşməsi, bəzən rütubət çox olduqda yarpaqların deforma-
siyası, turqorun itməsi və vaxtından qabaq tökülməsi baş verir. Xəs-
təliyin meyvələri sirayətləndirməsi müşahidə olunmur. Buna bax-
mayaraq çiçək saplağı, kasa və kasa yarpaqları xəstəliklə yoluxur.
Abşeronda açıq şəraitdə becərilən pomidor bitkisi üzərində
Unlu şeh xəstəliyi müşahidə olunur, lakin iqtisadi baxımdan böyük
əhəmiyyət daşımır. Belə ki, yayda havada şehlə nəticələnən duman
və çiskin çox olduğu dövrlərdə xəstəliyin yayıldığı müşahidə edilir.
Əkin sahəsində havalanma zəif olduqda, aqrotexniki qaydalara əməl
olunmadıqda xəstəliyin aşağı yarpaqlarını məhv etdiyi müşahidə
edilir. Əlverişli şərait olduqda orta yarus yarpaqları üzərində xəs-
təlik daha şiddətlə yayılır və defolyasiyaya səbəb olur. Oidium
lycopersicum pomidor bitkisindən başqa şirin və acı bibər bitki-
146
lərini, yabanı quşüzümü və başqa bir çox alaq otları üzərində pato-
genlik edir.
Pomidor bitkisi üzərində Unlu şeh xəstəliyi yaradan növlərdən
biri Leotiomycetes sinfi, Erysiphales sırasının, Leveillula cinsinə aid
olan Leveillula taurica (G.Arnaud) göbəliyidir.
L.taurica ilk olaraq yarpaqların üst hissəsində açıq-yaşıl və sarı
ləkələrlə müşahidə edilir. Əlverişli şərait olduqda yarpaqların hər iki
tərəfində unlu örtük şəklində inkişaf edərək bütün yarpaq ayasını
əhatə edir. Ağımtıl-boz örtük göbələyin konidi və mitselləridir. Ko-
nidilər külək, yağış damcıları, suvarma suyunun damcıları, dumanla
intensiv yayıla bilir. Kütləvi yayılma illərində pomidorun yarpaqları
tökülür, meyvələr kiçik olur və günəşin intensiv şüalanmasından
meyvələrdə yanıqlar müşahidə edilir.
Duman və küləklə konidilər uzaq məsafələrə miqrasiya edə bi-
lər. Yayılma qabiliyyətinə, geniş diapozonlu iqlim şəraitində malik-
dir. 10-32°C temperaturda 50-85% nisbi rütubət diapozonunda in-
tensiv inkişaf edir.
Oidium lycopersicum və ya Leveillula taurica göbələklərinin
yaratdığı xəstəliklərə qarşı mübarizə tədbirlərinin təşkili zamanı əv-
vəlcə törədici təyin olunmuşdur. Patogen məlum olduqdan sonra
ona qarşı təbii antoqonistindən alınmış bioloji preparatlardan isti-
fadə edilmişdir. Oidium lycopersicuma qarşı Planriz preparatının
tətbiqi səmərəli olmuşdur. Preparat tətbiq edildikdə titr 2×109
vahid/qram olmuş, xəstəliyin kütləvi yayıldığı illərdə kvadris, SK
(Azoksistrobin) 0,4-0,6 l/ha, Strobi (krezoksim-metil) preparatının
0,3-0,5 kq/ha tətbiqi səmərəlidir. Qeyd olunan preparatlar olma-
dıqda Topaz (Penkonazol), Bayleton (Triadimefon) preparatlarından
istifadə edilə bilər.
Unlu şeh xəstəliyinin qarşısının alınmasında ekoloji factorların
rolu böyükdür. Əkin sxeminə düzgün əməl olunmadıqda, bitki arası
və cərgəarası yaxın olduqda havalanma-aerasiya balansı pozulur,
rütubətli hava bitkilərin sıx hissələrində davamlı qaldığından törədi-
cilərin inkişafına şərait yaranır. Temperatur rütubət balansı normaya
uyğun olmalıdır. Axşamların sərin, şehli və dumanlı keçməsi, örtülü
147
sahədə isə axşam suvarmasından sonra yaranmış kondision nisbi rü-
tubətin yüksəlməsi xəstəliyi yaradan başlıca şəraitlərdən biridir.
Odur ki, suvarmalar səhər vaxtları yerinə yetirilməlidir. Torpaqla tə-
masda olan və aşağı yarus yarpaqların vaxtında təmizlənməsi ilə ha-
valanma-aerasiya şəraiti yaxşılaşır. Qida mühitinin və torpaqda olan
makro və mikroelementlərin normada olmasına nəzarət olunmalıdır.
Hər əkindən qabaq torpaq analiz olunmalı və çatmayan qida ele-
mentləri normal səviyyəyə çatdırılmalıdır. Suvarma suyunun tərki-
binin də böyük əhəmiyyəti var. Suvarmada turş və ya qələvi
reaksiyalı cod sulardan istifadə olunduqda pomidor bitkisinin
maddələr mübadiləsi pozulur və ümumi davamlılıq azalır, bitki
zəifləyir. Zəif bitkilər isə Unlu şehlə daha tez sirayətlənir (Şəkil 81).
Qonur ləkəlik
Törədicisi Cladosporium fulvum Cooke ( Passalora fulva (Co-
oke) U.Braun & Crous) Ascomycota şöbəsinin, Capnodiales sırası-
nın, Mycosphaerella fəsiləsinin, Passalora cinsinin nümayəndəsidir
(sin. Fulvia fulva Zirə istixanası, 2012).
Kladosporioz açıq və örtülü sahədə pomidor bitkisinin yarpaq,
yarpaq saplağı, gövdə, kasa, kasa yarpaqları və meyvələrini sirayət-
ləndirir. İlk əlamətlər aşağı yarus yarpaqlarının əvvəlcə üst hissəsin-
də açıq-yaşıl sonradan sarımtıl rəngdə ləkələrlə müşahidə olunur.
Sonradan bu ləkələr üzərində alt hissədə qonur rəngli nöqtələr şək-
lində göbələyin konididaşıyanları və konidiləri formalaşır. Xəstəli-
yin yayılmasında başlıca rol oynayan da budur.
Damcı, su və ya küləklə tez bir zamanda yayılması mümkün-
dür. Bunun üçün havanın nisbi rütubəti 85-95% olmalıdır. Axşam
və səhərin dumanlı havası xəstəliyin yayılması üçün ən əlverişli
şərait sayılır. Örtülü sahədə rütubət yüksək olduğundan xəstəlik po-
lietilen örtüklü istixanalarda daha geniş yayılmışdır. Azərbaycanda
bölgələrdə kladosporioz geniş yayılmışdır. Aparılmış tədqiqatlarla
məlum olmuşdur ki, patogen inkişafı dövründə mutasiya edərək
müxtəlif rasalar və yarımnövlər yaradır. Bu da onun torpaq mənşəli
Dostları ilə paylaş: |