166
Göbələyin kanidiləri bitki qalıqları və alaq otları üzərində yaşayır.
Sonradan bu bitkilər üzərindən mədəni əkinlərə keçir. Alaq otları
üzərində yaranan kanidilər külək vasitəsilə uzaq məsafələrə yayılır.
Yoluxma üçün yüksək rütubətliliyə ehtiyac yoxdur. Xəstəliyin
inkişafına yüksək temperatur və zəif içıqlanma müsbət təsir göstərir.
Fusarioz soluxma
Xəstəliyin patogeni: Fusarium oxysporum f. sp. capsici
Yayılması: Becərilən rayonların hər yerində.
Əlamətləri: Xəstəliyin əlamətləri ilk öncə özünü yarpaqların
cüzi miqdarda saralmasında və yuxarı yarpaqların solmasında
büruzə verir. Soluxma inkişaf etdikcə yarpaqlar bulanlıq-yaşıl
rəngdən qəhvəyiyə qədər rəngini dəyişib bitki üzərində qala bilirlər.
Kök və gövdənin diaqonal kəsiyindəki ötürücü toxumalarda
qırmızılı-qəhvəyi zolaqlar müşahidə olunur.
Xəstəliyin inkişaf şərtləri: Bu fitopatogen göbələklər torpaqda
öz həyat qabiliyyətlərini bir neçə il ərzində saxlaya bilib, kənd
təsərrüfatı avadanlıqları, yoluxmuş bitki qalıqları və suvarılma suyu
vasitəsilə yayılırlar. Torpağın yüksək temperaturu (33
0
C) və
rütubətliliyi xəstəliyin sürətli inkişafına səbəb olur.
Mübarizə tədbirləri: Avadanlıqları yoluxmuş sahədən təmiz
sahəyə köçürdüyünüz zaman onları diqqətlə dezinfeksiya etmək
lazımdır.
Boz çürümə
Xəstəliyin patogeni: Botrytis cinerea fitopatogen göbələk.
Yayılması: Becərilən rayonların hər yerində.
Əlamətləri: Botrytis cinerea fitopatogen göbələyi yeni əkilmiş
bitkilərin tumurcuq başlarının qurumasına səbəb olur. Lakin, o
istənilən yerüstü orqanı zədəli olan böyük bitkiləri də yoluxdura
bilər. Gövdələrdə infeksiyanın ilkin əlaməti ellipsvari sulu ləkələr
formasında özünü büruzə verər. Sonradan bu ləkələrin ölçüləri bö-
yüyür və onlar bitkini həlqəyə salaraq onun soluxmasına və məh-
167
vinə səbəb olur. Yarpaqların yoluxması, adətən zədəli yerlərdə V–
şəkilli sirayətlənmiş sahələr əmələ gətirməklə baş verir. Yüksək
rütubətlilik şəraitində gövdə və yarpaqlardakı zədələr spordaşıyan
boz mitselilərlə örtülə bilər. Meyvələrin yoluxması sulu ləkələrin
əmələ gəlməsi ilə başlayır. Onlar da öz növbəsində ölçülərində tez
böyüyərək, boz–qəhvəyi örtüklü göbələk spordaşıyanlarına malik
zədələr əmələ gətirirlər (Şəkil 108).
Xəstəliyin inkişaf şərtləri: Botrytis cinerea fitopatogen göbə-
ləyi geniş yayılmışdır. O, effektli saprofit olduğu üçün, torpaqda və
yoluxmuş bitki qalıqlarında sklerasiya şəklində uzun müddət öz
həyat qabiliyyətini saxlaya bilir. Botrytis zəif parazit hesab olunur
və adətən bitki toxumalarını zədələr vasitəsi ilə yoluxdurur.
Xəstəliyin inkişafı üçün çiskinli, sərin və rütubətli hava lazımdır.
Belə şəraitdə külək vasitəsi ilə asanlıqla yayıla bilən boz kütləli
göbələk spordaşıyıcıları əmələ gəlir. Istixanalardakı pis havalan-
dırma boz çürümənin güclü inkişafına səbəb olur ki, bu da öz
növbəsində yüksək məhsul itkisinə gətirib çıxarır.
Mübarizə tədbirləri: Bitkilərin kəsimi həyata keçirilməlidir ki,
onların havalandırılması bərpa olunsun. Bu xəstəliyin vurmuş oldu-
ğu zərəri azaltmaq məqsədi ilə həmin kəsiklər funqisidlərlə işlən-
məlidir. Uzun müddətli yüksək rütubətliliyi aradan qaldırmaq üçün
dəqiq suvarma cədvəli qurulub, düzgün hava dövriyyəsini
təminetmək lazımdır.
Yarpaqların Serkosporioz ləkəliliyi
Xəstəliyin törədicisi: Cercospora capsici G. f. sp. Melongenae
fitopatogen göbələk.
Yayılması: Həryerdə.
Əlamətləri: Xəstəlik bibər və badımcan bitkilərinin yarpaq,
saplaq, gövdə və şitillərini yoluxdurur. İlk zamanlar əlamətlər dairə-
vi şəkildən uzunsov şəkilə qədər dəyişən kiçik xloratik zədələr şək-
lində özünü büruzə verir. Sonradan sirayətlənmiş hissələr kənarlar-
dan tünd-qəhvəyi rəngli çərçivələrlə əhatələnir. Mərkəzdən isə acıq-
168
boz rəngli spordaşıyanları ilə birlikdə nekrozlaşırlar. Ayrılıqda sira-
yətlənmiş hissələrin ölçüləri böyüdükcə konsentrik halqaların əmələ
gəlməsi müşahidə oluna bilər. Bu yoluxmuş hissələr şəklinə görə
qurbağa gözünə oxşadığı üçün ona xalq arasında “frogeye” (ingilis
dilindən tərcümədə “qurbağa gözü” deməkdir) adı verilmişdir. Sira-
yətlənmiş hissələrin qurumasından asılı olaraq mərkəzlər çatlayaraq,
tökülür. Xəstəliyin güclü inkişafı zamanı yarpaqların tökülməsi
(xəzan) və meyvələrin ölçülərinin kiçilməsi müşahidə olunur.
Xəstəliyin inkişaf şərtləri: Cercospora capsici patogen göbə-
ləyi öz həyat qabiliyyətini ən azından bir ilə qədər yoluxmuş bitki
qalıqlarında saxlaya bilir. Isti rütubətli hava xəstəliyin inkişafına
müsbət təsir göstərir. Fitopatogen göbələklərin sporları külək, yağış
damcıları və suvarma suyu ilə ya da mexaniki olaraq–torpaq işləyən
və başqa kənd təsərrüfatı avadanlıqları və insan vasitəsilə də yayıla
bilər.
Mübarizə tədbirləri: Növbəli əkinlə birlikdə, aqrotexniki me-
todlar və funqisidlərlə planlı şəkildə çiləmə məhsul itkisinin qarşı-
sını ala bilər. Sahələrdəki bütün bitki qalıqlarının məhv edilməsi və
bu patogenin sahibi olmayan mühitlərin istifadəsi torpaqdakı infek-
sion başlanğıcın miqdarını azalda bilər. Damcılı suvarmadan
istifadə etməklə su vasitəsi ilə patogenin ətrafa səpələnməsinin qar-
şısını almaq olar.
SSAB-nin başlıca xəstəliklərinin törədiciləri patogenliyi baxı-
mından kartof, pomidor, badımcan və bibəri yoluxdurur. Odur ki,
SSAB üzərində qeydə alınmış patogenlərin bioekoloji xüsusiyyət-
lərinin öyrənilməsi üzrə tədqiqatlar aparılmışdır.
Dostları ilə paylaş: |