148
saprotrof həyat tərzi keçirdiyi dövrdə baş verir. Bitki qalıqlarında
torpağa düşən patogen tez bir zamanda saprotrof həyata uyğunlaşır.
Əlverişli şərait olan zaman yenidən bitki üzərində inkişaf edərək ya-
yılma arealını genişləndirir. Belə xarakterik xüsusiyyətinə görə da-
vamlı sortların yaradılması və ya onlardan istifadə səmərə vermir.
Kladosporiozun yayılmasında başlıca rol oynayan yarpağın alt
hissəsində yaranmış sarımtıl ləkənin üzərindəki qonur rəngli örtük
yaradan konidilərdir. Konidilər şaxələnmiş konididaşıyanlar üzərin-
də görünür. Dairəvi və ya yumurtaşəkilli formada olub, 1-5 hü-
ceyrəli olur. Konidilərin membranının rəngi açıq-qonur rəngli,
hüceyrə daxili bozumtul-ağ rənglidir. Ölçüləri birhüceyrəlilər
4-7×6-9 mkm, ikihüceyrəlilər 5-8×10-14 mkm, üç-beş hüceyrəlilər
6-10×13-29 mkm-dir (Şəkil 82).
Boz çürümə
Törədicisi Botrytis cinerea Pers. Ascomycota şöbəsi, Leotio-
mycetes sinfi, Helotiales sırası, Botrytis cinsinə aid torpaq mənşəli
göbələkdir. Torpaqda və bitki qalıqlarında uzun müddət sklerotsiya
halında yatmış vəziyyətdə yaşayır. Temperatur-rütubət rejiminin əl-
verişli olduğu şəraitdə mədəni bitkilərlə təmasda olmadıqda bitki və
digər üzvi qalıqlarla qidalanır və saprotrof həyat keçirir. B.cinerea
bitkiləri həm vegetasiya dövründə, həm də saxlama və daşınma za-
manı sirayətləndirir. Vegetasiya dövründə PB-nın bütün yerüstü or-
qanlarını zədələyir. Patogen, əsasən, zədələnmiş hissələrdən daxil
olur. İlkin yoluxma zamanı əlamətlər gövdələrdə ellipsvari, üzəri
bozumtul örtüklə örtülmüş yaralar şəklində təzahür edir. Yüksək rü-
tubətdə xəstəlik ikişaf edərək meyvə saplağından yetişməkdə olan
meyvəyə keçir. Xəstəlik çiçəkləmədən qabaq yayıldıqda və patogen
üçün əlverişli şərait varsa, qısa müddətdə bütün yerüstü hissəni
məhv edə bilir. Pomidor meyvəsi B.cinereanın inkişafı üçün ideal
substratdır. Sahədə xəstəlik yayılmışdırsa, meyvələr yığıldıqdan
sonra saxlama yerlərində yayılmanın miqyası daha da yüksəlir. Ko-
nidilərin hava-damcı yolu və zədələnmə yerlərindən toxunma ilə
149
keçdiyi üçün qısa müddətdə bütün məhsulu yoluxdurur. Botrytis
cinerea yoluxdurduğu bitklərin növ tərkibi genişdir. Sulu və lətli
meyvəsi olan bütün meyvə, bostan və tərəvəzləri, həmçinin konserv
məmulatlarını və s. ərzaq məhsullarını çirkləndirir. Xəstəliyin yayıl-
masında başlıca amil havanın yüksək rütubəti, havalandırma siste-
minin zəif olması, hava şəraitinin dumanlı və çiskinli olmasıdır.
Örtülü sahədə polietilen örtüklü istixanalarda Boz çürümə xəstəliyi
pomidorda ciddi məhsul itkisi yaradır. Havalandırmanın düzgün
təşkili, köhnəlmiş yarpaqların vaxtında kəsilməsi, işıqlandırmanın
proporsional yayılması, bitki qalıqlarının vaxtında sahədən kənar-
laşdırılması və yandırılması, torpaqda və havada nisbi rütubətin
normada (65-75%) saxlanması, dumanlı və yağmurlu havalarda
örtülü sahənin qorunması tədbirləri xəstəliyin qarşısının alınma-
sında əhəmiyyətlidir (Şəkil 83).
Septorioz
Törədicisi Septoria lycopersici Speg., Ascomycota şöbəsi,
Dothideales sırası, Dothideales fəsiləsi, Septoria cinsinə (Hawks-
worth D.L. et al, 1995) aid olub, yayılması kosmopolitdir, həyat tər-
zi biotrof parazitlərə aiddir. PB-nın bütün vegetasiya dövründə
yarpaq, saplaq və budaqlarını zədələyir. Septorioz xəstəliyinin ilk
əlamətləri əvvəl bitkinin yaşlı yarpaqlarında kiçik olçülü (0,5-5
mm), dairəvi və ya nisbətən ellipsvari formada, sarımtıl-yaşıl rəngli
ləkələr yaradır. Sonradan bu ləkələr tündləşərək sarımtıl-qonur rəng
alır və orta hissədə yaranan ağımtıl sahədə qara nöqtələr görünür.
Bu göbələyin qonur rəngli piknidləridir. Yarpaqda olan ləkəli his-
sələr quruyaraq tökülür nəticədə deşiklər yaranır. Xəstəliyin ya-
yılma intensivliyi yüksək olduqda yarpaqda çoxlu sayda deşikli
yaralar əmələ gəlir ki, bu yarpaq səthinin azalmasına və bitkinin
zəifləyərək tamamilə məhv olmasına səbəb olur. Şitillər üzərində bu
əlamətlər daha xarakterik olduğuna görə şitil alan şəxslər buna
diqqət etməlidir. Xəstəlik budaqlarda kənarlarının qeyri-konsentrik
qara haşiyə ilə müşayiət olunan dairəvi, uzunsov yarpaqşəkilli,
150
ellipsvari formada olan ləkələr halında təzahür edir. Bu ləkələrin
kənarları qara-qonur rəngli xətlərlə əhatə olunsa da, ortası bozumtul
rəngdədir. Bu hissədə göbələyin piknidləri görünür. Məhsuldar
sahədə S. lycopersicigüclü yayıldığı illərdə bitkinin yarpaqlarını
tamamilə məhv edir. S. lycopersici üçün əlverişli şərait (HNR 80-
95%, temperatur 19-25°C) yarandıqda piknidlərin ağzı açılır və pik-
nisporlar havaya atılır. Havaya atılan sporlar hava-damcı yolu ilə
kütləvi şəkildə yayılır. Xəstəliyin yayılmasında süni yağış, örtük altı
damcılar, işçilər və iş alətləri, cücülər və zərərverici orqanizmlər
mühüm rol oynayır.
S.lycopersici xəstə bitkilərin qalıqlarında, meyvələrində, torpaq-
da, xəstəliklə yoluxan Solanales sırasına mənsub olan yabanı bitkilər-
də və onların qalığında piknid daxilində piknispolar halında növbəti
dövrlərə ilkin infeksiya ehtiyatı kimi qalır. Sistematik mikroskopiya
analizləri göstərdi ki, patogenin piknidlərinin ölçüləri 95-172 mkm
diametrində, açıq-qonur rəngdə, ellipsvari, yumurtaşəkilli formalarda
olub, üzəri ziyillidir.Piknisporlar (konidilər) sapşəkilli, silindrik for-
madadır. Bir, iki və daha artıq arakəsməlidir. Arakəsmələr çox vaxt
aydın seçilmir, 30-138×1,5-3,2 mkm ölçüsündədir. S.lycopersicinin
bitkini yoluxdurmasının inkubasiya dövrü temperatur-rütubət həd-
dindən asılı olaraq 7-15 gün arasında dəyişir (Şəkil 84).
Fuzarioz soluxma
Kökçürüməsi yaradan Fusarium oxysporum f.sp. lycopersici
Shlecht. emend. Snyder & Hansen, Fusarium solani f. sp. radicis ly-
copersici Jarvis & Shoemaker (1979), Fusarium solani Mart. Göbə-
ləklər ( Fungi) aləmi, Ascomycota şöbəsi, Sordariomycetes sinfi,
Hypocreales sırası, Nectriaceae fəsiləsi, Fusarium cinsinə aiddir.
Fusarium cinsinə aid olan patogenlər PB-də, əsasən, iki əla-
mətlə müşahidə edilən xəstəlik yaradır. F.oxisporum f. sp. Lico-
persici PB-də xroniki soluxma yaradır. Bu xəstəlik zamanı bitkilər
inkişafdan qalır, aşağı yarus yarpaqlarının yan və ətrafları quruyur,
yarpaqlarda saralma və soluxma müşahidə edilir. Güclü yoluxma
Dostları ilə paylaş: |